မြန်မာ့ ‘’စံ’’ က ဘာလဲ။

The Voice Daily, 26, Oct, 2016.

ပြုပြင်ပြောင်းလဲရေး လမ်းစပေါ်မှာ

ပြုပြင်ပြောင်းလဲရေး ဆုိုတဲ့စကားကုိုပြောကတည်းက လက်ရှိအခြေအနေဟာ မှားနေတယ်၊ စံ မမီဘူး၊ ခေတ်မမီဘူး ။ ဒါကြောင့် ဒီထက်ကောင်းတဲ့၊ ဒီထက်ခေတ်မီတဲ့အခြေနေတခုဆီရောက်အောင် ပြုပြင်ပြောင်းလဲဖုို့လုိုနေပြီလုို့ အဓိပ္ဗယ် သက်ရောက်ပါတယ်။ တနည်းအားဖြင့်ပြောမယ်ဆုိုရင်တော့ ပြင်ဆင်မဲ့လမ်းသစ်ဆီမသွားခင် လက်ရှိ အခြေအနေဟာ မှားနေတယ်ဆုိုတာကုို အရင်ဝန်ခံဖုို့လုိုပါလိမ့်မယ်။

နှစ် ၅၀ ကျော်တောင် မှားခဲ့တာဆုိုတော့ ပြင်ဆင်စရာတွေကလည်း ဘယ်နည်းပါ့မလဲ။ အဲဒီလုို မနည်းတဲ့ ပြင်ဆင်စရာတွေထဲမှာ နုိုင်ငံရေးသမားတွေဦးစားပေးပြောဆုိုလေ့ရှိတာကတော့ ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေးပါပဲ။ ဒါပေမဲ့ စာရေးသူကတော့ အပေါ်ထပ်အဆောက်ဦ ဖွဲ့စည်းပုံပြင်တာအပြင် အောက်ခြေက နုိုင်ငံသားတဦးချင်း၊ လူတဦးချင်းစီရဲ့ စိတ်ဓတ်တွေ၊ အကျင့်တွေ၊ စံချိန်စံညွှန်းတွေကိုလည်း တပြိုင်တည်းပြင်ဖို့လုိုမယ် ယူဆပါတယ်။ 

နုိုင်ငံရေး ‘’စံ’’ အကြောင်း အရင်ပြောရမယ်ဆုိုရင် ၂၀၀၈ ဖွဲစည်းပုံဟာ စံ မမှီပါ။ ဒါကြောင့် စံ မီတဲ့ ဖွဲ့စည်းပုံတခုရလာအောင် လွတ်တော်တွင်းကရော၊ လွှတ်တော်ပြင်ပကပါ ၀ုိုင်းကြိုးစားနေကြတယ်လို့ နားးလည်မိပါတယ်။ ဒါဖြင့် ၂၀၀၈ ဖွဲ့ စည်းပုံမတိုင်ခင်ရှိခဲ့ဖူးတဲ့ ၁၉၇၄ ဖွဲ့စည်းပုံနဲ့ ၁၉၄၇ ဖွဲ့ စည်းပုံတွေ ကကော စံ မီပါရဲ့လား။ ဗြိတိသျှနယ်ချဲ့ ဆီကနေ လွတ်လပ်ရေးအရယူနုိုင်ဖုို့ အချိန်လုရေးဆွဲခဲ့ရတဲ့ ၁၉၄၇ ဖွဲ့စည်းပုံမှာ အားနဲချက်တချို့ရှိခဲ့ပေမဲ့ တခြားဖွဲ့ စည်းပုံ ၂ ခု ထက်ပုိုကောင်းတာကတော့ သေချာပါတယ်။ 

တနည်းအားဖြင့် ၁၉၄၇ ဖွဲ့စည်းပုံနဲ့ ၁၉၄၈ လွတ်လပ်ရေးအရယူခဲ့တာဟာ အဲဒီကာလက မြန်မာ့ ‘’စံ’’ လုို့ဆုို နိုင်ပါတယ်။ ၁၉၄၈ ကနေ ၁၉၆၂ အထိ မြန်မာ့ စံ ကတော့ ရွေးကောက်ခံအရပ်သား ဒီမုိုကရေစီအစိုးရတွေ ပါပဲ။ ၁၉၆၂ မှာ စစ်တပ်က အာဏာသိမ်းပြီးတဲ့နောက် မြန်မာ စံ ဟာ စစ်အုပ်ချုပ်ရေး၊ စစ်အာဏာရှင်နဲ့ တည့်အောင်ပေါင်းရေး ဖြစ်သွားတယ်လို့ ၀န်ခံရပါလိမ့်မယ်။ 

အခု ၂၀၀၈ ဖွဲ့စည်းပုံနဲ့သွားနေတဲ့ကာလမှာကော မြန်မာ့ စံ ကဘာလဲ။ ၁၉၄၈ နဲ့ ၁၉၆၂ အကြားရှိခဲ့ဖူးတဲ့ ရွေးကောက်ခံအရပ်သားအစိုးရ အဆင့်လောက်ရှိတယ်ပြောဖို့တောင် မလွယ်သေးပါ။ (တော်လှန်ရေး ကောင်စီ၊ မဆလ၊ န၀တ၊ နအဖ၊ ဦးသိန်းစိန်အစိုးရတုို့ အားလုံးထက် လက်ရှိအစိုးရ ပိုကောင်းတာ သေချာ သည့်တုိုင်) လက်ရှိ အစိုးရ အဆင့်အတန်းကို စစ်တပ်တ၀က်-အရပ်သားတ၀က် ခွဲတန်းချအုပ်ချုပ်ရေး စနစ်လုို့ပြောရမလား။ နုိုင်ငံရေးဝေဖန်သူ တချုို့ကတော့ ဒီနေ့မြန်မာအစိုးရ ‘’စံ’’ ကုို Hybrid regimes (အာဏာရှင်နဲ့ပေါင်းထားတဲ့ ဒီမုိုကရေစီအစုိုးရလုို့ ဆုိုနုိုင်မယ်ထင်ပါတယ်) လုို့ပြောကြပါတယ်။ စာရေးသူ ကတော့ ဗုိုလ်ချုပ်ကြီးတွေ ပြောခဲ့ဖူးတဲ့ စည်းကမ်းပြည့်ဝသော ဒီမုိုကရေစီ၊ လမ်းညွန်ဒီမုိုကရေစီ (Guided democracy) သုို့မဟုတ် မြန်မာ့နည်းမြန်မာ့ဟန် ဒီမုိုကရေစီ (Burmese way to Democracy) လုိုခေါ် ချင်ပါတယ်။

ဒါက နုိုင်ငံရေး စံ ပါ။ စီးပွားရေး ‘’စံ’’ ကောဘယ်လုိုလဲ။ ဈေးကွက်စီးပွားရေးကိုလက်ခံထားတယ်ဆုိုပေမဲ့ လက်တွေ့မှာတော့ ခရုိုနီစီးပွားရေး စံ အဆင့်မှာပဲရှိနေပါသေးတယ်။ စစ်တပ်နဲ့ခရီုနီပေါင်းပြီးသိမ်းထားတဲ့ မြေယာတွေကို ပြည်သူတွေဆီ ပြန်ပေးနေပြီဆုိုပေမဲ့ အတော်နဲနေပါသေးတယ်။ လူမှုရေးနဲ့ယဉ်ကျေးမှု ဖက်မှာလည်း ထူးမခြားနားပါပဲ။ လွတ်လပ်စွာကိုးကွယ်ခွင့်ကုို ဖွဲ့စည်းပုံမှာအာမခံထားတဲ့အတွက် လူမျိုးစုံ ယဉ်ကျေးမှု (Multi Culture) ကို စံ အဖြစ်လက်ခံထားတယ်လုို့ယူဆရပါတယ်။ ဒါပေမဲ့ လက်တွေ့မှာတော့ မြန်မာလူမျိုး၊ ဗုဒ္ခဘာသာလုို့ မှတ်ပုံတင်မှာ ရေးထားသူတွေကုိုသာ ဦးစားပေးနေဆဲဖြစ်ပါတယ်။ မျိုးနွယ်စု အချင်းချင်းကြား စစ်ပွဲတွေ (Internal conflict)၊ မျီုးနွယ်စု အချင်းချင်းကြား ပတိပက္ခတွေ (communal violence) ကုို အခု အစိုးရသစ်လက်ထက်အထိ အဆုံးမသတ်နုိုင်သေးပါ။

ဒီလို ဖားတပုိုင်း-ငါးတပုိုင်း ဒီမုိုကရေစီ ‘’စံ’’ အောက်မှာ နုိုင်ငံသားတဦးချင်းစီရဲ့ စံနှုန်းတွေကို သတ်မှတ်ဖို့၊ အကျင့်စရုိုက်တွေကိုပြုပြင်ဖို့၊ နုိုင်ငံတကာလုပ်ထုံးလုပ်နည်းတွေကိုလုိုက်နာအောင်လုပ်ဖို့ဆုိုတာ သိပ်တော့ မလွယ်လှပါဘူး။ ဒါပေမဲ့ မလွယ်ဘူးဆုိုပြီး မလုပ်ပဲနေရင် အခြေအနေက ပုိုဆုိုးလာနုိုင်ပါတယ်။ ဒါဟာ အရေးကြီးပါတယ်။ ဘာကြောင့် လဲဆုို ဝေဖန်ဆန်းစစ်သူတချုို့က ၂၀၀၈ ဖွဲ့စည်းပုံအခြေခံဥပဒေကုို ပြင်လုိုက်ရုံနဲ့ မြန်မာနုိုင်ငံရဲ့ကျဆင်းနေတဲ့ အခြေ အနေအားလုံး ချက်ချင်းကြီးကောင်းလာတော့မလုိုလုို ပြောနေကြလုို့ ဖြစ်ပါတယ်။

စံ မတူ မြန်မာ

လွန်ခဲ့တဲ့နှစ်ပုိုင်းက အင်ဂျင်နီယာတဦးရေးတဲ့ စံ မတူ မြန်မာ့အင်ဂျင်နီယာလောကနဲ့ အဆောက်ဦတွေ အကြောင်း ဆောင်းပါးတပုဒ် ဖတ်ခဲ့ဖူးပါတယ်။ မြန်မာနုိုင်ငံက အဆောက်ဦအတော်များများဟာ နုိုင်ငံတကာစံချိန်စံညွှန်းတွေနဲ့ အညီဆောက်ထားတာမဟုတ်ပဲ အဆင်ပြေသလုိုဆောက်ထားတာ ကများကြောင်း၊ အထပ် အနိမ့်-အမြင့်တွေ၊ လှေ ကားထစ်တွေ၊ တံခါးဘောင်တွေ၊ ပြူတင်းပေါက် ဘောင်တွေဟာလည်း စံသတ်မှတ်ချက်မရှိပဲ တအိမ်တမျိုးဖြစ်နေတယ်လို့ဆုိုပါတယ်။ ဒါပေမဲ့ အဆောက်ဦ စံချိန်စံညွှန်းစစ်ဆေးသူကုို လာဘ်ငွေပေးလုိုက်ရင် အဲဒီလုိုစံမမီတဲ့ အဆောက်ဦအားလုံး စံ မီတယ်လို့ ထောက်ခံစာရေးပေးလုိုက်ပါတယ်။

ဒီလုိုနဲ့ လွန်ခဲ့တဲ့ နှစ် ၂၀ အတွင်းဆောက်ခဲ့တဲ့တုိုက်တာတွေက အရင်ပြိုကျပျက်စီးနေပြီး နှစ် ၁၀၀ ကျော် ကိုလုိုနီခေတ်က ဆောက်ခဲ့တဲ့ လက်ကျန်အဆောက်ဦတွေက ပုိုမုိုခုိုင်မာ လှပနေတာကို ရန်ကုန်မှာတွေ့ နုိုင်ပါတယ်။ ဒါက တုိုက်တာအဆောက်ဦကိစ္စ။ လမ်း၊ တံတားဖက်ကိုပြောဦးမလား။ ပြီးခဲ့တဲ့ ဦးသိန်းစ်ိန် အစိုးရလက်ထက်မှာ ဆောက်ခဲ့တဲ့ ရန်ကုန်မြို့လယ်က ကုန်းကျော်တံတားတွေအားလုံး စံချိန်မမီလုို့ ပြန်ဆောက်ရမယ်ဆုိုပြီး ပြောဆုိုသံတွေ ကျယ် ကျယ်လောင်လောင်ကြားနေရပါတယ်။ တံတားပေါ် အပေ့ါသွားလုို့ တံနားနိမ့်သွားတယ်၊ တံတားကျိုးသွားတယ်ဆုို တဲ့အထိ ဒီနေ့ ဆောက်လုပ်ရေး စံ က ဟာသလုပ်ခံနေရပါတယ်။

ဒါကြောင့် စစ်အစိုးရခေတ်ကဖောက်ခဲ့တဲ့ သေမင်းတမန်လမ်းသစ်အဖြစ် နာမည်ကြီးနေတဲ့ ရန်ကုန်-နေပြည်တော်-မန္တလေး အမြန်လမ်းကို အခုပြန်ပြင်နေရပါတယ်။ မော်လမြိုင်က ကမ်းနားလမ်း စံချိန်မမီလို့ မွန်ပြည်နယ်လွတ်တော်မှာဆွးနွေးနေသလုို မော်လမြိုင်-ထားဝယ် ကားလမ်းစံချိန်မမီလို့ အင်ဂျင်နီယာကို အရေးယူမယ်ဆုိုပြီး တနသာင်္ရီတုိုင်း ၀န်ကြီးချုပ်က သတိပေးနေတာကို သတင်းတွေထဲ ဖတ်နေရပါတယ်။

ဒါက အများမြင်သာတဲ့နေရာတချို့ကုို ဥပမာ ထုတ်ပြတာပါ။ တကယ်တော့ ဆောက်လုပ်ရေးဌာနတင်မက တနုိုင်ငံလုံးက နေရာအားလုံးနီးပါးမှာ ‘’စံ’’ သတ်မှတ်ချက်မရှိပါ။ သက်ဆုိုင်ရာ စံချိန်စံညွှန်း သတ်မှတ်သူ၊ တုိုင်းထွာသူကုို လာဘ်ငွေပေးနုိုင်ရင်ပေးနုိုင်သလောက် စံ ကောင်းကြောင်း ထောက်ခံချက်ရတဲ့အတွက် ဒီနေ့ မြန်မာ့ ‘’စံ’’ ဟာ လာဘ်ငွေပေးခြင်း၊ အာဏာရှိသူနဲ့တည့်အောင်ပေါင်းပြီး ဂွင်ရုိုက်ခြင်းလုို့ပြောရင် ငြင်းဖုို့ခက်ပါလိမ့်မယ်။ 

စာနဲ့ရေးပြထားစရာမလိုတဲ့ စံချိန်စံညွှန်းများ

စံ မမီတဲ့အိမ်ပေါ်ကဆင်းပြီး မြို့ထဲလမ်းလျောက်ကြည့်ဦးမလား။ ပလက်ဖောင်းမှာ လမ်းဘေးဆုိုင်တွေ နဲ့ပြည့်နေလုို့ ကားလမ်းမပေါ် ဆင်းလျောက်ရပါလိမ့်မယ်။ ပလက်ဖောင်းဆုိုတာ လမ်းလျောက်တဲ့နေရာလုို့ နုိုင်ငံတကာမှာ သိထားကြပေမဲ့ မြန်မာနုိုင်ငံမှာတော့ ဈေးရောင်းတဲ့နေရာဖြစ်နေပါတယ်။ အလားတူပါပဲ၊ လူကူးမျဉ်းကြားတွေ ရန်ကုန်မြို့လယ်မှာရှိပေမဲ့ ဒီတုိုင်းသွားကူးလုို့မရ၊ ကားတုိုက်ခံရပြီး သေသွားနုိုင်ပါတယ်။ လူကူမျဉ်းကျားဆုိုကတည်းက လူတွေကို ဦးစားပေးရမှာကို နုိုင်ငံတကာယဉ်မောင်းတုိုင်းသိပေမဲ့ မြန်မာနုိုင်ငံ ကယဉ်မောင်းတွေ မသိကြပါ။ 

ဒီတော့ လူတွေက မျဉ်းကျားမှာကူးလဲ မထူးတဲ့အတူတူ ကုူးချင်တဲ့နေရာက ကူးတော့တာပါပဲ၊ ကားသမား တွေကလည်း ရပ်ချင်တဲ့နေရာ ရပ်တော့တာပါပဲ။ ဒီလုိုနဲ့ မြန်မာ့ ‘’စံ’’ ဆုိုတာ သတ်သတ်မှတ်မှတ်ဘာမှ မရှိတော့ပဲ နားလည်မှုနဲ့ မီးစင်ကြည့်က ဖြစ်သွားခဲ့တာ နှစ် ၅၀ လောက်ရှိသွားပြီဖြစ်ပါတယ်။

စာနဲ့ရေးပြထားတဲ့၊ ဆုိုင်းဘုတ်ကြီးတွေထောင်ပြထားတဲ့၊ မျဉ်းကျားတွေဆွဲထားတဲ့နေရာမှာတောင် စည်း ကမ်း (လုပ်ထုံးလုပ်နည်း) ကုိုမလုိုက်နာဘူးဆုိုရင် စာနဲ့ရေးပြထားစရာမလုိုတဲ့စည်းကမ်းတွေဆုို လုိုက်နာဖုို့ ပုိုခက်နုိုင်ပါတယ်။ ဥပမာ စာကြည့်တုိုက်မှာ စကားကျယ်ကျယ်မပြောရ၊ လူကြားမှာ ဆေးလိပ်မသောက်ရ၊ လမ်းမပေါ် ကွမ်းသွေးမထွေးရ၊ အများသူငါတန်းစီတဲ့နေရာမှာ ဖြတ်မတိုးရ၊ အများသုံး ကားတွေ၊ ရထားတွေ ပေါ်မှာ မသန်စွမ်းတွေ၊ သက်ကြီးရွယ်အုိုတွေ၊ ကလေးသူငယ်တွေနဲ့ အပြိုင်မတုိုးရ … စသဖြင့် စာနဲ့ရေးပြ စရာမလုိုပဲ အလုိုလုိုသိနေရမဲ့ စံ တွေလည်း အများကြီးရှိပါသေးတယ်။

မြန်မာနုိုင်ငံမှာ ‘’စံ’’ ဘယ်လောက်အထိပျက်နေသလဲဆုိုရင် လူနာတင်လာတဲ့ အရေးပေါ်ဆေးရုံကား ကိုတောင် သာမန်ခရီးသည်ကား၊ ကိုယ်ပုိုင်ကားတွေက လမ်းဖယ်မပေးကြပါဘူး။ ဒါပေမဲ့ ၀န်ကြီးကားတွေ၊ စစ်တပ်ကားတွေ၊ VIP ကားတွေ၊ ပြိုင်ကားတွေလာရင်တော့ အားလုံးက ပျာပျာသလဲ လမ်းဖယ်ပေးကြ တာတွေ့မိပါတယ်။ ဘာကြောင့် စံ တွေ ဒီလုိုပျက်စီးသွားရတာလဲ။

ဦးစားပေးသင့်တဲ့ကားနဲ့ပတ်သက်ပြီး တနေ့က Facebook ပေါ်မှာ မေးခွန်းထုတ်ထားတဲ့ Post တခုတွေ့မိ ပါတယ်။ မီးသတ်ကားရယ်၊ ဆေးရုံအရေးပေါ်ကားရယ်၊ ရဲကားရယ်၊ ၀န်ကြီးကားရယ် ၄ စင်း လမ်းလေးဆုံ မှာတွေ့တဲ့အခါ ဘယ်ကားကိုဦးစားပေးရမလဲတဲ့…။ ကျနော်တုို့မြို့မှာတော့ ၀န်ကြီးကားနဲ့ ရဲကား (Post ပုိုင်ရှင်က စစ်ကားလုို့ ထည့်မရေးရဲလုို့လားမသိပါ) ကုိုဦးစားပေးနေရဆဲပါလုို့ တယောက်ကဖြေ ထား တာတွေ့ရပါတယ်။ 

ဗြမ္မာစုံတရားထွန်းကားရေးအတွက် လော်စပီကာနဲ့ကျယ်ကျယ်လောင်လောင်တရားဟောနေစဉ်မှာ တကုိုယ်ကောင်းဆန်မှုတွေက ပုိုပုိုကြီးမားလာတာတွေ့နေရပါတယ်။ ဘယ်သူအဆင်ပြေပြေ မပြေပြေ ကိုယ်အဆင့်ပြေရင်ပြီးရောဆုိုတဲ့ တကို်ယ်စာဦးစားပေးသူတွေ များများလာနေပြီး ပတ်ဝန်းကျင်တခုလုံး အဆင်ပြေအောင်လုပ်သင့်တယ်၊ အနဲဆုံးတော့ ကိုယ်ကြောင့် ပတ်ဝန်းကျင်အနှောက် အယှက်မဖြစ်အောင် ကြိုးစားမယ်ဆုိုတဲ့သူ တဖြေးဖြေးနည်းလာနေတယ်လို့ ခံစားမိပါတယ်။

ဒီအတွက် နုိုင်ငံရေး၊ စီးပွားရေး၊ လူမှုရေး၊ လူ့အခွင့်အရေး စသဖြင့် စံချိန်စံညွှန်းတွေကို အသေအချာ ပညာပေး ဆွေးနွေးဖို့လုိုနေပါတယ်။ ဒီလုိုပညာပေးတဲ့အခါ ဘာသာတရားပေါ်အခြေခံတဲ့ ဗြမ္မာစုံတရား ဟောနေရုံနဲ့မရပါ။ ဘာသာပေါင်းစုံ၊ လူမျိုးပေါင်းစုံနဲ့ အံ့ဝင်ဂွင်ကျဖြစ်မဲ့၊ နုိုင်ငံတကာလူ့အခွင့်အရေးကြေညာ စာတန်းပေါ် အခြေခံပြီး ပညာပေးဖုို့လုိုပါတယ်။ လူကြီးတွေကို ဆွေးနွေးပွဲတွေနဲ့ ပညာပေးဖုို့လုိုသလုို အနာဂတ်မျိုးဆက်ကလေးငယ်တွေအတွက် ကျောင်းပညာရေးထဲမှာ လူ့အခွင့်အရေး စံ ကို ထည့်သင်ပေးဖုို့ လုိုပါတယ်။

အနှစ်ပြန်ချုပ်ရရင်တော့ ဒီနေ့ မြန်မာနုိုင်ငံရင်ဆုိုင်နေရတဲ့ ပြုပြင်ပြောင်းလဲရေးဆုိုတာဟာ ဖွဲ့စည်းပုံအခြေခံ ဥပဒေ ပြင်ရေးတခုတည်းနဲ့ မရပါ။ နုိုင်ငံသားတဦးချင်းစီရဲ့ ခံယူချက်တွေ၊ စိတ်ဓတ်တွေ၊ စံ သတ်မှတ်ချက် တွေပါ ပြုပြင်ဖုို့ လုိုနေပါတယ်။ ဒီလုိုပြုပြင်ဖို့အတွက် ကုိုယ့်ထက်သာတဲ့၊ ကိုယ့်ရှေ့မှာပြေးနေတဲ့ နုိုင်ငံတွေက စံ တွေကို နမူနာယူဖို့ လုိုပါလိမ့်မယ်။

ကံ ကောင်းတာတခုကတော့ လက်ရှိအခြေအနေကနေ ပိုကောင်းတဲ့အခြေအနေတခုဆီရောက်အောင် ပြုပြင်ပြောင်းလဲရေးလုပ်ဖုို့လုိုတယ်ဆုိုတာကုို နုိုင်ငံသားအများစုက လက်ခံထားခြင်းပါပဲ။ ဒီအတွက် ရွေးကောက်ခံအစိုးရက လူထုကိုဦးဆောင်ပြီး စံ မီတဲ့နုိုင်ငံဖြစ်အောင် စီမံကိန်းချဆောင်ရွက်ဖုို့လုိုနေပါတယ်။ နုိုင်ငံသားတွေတဦးချင်းစီဖက်လည်း ဒီမုိုကရေစီနုိုင်ငံကြီးသားပီသစွာ ကျင့်ကြံနေထုိုင်ရေးအတွက် စနစ် တကျ စတင်လေ့ကျင့်ဖုို့ လုိုနေပြီဖြစ်ပါတယ်။     ။

Posted in: TRAVEL,View pont