The Voice Daily, 10-10-2016
စကားပုံတွေ အဓိပ္ဗာယ်ပြောင်းတတ်သလား
စကားပုံတွေ၊ ဆုိုရိုးစကားတွေဟာ အချိန်ကာလအပေါ်လုိုက်ပြီး အဓိပ္ဗာယ်ပြောင်းသွားတတ်သလား။ စကားပုံအားလုံး အဲလုိုပြောင်းမပြောင်းမသေချာပေမဲ့ ‘’ပျက်အစဉ်၊ ပြင်ခဏ’’ ဆုိုတဲ့ စကားပုံ မြန်မာ လူငယ်တွေကြားမှာ အဓိပ္ဗယ် ပြောင်းစပြုနေတာကတော့ သေချာပါတယ်။
ကျနော်တို့ငယ်ငယ်က နားလည်မှုအရဆုိုရင် ပျက်နေတာတခုကို မပြင်ပဲ ဒီတုိုင်းပစ်ထားရင် အမြဲတန်း ဆက်ပြီး ပျက်နေလိမ့်မယ်။ အဲဒီလုို ပစ်မထားပဲ ပြန်ပြင်လုိုက်မယ်ဆုိုရင် ခဏလေးနဲ့ အကောင်းပြန်ဖြစ်လာ မယ်လုို့ အဓိပယ်ရပါတယ်။ ဒါပေမဲ့ ပြီးခဲ့တဲ့ ပြည်တော်ပြန်ခရီးစဉ်တွေအတွင်း တွေ့ခဲ့၊ ပြောခဲ့မိတဲ့လူငယ် တွေ၊ တခါ ဒီနေ့ လူငယ်တွေအများဆုံးအသုံးပြုနေတဲ့ Facebook ပေါ်မှာရေးသားတာတွေအပေါ် တွေ့မိသလောက်ကတော့ ပျက်အစဉ် ပြင်ခဏရဲ့ အဓိပယ်ဟာ အရင်က နားလည်ထားသလုို မဟုတ် တော့ပါ။
‘’အမြဲတန်းပျက်နေတာကြီးကို သွားပြင်လဲ ခဏပဲရမှာပေါ့၊ ခဏပဲခံမှာပေါ့’’ ဆုိုတဲ့သဘောမျိုး အဓိပယ် ပြောင်းပြန် ဖြစ်သွားတာ သတိထားမိပါတယ်။ ‘’ပျက်အစဉ် ပြင်ခဏခဏ’’ လုို့တောင် တချို့က နောက်ပြောင်ပြောဆုိုနေကြပါတယ်။ ဆုိုးရုိုးစကားရဲ့မူလအဓိပယ်ပျောက်ပြီး ‘’ခွေးမြီးကောက် ကျည်တောက်စွပ်’’ ဆုိုတဲ့ အဓိပယ်မျိုး။ ပြင်လဲ ခဏပဲရမယ်၊ ပြီးရင် နဂုိုပျက်မြဲအတုိုင်း ဆက်ပျက်နေမှာ ပဲဆုိုတဲ့အထိ လူငယ်တွေကြားမှာ Negative Mind (အဆုိုး မြင်) သိပ်များလာတာ သတိထားမိပါတယ်။
ဘာကြောင့်လဲ။ ဘာကြောင့် ဒီလုိုအဓိပယ်ပြောင်းသွားတာလဲ။ တနည်းအားဖြင့်ပြောမယ်ဆုိုရင် ဒါဟာ လက်ရှိလုပ်နေတဲ့ နုိုင်ငံရေးစနစ်ပြုပြင်ပြောင်းလဲရေးတွေ၊ ငြိမ်းချမ်းရေးဆွေးနွေးပွဲတွေဆုိုတာဟာ ဆယ်စုနှစ်များစွာ ပျက်စီးနေခဲ့တဲ့အရာတွေမုို့ ပြန်ပြင်ဖုို့မလွယ်ဘူး။ ပြန်ပြင်ရင်လဲ ခဏပဲရမယ်၊ ပြီးရင် အရင်လုို ‘’ဒုံရင်း’’ ပြန်ဖြစ်သွားလိမ်မ့ယ် ဆုိုပြီး မြန်မာလူငယ်တွေအကြား အမြင်ရှိနေပြီလားဆုိုတာ မေးခွန်းထုတ်စရာပါ။
အမှိုက်ကောက်ခြင်း ဥပမာ
စစ်အာဏာရှင်အုပ်ချုပ်ရေးစနစ်ကနေ လူထုကရွေးကောက်တင်မြောက်တဲ့ ဒီမုိုကရေစီအုပ်ချုပ်ရေးစနစ်ဆီ ပြောင်းတယ်ဆုိုတာဟာ ကာကီရောင် (စစ်ရောင်) ၀တ်စုံနေရာမှာ ပင်နီတုိုက်ပုံဝတ်ထားတဲ့လူတွေကို အစားထုိုးလုိုက်ရုံနဲ့ မပြီးပါ။ ဒါဟာ ပထမ အဆင့် အသွင်သဏ္ဍန်အရပြောင်းလဲခြင်းသာဖြစ်ပြီး အနှစ်သာ ရပြောင်းလဲရေးအတွက် ဆက်လုပ်နုိုင်ဖုို့ လမ်းစဖွင့်ပေးလုိုက်ခြင်းသာဖြစ်ပါတယ်။
ဒါဖြင့် အနှစ်သာရက ဘာတွေလဲ။ စိတ်ဓတ်တွေပေါ့။ အာဏာရှင်စိတ်ဓတ်၊ အာဏာရှင် Mindset တွေကေနေ ဒီမုိုကရေစီစိတ်ဓတ်၊ ဒီမုိုကရေစီ Mindset တွေဆီ ပြောင်းလဲဖုို့ လုိုတာပေါ့။ ဒါပေမဲ့ ဒါဟာ အပြောလွယ်သလောက် လက်တွေ့လုပ်ဖုို့မလွယ်ပါ။ ဘာကြောင့်လဲဆုို ဒီမုိုကရေစီ စိတ်ဓတ်၊ ဒီမုိုကရေစီ Mindset နဲ့ မြန်မာတွေဝေးနေတာ ၁၉၆၂ ကတည်းကဆုိုတော့ နှစ်ပေါင်း ၅၀ ကျော်နေပြီ။ တနည်းအားဖြင့် အသက် ၅၀ အောက်ရှိ မျုိုးဆက်နှစ်ခုစာ (လူဦးရေသန်း ၅၀ ကျော်ရဲ့ သုံးပုံနှစ်ပုံတောင်ရှိနုိုင်) နုိုင်ငံသားတုိုင်း ဟာ စစ်အာဏာရှင်ခေတ်မှာ လူဖြစ်လာသူတွေဆုိုတော့ အာဏာရှင်စိတ်ဓတ်ကုိုပဲသိခွင့်ရပြီး ဒီမုိုကရေစီ စိတ်ဓတ်ကုို သိခွင့်မရခဲ့ဖူးလုို့ဖြစ်ပါတယ်။
အဝေးကြီးသွားမကြည့်ပါနဲ့၊ ရွေးကောက်ပွဲနုိုင်ကာစမှာ NLD ပါတီခေါင်းဆောင်လဲဖြစ်၊ ငြိမ်းချမ်းရေး နုိုဗယ်ဆုရှင်လည်းဖြစ်တဲ့ ဒေါ်အောင်ဆန်းစုကြ ဦးစီးဆောင်ရွက်ခဲ့တဲ့ တနုိုင်ငံလုံး အမှိုက်ကောက်ရေး လူထုလှုပ်ရှားမှုကိုပဲ ကြည့်ပါ။ ဘယ်လောက်အောင်မြင်မှုရခဲ့သလဲ၊ လူထုရဲ့ပူးပေါင်းပါဝင်မှု ဘယ်လောက်ရခဲ့သလဲ။ တကယ်တော့ အမှိုက်ကောက်တဲ့လုပ်ငန်းဆုိုတာ ဘာမှအငြင်းပွားစရာမလိုပဲ အားလုံးမဖြစ်မနေလုပ်ရမဲ့လုပ်ငန်းတခုပါ။ ဒါပေမဲ့ အားလုံး မပါဝင်ကြပါဘူး။ ပန်းတုိုင်ရောက်တဲ့အထိလည်း ဆက်မလုပ်ကြပါဘူး။
အမှိုက်မကောက်တာ၊ အမှိုက်တွေကို ပစ်ချင်သလုိုပစ်လာတာ နှစ် ၅၀ ကျော်တောင်ရှိနေပြီဆုိုတော့ ၅ ရက်လောက် လုိုက်ကောက်ရုံနဲ့ဘယ်ရှင်းနုိုင်ပါ့မလဲ။ ဒီကြားထဲ အမှိုက်ကောက်တဲ့အထဲမပါတဲ့အပြင် စည်းကမ်းမဲ့ အမှိုက်ဆက်ပစ်နေသူတွေကလည်းအများကြီးဆုိုတော့ အပေါ်က လူငယ်တွေပြောသလုို အစိုးရသက်တန်း ၆ လကြာပြီးတဲ့အခါ ‘’ဒုံရင်း’’ အတုိုင်းပြန်ဖြစ်၊ ပျက်မြဲအတုိုင်းပြန်ပျက် နေတဲ့သဘော တောင် သက်ရောက်လာနေပါတယ်။
ဒါက တနုိုင်ငံလုံးအခြေအနေကုို ခြုံပြောတာပါ။ ဒေါ်အောင်ဆန်းစုကြည်စလုိုက်တဲ့ အမှိုက်ကောက်ခြင်းကို အခုထိ အပတ်စဉ်မပျက်မကွက်လုပ်နေတဲ့ နေရာအနည်းအကျဉ်းလည်းရှိပါသေးတယ်။ မြို့ပြဒေသတွေ မှာဆုိုရင်တော့ စည်-ပင် ကနေ လွှဲပြောင်းတာဝန်ယူလုပ်နေတာ အတော်အောင်မြင်နေတာတွေ့ရပါတယ်။ ရန်ကုန်မြို့လယ်က နောက်ဖေးလမ်းကြားတွေကို စည်-ပင် ကနေ ရှင်းထုတ်လုိုက်တာ တန်ရာနဲ့ချီထွက်လာ တဲ့ အမှိုက်တွေ နည်းတာမဟုတ်။ နှစ် ၅၀ ကျော်ပစ်ချင်သလုို ပစ်ထားတဲ့အမှိုက်တွေပေါ့။
စည်-ပင်က အဲဒီလုိုရှင်းပြီးလုို့သိပ်မကြာခင်မှာ လမ်းဘေးဈေးသည်တွေ၊ စီးပွားရေးလုပ်ငန်းရှင်တွေက အဲဒီနောက် ဖေးလမ်းတွေထဲ တဲတွေထုိုးပြီး လမ်းမကြီးဘေး ပလက်ဖောင်းပေါ်က ဈေးဆုိုင်တွေအတွက် ပစ္စည်းသိမ်းတဲ့နေရာ၊ ထမင်း-ဟင်း ချက်တဲ့နေရာတွေအဖြစ်သုံးနေတာကုိုတွေ့ရပါတယ်။ ဒါကုို စည်-ပင် က ထိရောက်စွာအရေးမယူရဲဘူးလုို့လဲ ဆုိုပါတယ်။ ဒါဖြင့် သန့်ရှင်းရေးလုပ်တာ ဘာအဓိပယ်ရှိတော့မှာလဲ။ ‘’ပျက်အစဉ် ပြင်ခဏ’’ ပဲ ရမယ်ဆုိုပြီး လက်လျော့လုိုက်ကြတော့မှာလား။
ပြင်ခွင့်ရတုန်း ရဲရဲသာပြင်ပါ
ဒီလုို အလျော့ပေးလုို့မရပါ။ နှစ် ၅၀ ကျော်ပျက်စီးနေတဲ့ တုိုင်းပြည်ကုို ပြန်လည်တည့်မတ်ထူထောင်နုိုင် ဖို့အတွက် လူထုက အသဲကြားက မဲတပြားစီပေးပြီး ထောက်ခံထားတဲ့အတွက် ပျက်နေတာတွေကို ပြန်ကောင်းလာတဲ့အထိ ပြင်ပေးဖုို့ လက်ရှိအစိုးရမှာ တာဝန်ရှိပါတယ်။ စီမံကိန်းတွေစနစ်တကျချမှတ်ပြီး ပန်းတုိုင်ရောက်တဲ့အထိ မလျော့သောဇွဲနဲ့ ရဲရဲဝံ့ဝံ့ချီတက်ဖို့လုိုပါတယ်။ တုန့်ဆုတ်တုန့်ဆုတ် လုပ်နေလုို့ မရပါ။ မ၀ံ့မရဲလုပ်နေရင် ရှေ့ကလူငယ်တွေပြောသလုို ပျက်အစဉ် ပြင်ရင်လည်းခဏပဲခံပြီး အရင်လုို အဖျားပြန်ရှုးသွားနုိုင်ပါတယ်။
အင်း… အစိုးရသစ်ကုို အားသာပေးနေရတာ။ ၆ လတာအတွင်းအခြေအနေတွေကတော့ သိပ်အားရစရာ မရှိလှသေးပါဘူး။ နေရာအတော်များများမှာ ရှေ့ကုိုတုိုးတက်လာနေတယ်လုို့ဆုိုနုိုင်ပေမဲ့ အရေးကြီးတဲ့နေရာ တချို့မှာတော့ နောက်တောင် ပြန်ဆုတ်သွားသလုိုရှိနေပါတယ်။ ဥပမာအားဖြင့် တပ်မတော်ခွဲတမ်းရ ပြည်ထဲရေးဝန်ကြီးဌာန အောက်ရှိ ထွေ-အုပ်၊ ရဲ၊ စ သုံးလုံး၊ မီးသတ်နဲ့ အကျဉ်းဦးစီးဌာန တွေကို ပြည်နယ်-တုိုင်း အစုိုးရ၀န်ကြီးချုပ်လက်အောက်ဆီ လွဲပေးပြီးမှ ပြန်ယူသွားတာမျိုး၊ ၂၁ ပင်လုံညီလာခံလုပ်ပြီးမှ သေနတ်သံတွေ၊ မငြိမ်မသက်မှုတွေ ပုိုများ လာတာမျိုးတွေပါ။
နှစ် ၅၀ ဆိုတာ နည်းတဲ့သက်တန်းမဟုတ်။ မြန်မာနုိုင်ငံရဲ့လက်ရှိလူဦးရေ သန်း ၅၀ ကျော်ထဲက သန်း ၃၀ ခန့်ဟာ လွန်ခဲ့တဲ့ နှစ် ၅၀ အတွင်းမွေးဖွားသူတွေဖြစ်တာကြောင့် နှစ် ၅၀ အလွန်က ဒီမုိုကရေစီခေတ်ကို မသိမီလုိုက်ပါ။ တနည်းအားဖြင့် စစ်အာဏာရှင်စနစ်အောက်မှာ၊ မှားယွင်းစွာအုပ်ချုပ်မှုရဲ့အောက်မှာ နှစ်ပေါင်း ၅၀ ကျော်နေလာတယ်ဆုိုတော့ အမှန်ကိုချက်ချင်းသွားဖုို့ မလွယ်သေးတာ သဘာဝကျတယ်လို့ ဆုိုနိင်ပါတယ်။
ဒါက တစုံးလုံးအခြေအနေကုိုခြုံပြောတာပါ။ တုိုက်ပွဲတွေဖြစ်နေတဲ့ နယ်စပ်ဖက်က အခြေအနေကုိုပြောမယ် ဆုိုရင် အခု အသက် ၅၀ တန်းသူပုန်ခေါင်းဆောင်တွေ၊ အစိုးရနဲ့ တပ်မတော်ဖက်ကခေါင်းဆောင်တွေ မွေးကတည်းက အဲဒီအရပ်မှာ တုိုက်ပွဲတွေဖြစ်နေတာဆုိုတော့ အခုချိန် တုိုက်ပွဲမရှိတာတောင် ထူးဆန်း သလုိုဖြစ်ကောင်းဖြစ်နေနုိုင်ပါတယ်။ ဆုိုလုိုတာက ကျနော်တုို့အားလုံးဟာ တုိုက်ပွဲတွေကြား၊ စစ်အာဏာ ရှင်တွေရဲ့ ဖိနှိပ်မှုတွေကြား၊ အမှားအယွင်းတွေကြားမှာ နှစ် ၅၀ ခန့်နေသားတကျနဲ့ ခေါက်ရုိုးကျိုးခဲ့ကြလုို့ အမှန်ကို ချက်ချင်းပြင်ဖုို့ တုန့်ဆုတ်တုန့်ဆုတ်ဖြစ်နေသလားလုို့ စဉ်းစားမိပါတယ်။
ဒါပေမဲ့ အခွင့်အရေးဆုိုတာ ၂ ခါရဖုို့မလွယ်ပါ။ ဒေါ်အောင်ဆန်းစုကြည်လုို ခေါင်းဆောင်မျုိုးနဲ့ လက်ရှိနုိုင်ငံရေး အခင်းအကျင်းမျိုး နောက်တခါရဖုို့မလွယ်ပါ။ ဒါကြောင့် ဒီလိုအခွင့်အခါကောင်းရထားတဲ့အချိန်မှာမှ နှစ် ၅၀ ကြာအမှားအယွင်းကို ပြန်မပြင်နုိုင်ဘူးဆုိုရင် ဘယ်တော့မှ ပြန်ပြင်ခွင့်မရတဲ့အခြေအနေဆုိုးတရပ်ဆီ ဦးတည်သွားနုိုင်ပါတယ်။ အဖျားရှုးလုို့မရပါ။ ရွေးကောက်ပွဲဝင်စဉ်က ပေးထားတဲ့ကတိတွေအတုိုင်း ဖွဲ့စည်းပုံအခြေခံဥပဒေပြင်ဆင်ရေး၊ တရားဥပဒေ စိုးမုိုးရေးနဲ့ အများပြည်သူဘ၀ တုိုးတက်ရေးအတွက် မဖြစ်မနေကြိုးစားကြရမှာပါ။
မူလဦးတည်ချက် အဲဒီ ၃ ခုမတိုင်မီ လောလောဆယ်လုပ်ဖုို့လုိုနေတာက အာဏာရှင်ခေတ်လက်ကျန် စိတ်ကူးရှိနေဆဲဖြစ်တဲ့၊ လက်နက်နဲ့အာဏာပြနုိုင်မှ အများကအထင်ကြီးလေးစားမယ်ဆုိုတဲ့စိတ်ရှိနေသူတွေ (လက်နက်ကုိုင်ထား သူတွေအားလုံးမှာ ဒီအမြင်ရှိကောင်းရှိနေနုိုင်ပါတယ်) ကုို လူထုဆန္ဒအတုိုင်း လေးစား လက်ခံလာအောင် အစိုးရသစ်က အချိန်ကာလသတ်မှတ်ပြီး နားချစည်းရုံးဖုို့လိုပါတယ်။ သတ်မှတ်ချိန်အထိ မရဘူးဆုိုရင် အရေးယူမှုလုပ်နုိုင်ဖုို့။ ဒါမှမဟုတ် ဘာကြောင့် မလုိုက်နာနုိုင်ဖြစ်နေတယ်ဆုိုတာကုို လူထုဆီ ချပြနုိုင်ဖုို့ ပြင်ထားသင့်ပါတယ်။
အဲဒီလုို ကာလသတ်မှတ်ချက်မရှိပဲ လက်နက်ကုိုင်ထားသူတွေဖက်က ဖိအားပေးတဲ့အတုိုင်း အစိုးရက ဆက်လုိုက် လျောနေရမယ်ဆုိုရင် ရွေးကောက်ပွဲဝင်စဉ်ကပေးထားတဲ့ ကတိတွေကိုအကောင်ထည်ဖေါ်ဖုို့ အတော်ခက်သွား နုိုင်ပါတယ်။ တနည်းအားဖြင့်ပြောမယ်ဆုိုရင်တော့ နှစ် ၅၀ ကျော်ပျက်စီးနေတဲ့ စနစ်ဆုိုး ကို အမြန်ဆုံးဖြိုချပြီး စနစ်သစ်တခုကိုတည်ဆောက်ပေးချင်တဲ့ဆန္ဒ အစုိုးရသစ်မှာအပြည့်အ၀ ရှိနေသည့် တုိုင် သတ်မှတ်ကာလအတွင်း ရလာဒ်ထွက်အောင် မလုပ်ပြနုိုင်ဘူးဆုိုရင် မြန်မာ့အနာဂတ်ဟာ ရှေ့က လူငယ်တွေပြောသလုို ‘’ပျက်အစဉ် ပြင်ခဏ’’ ဆုိုတဲ့ အဓိပယ်သစ်ဆီ ရောက်သွားနုိုင်ပါတယ်။ ။
0 comments:
Post a Comment