အဝေးရောက် သားများ အိမ်ပြန်ချိန်

The Tanintharyi Weekly, Spet 19-25, 2016. and /// The Voice Daily, 19-09-2016.

၂၈ နှစ်တာ ဝေးကွာခြင်းရဲ့ ပထမ ဆုံးနေ့

ဒီနေ့ စက်တင်ဘာ ၁၉ ရက်ဟာ ၂၈ နှစ်တာ မိဘအိမ်နဲ့ဝေးကွာခြင်းရဲ့ ပထမ ဆုံးနေ့ပါ။ အားလုံး သိပြီးဖြစ်တဲ့အတုိုင်း ၁၉၈၈ စက်တင်ဘာလ ၁၈ ရက်နေ့မှာ တပ်မတော်က အာဏာသိမ်းကြောင်း မြန်မာ့အသံက ကြေညာပါတယ်။ စက်တင်ဘာ ၁၉ ရက်နေ့ နေလည်ပုိုင်းမှာတော့ ထားဝယ်မြို့လယ်မှာ ဆန္ဒပြနေတဲ့ ကျောင်းသားတွေကို စစ်တပ်က စတင်ပစ်ခတ်ဖြိုခွဲပါတယ်။ ဆရာဦးပန်းကျော်အပါဝင် ဆန္ဒပြသူ ၅ ဦး သေဆုံးပြီး ၃၀ ကျော်ဒဏ်ရာရခဲ့ပါတယ်။

ဒါက ထားဝယ်မြို့တခုတည်းက အခြေအနေ။ ရန်ကုန်၊ မန္တလေးအပါဝင် တခြားမြို့ကြီးတွေမှာ ဒီထက်မက ပစ်ခတ်ဖြိုခွဲမှုကြီးမားတယ်၊ သေဆုံး၊ ဒဏ်ရာရမှုများမယ်ဆုိုတာ ခန့်မှန်းလုို့ရနုိုင်ပါတယ်။ သမုိုင်းလေ့လာ သူတွေရဲ့အဆုိုအရ ၁၉၈၈ မတ်လအရေးခင်းကနေ စက်တင်ဘာ အာဏာသိမ်းပြီးချိန်အထိ သေဆုံးသူ ၃၀၀၀ ခန့်ရှိတယ်လုို့သိရပါတယ်။ ဒါပေမဲ့ ဘယ်သူတွေလဲ၊ ဘယ်မှာ ဘယ်လိုသေတာလဲ၊ စသဖြင့် အသေးစိပ်စာရင်းကိုတော့ အခု ၂၈ နှစ် ကြာတဲ့အထိ စုံစမ်းဖေါ်ထုတ်တာမျိုး မတွေ့ရသေးပါ။

ရန်ကုန်အခြေစုိုက် ၈၈ မျိုးဆက် ငြိမ်းချမ်းရေးနှင့် ပွင့်လင်းအဖွဲ့အစည်းကတော့ ၈ လေးလုံးသမုိုင်းပြတုိုက် ဆုိုပြီး အခန်းငယ်တခု ဖွင့်လှစ်ပြသထားတယ်လုို့သိရပါတယ်။ ဒါပေမဲ့ ဒီဆန္ဒပြပွဲတွေကနေတဆင့် တက်လာတဲ့အစိုးရ၊ လူထုကရွေးချယ်တင်မြောက်လုိုက်တဲ့ အစုိုးရသစ်ဆီကတော့ သက်တန်း ၆ လ နီးပါးကြာလာတဲ့အထိ ၈ လေးလုံးကာလ ကျဆုံးသူတွေ၊ ပစ်ခတ်မှုမှာ တာဝန်ရှိသူတွေနဲ့ပတ်သက်ပြီး ဘာမှထုတ်ပြောတာ မကြားရသေးပါ။

ဒါက တနုိုင်ငံလုံးနဲ့ဆုိုင်တဲ့ကိစ္စ၊ အစိုးရက တာဝန်ယူဖေါ်ဆောင်မှ အလုပ်ဖြစ်မဲ့ကိစ္စမုို့ပြောနေရတာပါ။ ဒီကိစ္စတွေကိုထုတ်ပြောရင် အမျိုးသားပြန်လည်သင့်မြတ်ရေးလုပ်ငန်းစဉ်ကို ထိခုိုက်မှာစုိုးလုို့လား။ သေနတ်ကုိုင်ထားဆဲလူတွေကို ကြောက်နေရဆဲမုို့လုို့လား။ ထားတော့။ ဒီဆောင်းပါးမှာ အလေးပေး တင်ပြချင်တာက ပစ်ခတ်မှုအတွက် တာဝန်ရှိသူတွေကို အရေးယူပေးဖုို့ မဟုတ်သေးပါ။

အဲဒီ စက်တင်ဘာ ၁၉ ရက်နေ့ပစ်ခတ်မှုနောက်ပုိုင်း၊ ဒီလိုပစ်ခတ်နေမှုကုို ခေါင်းငုံခံနေလုို့မဖြစ်ဘူး။ လက်နက်နဲ့အနုိုင်ကျင့်နေသူကုို လက်နက်နဲ့ ပြန်တုိုက်မှရမယ်ဆုိုတဲ့ခံယူချက်တွေနဲ့ လက်နက်ကုိုင် တော်လှန်ရေးထဲရောက်သွား (တောခုိုသွား) တဲ့ ကျောင်းသားလူငယ်တွေအကြောင်းသာဖြစ်ပါတယ်။

တက္ကသုိုလ်ကျောင်းသားအများစုပါတဲ့ ဒီလူငယ်တွေဟာ တောရွာတွေကိုဖြတ်၊ တောင်တွေကိုကျော် တောတွေထဲဝင်ပြီး ထုိုင်း-မြန်မာနယ်စပ်၊ တရုတ်-မြန်မာနယ်စပ်၊ အိန္ဒိယ-မြန်မာနယ်စပ်ရှိ တုိုင်းရင်းသား လက်နက်ကုိုင်တော်လှန်ရေးအဖွဲ့တွေဆီရောက်သွားခဲ့ပါတယ်။ ABSDF ကျောင်းသားတပ်မတော်ကို ဖွဲ့စည်းပြီး စစ်အစိုးရတပ်တွေကို ပြန် လည်တုိုက်ခုိုက်ခဲ့ပါတယ်။ အောင်မြင်တာတွေရှိသလုို မအောင်မြင် တာတွေလဲရှိခဲ့ပါတယ်။

အောင်မြင်တဲ့ အဓိက အချက်ကတော့ တုိုင်းရင်းသားလက်နက်ကုိုင်အဖွဲ့တွေရဲ့ ဘ၀အခြေနေမှန်ကုို နားလည်ပြီး ဒီမုိုကရေစီဖက်ဒရယ်ပြည်ထောင်စု တည်ဆောက်ဖုို့လုိုကြောင်း တပ်ပေါင်းစုမူ ချနုိုင်ခဲ့ခြင်းလုို့ ထင်ပါတယ်။ မအောင်မြင်တဲ့ အဓိကအချက်ကတော့ အဲဒီလုို နားလည်မှုမရခင် တောထဲမှာ ပျောက်သွားတဲ့ ကျောင်းသားတွေ၊ ငှက်ဖျားဒဏ်နဲ့ဆင်းရဲမှုဒဏ်ကုိုမခံနုိုင်လုို့ အိမ်ပြန်သွားသူတွေ၊ တုိုက်ပွဲအတွင်း ကျဆုံး သွားသူတွေနဲ့ တကယ့်အများစုကြီးက နုိုင်ငံရေးဒုက္ခသည်ဘ၀နဲ့ တတိယ နုိုင်ငံတွေဆီ ထွက်ခွာသွား ရခြင်းဖြစ်ပါတယ်။

အခု ဒီလူတွေ ဘယ်ရောက်နေကြသလဲ

၂၀၁၄ ခုနှစ် ဒီဇင်ဘာလကကျင်းပတဲ့ ကျဆုံးရဲဘော်များအားဂုဏ်ပြုပွဲအခန်းအနားမှာ လက်ရှိ ABSDF ဥက္ကဌ ရဲဘော်သံခဲရဲ့ပြောကြားချက်အရ ၂၆ နှစ်တာကာလအတွင်း ကျဆုံး၊ သေဆုံးတဲ့ ရဲဘော်အရေ အတွက် ၈၀၀ (ရှစ်ရာ) နီးပါးရှိတယ်လုို့သိရပါတယ်။ ၁၉၈၈ ABSDF စတင်ဖွဲ့စည်းစဉ်အင်အားက ၈၀၀၀ (ရှစ်ထောင်) ၀န်းကျင်ရှိတာကြောင့် ၁၀ ရာခုိုင် နှုန်းကျော်အထိ ကျဆုံးခဲ့ရတယ်လို့ပြောနုိုင်ပါတယ်။ ငှက်ဖျားဒဏ်၊ ဆင်းရဲမှုဒဏ်၊ မဟာမိတ်နဲ့ နားလည်မှုလွဲခြင်း ဒဏ်တွေကိုမခံနုိုင်လုို့ အိမ်ပြန်သွားတဲ့ ဦးရေကလည်း ၈၀၀ နဲ့ ၁၀၀၀ ၀န်းကျင်ရှိဦးမယ်ထင်ပါတယ်။ လက်ရှိ ABSD F အင်အားကလည်း ၁၀၀၀ ၀န်းကျင်ကျန်ပါသေးတယ်။

အဲဒီ ၃၀၀၀ ၀န်းကျင်မှအပ ကျန်တဲ့ ၅၀၀၀ လောက်က အခု ဘယ်မှာလဲ။ ဘာတွေလုပ်နေကြသလဲ…။ ထိုင်း၊ တရုတ်နဲ့ အိန္ဒိယနယ်စပ်တွေမှာ အခြေချနေထုိုင်သူ ရာဂဏန်းနဲ့ချီရှိနုိုင်ပေမဲ့ တကယ့်အများစုကြီးက တတိယ နုိုင်ငံတွေမှာ ရောက်နေသူတွေ ဖြစ်ပါတယ်။ မြောက်အမေရိကားတုိုက်၊ ဥရောပတုိုက်နဲ့ သြစတေ လျတုိုက်မှာ ကျောင်းသားသူပုန်ဟောင်းတွေ နည်းတာမဟုတ်။

ဒါက ၈ လေးလုံးနောက်ပုိုင်း လက်နက်ကုိုင်တော်လှန်ရေးထဲဝင်ပြီး အဲဒီကတဆင့် တတိယ နုိုင်ငံတွေ ဆီရောက်သွားတဲ့ ABSDF၊ လူ့ဘောင်သစ်ဒီမုိုကရက်တစ်ပါတီ၊ NLD (လွတ်မြောက်နယ်မြေ) က လူငယ် စာရင်းမျှသာရှိပါသေးတယ်။ ၁၉၉၀ ရွေးကောက်ပွဲနောက်ပုိုင်း အကျဉ်းထောင်အသီးသီးကနေ လွတ်မြောက်လာပြီး ထုိုင်းနယ်စပ်က တဆင့် တတိယ နုိုင်ငံတွေဆီ ရောက်သွားတဲ့ နုိုင်ငံရေး အကျဉ်းဟားဟောင်းလူငယ်တွေကလည်း အတော်များပါတယ်။ ဒီနှစ်မျိုးစလုံးပေါင်းလုိုက်ရင် တသောင်းလောက်ရှိမယ်ထင်ပါတယ်။

အခု ဒီလူတွေ ဘာလုပ်နေကြသလဲ။ တုိုင်းပြည်အပြောင်းအလဲဖြစ်ဖုို့အတွက် စစ်အစိုးရကို လက်နက်ကုိုင် တုိုက်ခုိုက် ခဲ့ဖူးတဲ့လူငယ်တွေ၊ နှစ်ရှည်ထောင်ကျခံပြီး ဘ၀တွေ စတေးခဲ့ဖူးတဲ့လူငယ်တွေ၊ အခုလုို သူတုို့ရဲ့ မဟာမိတ်ပါတီ NLD (အမျိုးသားဒီမုိုကရေစီအဖွဲ့ချုပ်) အာဏာရချိန်မှာ တုိုင်းပြည်ပြန်လည်ထူထောင်ရေး အတွက် လက်တွဲပါဝင်ဖုို့ ပြည်တော် ပြန်မ၀င်ကြသေးဘူးလား။ အခုထိ မပြန်ပဲ ဘာလုပ်နေကြတာလဲ…။

ပြန်ချင်တုိုင်းလည်း မပြန်ရပါ

‘’ကုိုယ့်ဝမ်းနာ ကုိုယ်သာသိ’’ ဆုိုသလုို တတိယ နုိုင်ငံရောက် သူပုန်ဟောင်းတွေ၊ နုိုင်-ကျဉ်းဟောင်းတွေရဲ့ အိမ်ပြန်နုိုင်ရေးအခြေအနေက အပေါ်မှာမေးခွန်းထုတ်သလုို မလွယ်လှပါ။ ‘’NLD အစုိုးဖြစ်နေချိန်မှာတောင် ပြန်ဖုို့မလွယ်သေးဘူးဆုိုတာ ဟုတ်ရဲ့လား’’ ဆုိုပြီး ထပ်မေးခွန်းထုတ်ဦးမလုို့လား။ တကယ့်ကို မလွယ်သေး ပါ။

အမိမြေဆီ အပြီးပြန်လာပြီး တုိုင်းပြည်ပြန်လည်ထူထောင်ရေးမှာ ပူးပေါင်းပါဝင်ရေးကို ခဏထားဦး။ မိဘ အိမ်ဆီ ခဏအလည်ပြန်ဖုို့အရေးတောင် ဈေးဆစ်ခံနေရဆဲပါ။ အားလုံးသိပြီးဖြစ်တဲ့အတုိုင်း ABSDF ဥက္ကဌဟောင်းတွေဖြစ်တဲ့ ကုိုမုိုးသီးဇွန်နဲ့ ဒေါက်တာနုိုင်အောင်တို့ကုို လက်ရှိအစိုးရသစ်က ဗီဇာ ထုတ် မပေးသေးပါ။ အမျိုးသားညွန့် ပေါင်းအစိုးရ NCGUB ၀န်ကြီးချုပ်ဟောင်း ဒေါက်တာစိန်ဝင်း (အာဇာနည် ဦးဘ၀င်းရဲ့သား၊ ဒေါ်အောင်ဆန်းစုကြည်ရဲ့ ၀မ်းကွဲအကို) လဲ ဗီဇာ မရသေးပါ။ ဒါက လူသိများသူတွေကို ဥပမာ ထုတ်ပြတာပါ။ ဗီဇာ မရတဲ့ တခြားလူတွေ အများကြီးရှိနေနုိုင်ပါသေးတယ်။

‘’ဟုိုလူတွေကမရပဲ ခင်ဗျားကျတော့ ဘယ်လုိုရသလဲ“ ဆုိုပြီး ထပ်မေးဦးမလား။ မေးချင်စရာပါပဲ။ ဘာကြောင့်လဲဆုို သမ္မတဟောင်း ဦးသိန်းစိန် နော်ဝေးကုိုလာလည်တဲ့ ၂၀၁၃ အစောပုိုင်းကနေ အခု ၂၀၁၆ အတွင်း စာရေးသူ ပြည် တော်ပြန်နေတာ ၄ ခေါက်တောင်ရှိနေပြီလေ။ တလောက တက်လာတဲ့သတင်း တပုဒ်မှာဆုိုရင် ပြည်တော်ပြန်ချင်တဲ့ ဒေါက်တာစိန်ဝင်း ၀ါရှင်တန်သံရုံးမှာ ဗီဇာသွားလျှေက်တော့ နုိုင်ငံရေး ကင်းရှင်းရမယ်၊ မြန်မာနုိုင်ငံမှာနေထုိုင်စဉ်အတွင်း နုိုင်ငံရေးနဲ့ပတ်သက်တာ ဘာမှမလုပ်ပါဘူးဆုိုပြီး ခံဝန်ချက်ထုိုးခုိုင်းတယ်လို့ကြားရပါတယ်။

တသက်လုံးနုိုင်ငံရေးလုပ်လာတဲ့လူကုို ဒီလုိုခံဝန်ချက်ထုိုးခုိုင်းတာ နုိုင်ငံရေးသတ်တာပဲပေါ့။ ဒီလုိုခံဝန်ချက် ထုိုးပြီးမှ ပြန်ရမယ်ဆုို ဘယ်သူကပြန်မှာလဲ။ ဒါဖြင့် ‘’ခင်ဗျားပြန်တုန်းကကော အဲလုိုခံဝန်ချက်မထုိုးရဘူး လား’’ လုို့ ထပ်မေးစရာရှိလာပြန်ပါတယ်။ ဆန်းတော့ဆန်းသား။ သံရုံးတွေအားလုံးဟာ နုိုင်ငံခြားရေး ၀န်ကြီးဌာနအောက်မှာရှိတယ်ဆုိုပေမဲ့ မြန်မာသံရုံးတွေရဲ့လုပ်ထုံးလုပ်နည်းတွေက အားလုံးတပြေးညီ မဟုတ်ပါ။

၂၀၁၃ ခုနှစ် မေလမှာ ပထမ ဆုံးအကြိမ် ကျနော်ပြည်တော်ပြန်ဖုို့ပြင်တော့ နော်ဝေစာအုပ်ဆိုရင် ဥရောပမြို့ ကြီးတွေဖြစ်တဲ့ လန်ဒန်၊ ပဲရစ်၊ ဘာလင်၊ ဘရာဆဲရှိ သံရုံးတွေမှာ လျောက်ရမယ်လုို့ဆုိုပါတယ်။ ဒါပေမဲ့ ကျနော့်အရင် လန်ဒန်မှာသွားလျောက်သူတဦးရဲ့ ပြောပြချက်အရ (ရှေ့မှာ ဒေါက်တာစိန်ဝင်းကို ခံဝန်ချက် ထုိုးခုိုင်းသလုိုမျီုး) ခံဝန်ချက်ထုိုးခုိုင်းနေတယ်လို့သိရပါတယ်။ ဒါဆုိုရင်တော့ မဖြစ်ဘူး။ တခြား ဘယ်နည်း လမ်းရှိသေးလဲဆုိုပြီးလုိုက်ရှာတော့ ဘန်ကောက်သံရုံးမှာ ဘာခံဝန်ချက်မှထုိုးစရာမလုိုဘူး။ မနက်လျောက်၊ ညနေရတယ်ဆုိုပြီး ဘန်ကောက်ကနေ ဗီဇာလျောက်ပြီးဝင်သွားသူတဦးကပြောပါတယ်။

ဒီလိုနဲ့ ဘန်ကောက်ကုိုလာပြီးလျောက်တော့ သူပြောတဲ့အတုိုင်းပါပဲ။ ဘာခံဝန်ချက်မှ ထုိုးစရာမလုို။ မြန်မာပြည်တွင်းရှိ ပုဂ္ဂိုလ်တဦးဆီက ဖိတ်စာရှိရုံနဲ့ရပါတယ်။ အဲဒီဖိတ်စာဆုိုတာကလဲ သံရုံးမှာ နမူနာပြ ထားတဲ့စာရွက်ထဲ ကုိုယ်ဘာသာကြည့်ကျက်ဖြည့်လုိုက်ရုံပါပဲ။ ဒီလုိုနဲ့ ပြည်တော်ပြန်တွေအတော်များများ ဘန်ကောက်သံရုံးဆီ ပြုံဆင်းလာတယ် ဆုိုပါတော့။ 

ဒါပေမဲ့ ၂၀၁၄ ထဲလည်းရောက်ရော၊ (တခြားသံရုံးတွေက ပြောလုို့လားမသိပါ) ဘန်ကောက်သံရုံးကပါ ခံဝန်ချက်ထုိုးမှပေးမယ်ဆုိုပြီးပြောလာပါတယ်။ ဒီတော့ တခြားနည်းထပ်ရှာရပြန်ပေါ့။ နောက်ဆုံးတော့ ကမ္ဘာလှည့်ခရီးသည်တွေကိုပေးတဲ့ E-visa ဆုိုတာကို တွေ့ပါတယ်။ ဘာမှလုပ်စရာမလုို၊ ဘယ်သူနဲ့မှလည်း ပြောစရာမလုို။ အင်တာနက်ပေါ် ဒေါလာ ၅၀ သွင်းပြီးလျောက်လုိုက်ရုံနဲ့ ၂၄ နာရီအတွင်း ဗီဇာ ရပါတယ်။ 

ဒါပေမဲ့ ဒါတွေဟာ နည်းမှန်လမ်းမှန်တော့ မဟုတ်သေးပါ။ e-visa နဲ့ဆုို နုိုင်ငံရေးမလုပ်ရဘူး။ နေအိမ်မှာ မတည်းရဘူး။ ဘာမလုပ်ရဘူး ညာမလုပ်ရဘူးဆုိုပြီး ကန့်သတ်ထားပါတယ်။ ဒါပေမဲ့ ကျနော့်ခရီးစဉ် ၄ ခေါက်စလုံး NLD ရုံးချုပ်ဆီ မပျက်မကွက်ရောက်ခဲ့ပါတယ်။ တုိုင်းရင်းပါတီရုံးခန်းတွေနဲ့ ၈၈ မျီုးဆက် ရုံး ခန်းတွေဆီ ရောက်ခဲ့ပါတယ်။ 7 July အခန်းနားမှာ စင်မြင့်ပေါ်တက်ပြီး နုိုင်ငံရေးစကားပြောခဲ့ပါတယ်။ တချိန်က ABSDF တောင်ပုိုင်းဌာနချုပ် မင်းသမီးစခန်းဟောင်းအထိသွားပြီး သူပုန်ဟောင်းတွေ၊ သူပုန် သစ်တွေနဲ့တွေ့ခဲ့ပါတယ်။ ဆုိုလုိုတာက နုိုင်ငံရေး သမားကုို နုိုင်ငံရေးကင်းရှင်းရမယ်ဆုိုပြီး ကန့်သတ်ထား ထားဟာ အဓိပါယ်မရှိပါ။

ဗီဇာ မူဝါဒသစ်တွေ ထွက်လာတော့မလား 

ထားတော့။ ဗီဇာလျောက်နည်းအကြောင်းပြောရင်းနဲ့ လုိုရင်းမရောက်ပဲနေဦးမယ်။ ဆိုလုိုတာက သူပုန် ဟောင်းတွေ၊ နုိုင်-ကျဉ်းဟောင်းတွေ ပြည်တော်ပြန်ရေးဆုိုတာဟာ ပြည်တွင်းကရဲဘော်ရဲဘက်တွေ၊ မိသားစုတွေ ထင်ထားသလောက် မလွယ်ကူပါ။ အဲဒီ ၂၈ ရက်စာ ဗီဇာနဲ့ဝင်ပြီး ရက်ထပ်တုိုးတဲ့ကိစ္စက ပုိုတောင်ခက်ပါသေးတယ်။ သြစတေလျနုိုင်ငံသား စာအုပ်ကုိုင်ထားတဲ့ DVB ၀န်ထမ်းဟောင်းတဦး တလောက Facebook မှာရေးပြထားတဲ့ ဆုိုရှယ်ဗီဇာ သက်တန်းတုိုးဖုို့ သတင်းတပတ်ခန့်အချိန်ပေးပြီး အဆင့်ဆင့်လုပ်ဆောင်ရပုံကို ဖတ်မိရင် သိပါလိမ့်မယ်။

ဒါပေမဲ့ အားလုံး ဒီလိုခက်နေတာမျိုးတော့လဲ မဟုတ်ပြန်ပါဘူး။ MPC နဲ့ တခြား အစိုးရနဲ့ဆက်စပ်တဲ့ နေရာတွေ၊ ငြိမ်းချမ်းရေးဆွေးနွေးပွဲတက်နေသူတွေ၊ မီဒီယာသမားတွေ၊ NGO သမားတွေ အနည်းအကျဉ်း ကျတော့လည်း Business Visa နဲ့ အလုပ်ဖြစ်နေပြန်ပါတယ်။ တချို့ဆုို နုိုင်ငံခြားစာအုပ်ကုိုပြန်အပ်ပြီး မြန်မာနုိုင်ငံသားစာအုပ်တောင် ပြန်ရနေပါပြီ။ ဒါပေမဲ့ ဒီအရေအတွက်က ရှေ့မှာတင်ပြခဲ့တဲ့ တသောင်းထဲက တဒါဇင်လောက်ပဲရှိမယ် ထင်ပါတယ်။

ဒီတောအတွင်း ဗြိတိန်နဲ့ အမေရိကန်ပြည်ထောင်စုဆီ ခရီးထွက်လာတဲ့ နုိုင်ငံတော်အတုိုင်ပင်ခံပုဂ္ဂိုလ် (နုိုင်ငံခြားရေးဝန်ကြီးလဲဖြစ်ပါတယ်) ဒေါ်အောင်ဆန်းစုကြည်က လန်ဒန်ရောက်မြန်မာတွေနဲ့တွေ့တော့ သံရုံးတွေနဲ့ တည့်အောင်ပေါင်းကြလုို့ ပြောသွားတယ်လို့ကြားရပါတယ်။ တခါ ၀ါရှင်တန်ရောက် မြန်မာတွေ နဲ့တွေ့စဉ်မှာလည်း ဗီဇာကိစ္စအတွက် သံရုံးကိုစာရေးပြီးပြောပါ။ မူဝါဒတရပ်ချပြီး လုပ်ပေးသွားမယ်ဆုိုတဲ့ သဘောမျိုးပြောခဲ့တယ်လုို့ BBC, VOA မြန်မာပုိုင်းအစီစဉ်တွေကနေတဆင့် ကြားခဲ့ရပါတယ်။

အနှစ်ပြန်ချုပ်ရမယ်ဆုိုရင်တော့ အမျိုးသားပြန်လည်သင့်မြတ်ရေးဆုိုတာဟာ သူပုန်တပ်နဲ့ အစိုးရတပ် ဆွေးနွေးနေရုံသက်သက်နဲ့ မလုံလောက်ပါ။ နုိုင်ငံရေးအကျဉ်းသားတွေလွှတ်ပေးပြီး ရွေးကောက်ပွဲ ကျင်းပနုိုင်ရုံနဲ့ မလုံလောက်ပါ။ နယ်စပ်တကျောရှိ စစ်ပြေးဒုက္ခသည်တွေ အိမ်ပြန်ရေး လုပ်ပေးဖုို့လုိုနေ ပါတယ်။ သူပုန်ဟောင်းတွေ၊ နုိုင်ငံရေးအကျဉ်းသားဟောင်းတွေ ဂုဏ်သိက္ခာရှိစွာ အမိမြေဆီပြန်လာနုိုင်ရေး၊ တုိုင်းပြည်ပြန်လည်တည်ဆောက်ရေးလုပ်ငန်းစဉ်တွေမှာ ပါဝင်ခွင့်ပေးရေးတွေကို ဆောင်ရွက်ဖုို့လည်း လုိုအပ်နေပါသေးတယ်။ 

အရင် စစ်တပုိုင်းအစိုးရခေတ်က ဒါတွေကို မစဉ်းစားနုိုင်ခဲ့တာကို ထားလုိုက်တော့။ အခု ၈၈ အရေး တော်ပုံတုန်းက စာရေးသူတုို့နဲ့အတူ လှုပ်ရှားခဲ့တဲ့ ရဲဘော်ရဲဘက်တွေတောင် ၀န်ကြီးတွေ၊ လွှတ်တော် အမတ်တွေအဖြစ် ပါဝင်နေတဲ့ NLD အစိုးရ ခေတ်မှာတော့ ဒါကုို ခေါင်းစဉ်တခုအနေနဲ့ စဉ်းစားဖုို့အချိန်တန် နေပြီဖြစ်ပါတယ်။        ။

Posted in: ABSDF,TRAVEL,View pont