အပစ်ရပ်ပြီးမှ အပြတ်ရစ်ကြရမဲ့ သဘောလား

The Voice Daily, Wednesday, September 9, 2015.

ခေါင်းစဉ်ကိုဖတ်ပြီး နောက်တောက်တောက်ရေးထားတယ်လုို့ မထင်လုိုက်ပါနဲ့။ တကယ်တော့ အပစ်အခတ်ရပ်စဲ ရေးနဲ့ နုိုင်ငံရေးဆွေးနွေးပွဲဆုိုတာဟာ တဆက်တစပ်တည်းရှိနေရမှာပါ။ အခုတော့ အပစ်ရပ်တာကုိုပဲ အရင်လက် မှတ်ထုိုးပါ။ နုိုဝင်ဘာ ရွေးကောက်ပွဲမတုိုင်မီ၊ အခု ဦးသိန်းစိန်အစိုးရ သက်တန်းမကုန်မီ မဖြစ် ဖြစ်အောင် လက်မှတ် ထုိုးပါ။ တကယ်လို့ မထုိုးဖြစ်ရင် အစိုးရသစ်တက်လာမှ အားလုံး ၁ ကနေ အသစ်ပြန်စနေရလိမ့်မယ်လုို့ ငြိမ်းချမ်း ရေးအကျိုးတော်ဆောင် သမ္မတရုံးဝန်ကြီးက ပြောနေပါတယ်။

ဒါဟာ ဘာ သဘောလဲ။ အရင် န၀တ စစ်အစိုးရခေတ်ကလုို အပစ်အခတ်ရပ်စဲရေးပဲ အရင်လုပ်ထား လုိုက်ပါ။ ‘’နုိုင်ငံ ရေးကိစ္စကတော့ ရွေးကောက်ခံအစိုးရသစ်တက်လာမှ ဆက်ဆွေးနွေးကြပေါ့’’ ဆုိုသလုိုဖြစ်နေပြီလား။ ဆိုလုိုတာက လက်နက်ကုိုင်တုိုက်ကြတယ်ဆုိုတာဟာ နုိုင်ငံရေးအရ သဘောတူညီချက်ကို စားပွဲဝုိုင်းမှာ မရှာနုိုင်လုို့ မလွဲမရှောင် သာပဲ အသက်ပေးတုိုက်ကြရတာမျိုးပါ။

အခု ဆွေးနွေးခွင့်ရပြီဆုိုတော့ လက်နက်ကုိုင်တုိုက်ရတဲ့အရင်းခံအကြောင်းရင်းကုို နုိုင်ငံရေးအရ သဘောတူညီချက် ရအောင် ဦးစားပေးဆွေးနွေးကြရမှာပေါ့။ အဲဒီလုိုသဘောတူညီချက်ရပြီဆုိုမှ လက်မှတ်ထုိုးရမှာပေါ့။ အခုတော့ အဲဒီ လုို မဟုတ်။ ပစ်ခတ်တုိုက်ခုိုက်ကြခြင်းအကြောင်းရင်းဖြစ်တဲ့ နုိုင်ငံရေးပြသာနာကို ဘာမှဆွေးနွေးခွင့်မရသေးခင် တနုိုင်ငံလုံး အပစ်ရပ်စာချုပ် (NCA) ကုို အရင်လက်မှတ်ထုိုးရမှာတဲ့။

ဒီလုိုစာချုပ်မှာ လက်မှတ်ထုိုးထားပြီးမှ နုိုင်ငံရေးဆွေးနွေးပွဲမှာ သဘောတူညီချက်မရရင် ဘယ်လုိုလုပ်မှာလဲ။ အဲဒီ အချိန်ကြမှ ပြန်တုိုက်ကြမှာလား။ အပစ်ရပ်တာက ဘယ်လုို မူတွေအပေါ်အခြေခံပြီး ရပ်ထားကြတာလဲ။ ‘’အခုရှုတ် မှ နှောင်ရှင်း’’ ဆုိုတဲ့ မြန်မာစကားပုံနဲ့ လက်ရှိ အပစ်ရပ်ဖြစ်စဉ်ကတော့ ပြောင်းပြန်ဖြစ်နေပုံပါပဲ။

တနည်းအားဖြင့်ပြောရမယ်ဆုိုရင်တော့ ၂၀၀၈ ဖွဲ့စည်းပုံအခြေခံဥပဒေကုို မပြင်နုိုင်ပဲနဲ့ ၂၀၁၂ ကြားဖြတ်ရွေးကောက် ပွဲကုိုဝင်သွားတဲ့ နုိုင်ငံရေးပါတီတွေလုို၊ လွှတ်တော်ထဲကုိုယ်တုိုင်ဝင်ပြီး ပြင်မှဖြစ်မယ်ဆုိုတဲ့စိတ်ကူးတွေနဲ့ (အစိုးရက တဖက်သတ်ချ မှတ်ထားတဲ့) မူဘောင်တွေ ထဲဝင်သွားပြီးမှ ပြန်ဆုတ်လုို့မရတော့တဲ့ အခြေအနေမျိုးဆီ ဒီနေ့ ငြိမ်း-အဖွဲ့တွေပါ ရောက်သွားမလား။

နေပြည်တော်မှာ လက်မှတ်ထုိုးတော့မယ်

ဘယ်လုိုပဲမေးခွန်းတွေရှိနေပါစေ။ စက်တင်ဘာ ၉ ရက်နေ့ဆုိုရင် တုိုင်းရင်းသားလက်နက်ကုိုင်အဖွဲ့ ကုိုယ်စားလှယ် တွေနဲ့ မြန်မာအစိုးရအဖွဲ့ရဲ့ သမ္မတ ဦးသိန်းစိန်၊ တပ်-ချုပ် ဗိုလ်ချုပ်မှုးကြီး မင်းအောင်လှိုင်တုို့ နေပြည်တော်မှာ တွေ့ ဆုံပြီး တနိုင်ငံလုံး အပစ်အခတ်ရပ်စဲရေးစာချုပ် (NCA) ကုို လက်မှတ်ထုိုးကြ တော့မှာပါ။

လက်မှတ်ထုိုးတယ်ဆုိုတာဟာ ရှေ့မှာတင်ပြခဲ့တဲ့အတုိုင်း နုိုင်ငံရေးဆွေးနွေးမှုတွေစတင်နုိုင်ဖုို့ ပထမ အဆင့်အနေနဲ့ ယာယီအပစ်ရပ်ထားဖုို့ကိုဆုိုလုိုတာပါ။ ဒါတောင် ဒီအပစ်ရပ်အဆင့်လက်မှတ်ထုိုးပွဲမှာ တုိုင်းရင်းသားလက်နက်ကုိုင် အဖွဲ့အားလုံး ပါဝင်ခွင့်ရ မရ မသေချာသေးပါဘူး။ ဒီလုိုမသေချာတဲ့ အချက်အပေါ်မူတည်ပြီး အပစ်ရပ်အဆင့် လက် မှတ်ထုိုးပွဲတောင် ဖြစ်လာပါ့မလားလုို့ စိုးရိမ်သူတွေ လည်းရှိနေပါတယ်။

ဘာကြောင့်လဲဆုိုရင် သမ္မတဦးသိန်းစိန်ရဲ့ သြဂုတ်လ ၁၀ ရက်နေ့ ကမ်းလှမ်းချက်ထဲမှာ အဖွဲ့ ၁၅ ဖွဲ့ပဲ ပါပြီး ပလောင် (တအာင်း) အမျိုးသားလွတ်မြောက်ရေးတပ်မတော် (TNLA)၊ မြန်မာ အမျိုးသား ဒီမိုကရေစီ မဟာမိတ်တပ်မတော် ကိုးကန့်တပ်ဖွဲ့ (MNDAA) နဲ့ ရက္ခိုင့်တပ်မတော် (AA) တုို့ မပါဝင်ပါ ဘူး။ ပြီးတော့ ‘ဝ’ အမျိုးသား အဖွဲ့ချုပ် (WNO)၊ လားဟူအမျိုးသားဒီမိုကရက်တစ်အစည်းအရုံး (LDU) နဲ့ ရခိုင် အမျိုးသား ကောင်စီ (ANC) တို့ကိုလည်း မပါဝင်နိုင် အောင် ကန့်သတ်ထားတယ်လို့သိရပါတယ်။

(သမ္မတစာပုို့ထားတဲ့ ၁၅ ဖွဲ့ကတော့ ကချင်ပြည်လွတ်လပ်ရေးအဖွဲ့ (KIO)၊ ကရင့်အမျိုးသားအစည်းအရုံး (KNU)၊ ကရင် နီ အမျိုးသားတုိုးတက်ရေးပါတီ (KNPP )၊ ရှမ်းပြည်တုိုးတက်ရေးပါတီ (SSPP/SSA )၊ ချင်းအမျိုးသားတပ်ဦး (CNF)၊ မွန်ပြည်သစ်ပါတီ (NMSP)၊ ပအိုဝ်း အမျိုးသားလွတ်မြောက်ရေး အဖွဲ့ချုပ် (PNL)၊ ‘၀’ပြည် သွေးစည်းညီ ညွတ်ရေး တပ်မတော် (UWSA) ၊ အမျိုးသားဒီမိုကရေစီ မဟာမိတ် တပ်မတော် (NDAA) ၊ ရှမ်းပြည် ပြန်လည်ထူ ထောင်ရေးကောင်စီ (RCSS/SSA)၊ ရခိုင်ပြည်လွတ် မြောက်ရေးပါတီ (ALP )၊ ဒီမိုကရေစီအကျိုးပြု ကရင်အမျိုး သားတပ်မတော် (DKBA)၊ နာဂ အမျိုးသားဆိုရှယ်လစ်ကောင်စီ -ကပ်ပလန် (NSCN-K) ၊ ကရင်ငြိမ်းချမ်းရေး ကောင်စီ (KNU/KNLA-PC) နဲ့ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ် တပ်ဦး (ABSDF) တို့ ဖြစ်ပါတယ်။)

ဒီတောတွင်းမှာပဲ တပ်-ချုပ် ဗိုလ်ချုပ်မှုးကြီးမင်းအောင်လှိုင်ကလည်း MNDAA ဟာ နိုင်ငံတော်ရဲ့ အချုပ်အခြာ အာ ဏာကိုထိပါးကာ စစ်ကြေညာပြီး စတင်တိုက်ခိုက်လာခဲ့ခြင်းဖြစ်တဲ့အတွက် ငြိမ်းချမ်းရေးလုပ်လုို့ မရနုိုင်ကြောင်း၊MNDAA ကို စစ်ရေးအရ ၀ိုင်းကူညီခဲ့ကြတဲ့ TNLA ၊ AA နဲ့ KIA တပ်မဟာ (၄) တို့လည်း ငြိမ်းချမ်းရေး လုပ်လိုပါက လက်နက်စွန့်ရမှာဖြစ်ကြောင်း သြဂုတ်လ ၂၅ နေ့က မြန်မာနုိုင်ငံ စာနယ်ဇင်းကောင်စီနှင့်တွေ့ဆုံစဉ်မှာ ပြောဆို လုိုက်ပြန်ပါတယ်။

ဒီလုိုကြိုတင်ကန့်သတ်ချက်တွေရှိနေတဲ့အတွက် ၉ ရက်နေ့မှာ လက်မှတ်ထုိုးဖြစ်ပါ့မလား။ တကယ်လုို့ အားလုံးပါဝင် ခွင့်မရပဲ အဖွဲ့တချို့ကပဲ ကွက်ပြီးထုိုးတယ်ဆုိုရင်ကော ဒါကို တနိုင်ငံလုံး အပစ်အခတ်ရပ်စဲ ရေးစာချုပ် (NCA) လုို့ ခေါ်ဆုိုနုိုင်ပါ့မလား။ လက်မှတ်မထုိုးနုိုင်သေးတဲ့နယ်မြေတွေမှာ တုိုက်ပွဲတွေ ပြန်ဖြစ်လာဦးမလားဆုိုပြီး မေးခွန်းထုတ် မှုတွေ များလာနေပါတယ်။

အကဲခတ်တွေရဲ့ အမြင်

အကဲခတ်တွေရဲ့အမြင်ထဲမှာတော့ ကျနော်တုို့ ၈၈ ကျောင်းသားတွေ တောမခုိုခင်ကတည်းက လက်နက်ကုိုင်တော် လှန်ရေးနယ်မြေထဲရောက်ခဲ့ဖူး၊ နေခဲ့ဖူး၊ စာအုပ် စာတန်းတွေအများကြီးရေးဖူးခဲ့သူ၊ နုိုင်ငံတကာ အစိုးရတွေ၊ အလှူ ရှင် အဖွဲ့အစည်းတွေအကြောင်းလည်း ကောင်းကောင်းသိသူ ဆွီဒင်သတင်းစာဆရာ Bertil Lintner ရဲ့အမြင်ကို အလေးထားစဉ်းစားသင့်တယ်လို့ ထင်ပါတယ်။ 

‘’အခုဆွေးနွေးပွဲတွေကုို ငြိမ်းချမ်းရေးဖြစ်စဉ်ဆုိုပြီး အကဲခတ်တချို့ကပြောနေတာတွေ့ရပါတယ်။ တကယ်တော့ အခု ဟာက အပစ်ရပ်ရေးအတွက် နည်းစနစ်ပုိုင်းဆွေးနွေးတဲ့အဆင့်ပဲရှိပါသေးတယ်။ အပစ်ရပ်ပြီးမှ စားပွဲဝုိုင်းမှာထုိုင်၊ နုိုင်ငံရေးအရသဘောတူညီချက်ရမှ လက်မှတ်ထုိုးရမှာ။ အခုဟာက နွားရှေ့ထွန်းကျုးသလုိုဖြစ်နေတယ်’’ လုို့ Lintner ကပြောကြောင်း ဧရာဝတီမဂ္ဂဇင်း မှာဖေါ်ပြထားတာတွေ့ရပါတယ်။

နုိုင်ငံရေးမဆွေးနွေးပဲ အပစ်အခတ်ရပ်စဲရေးတခုတည်းကိုပဲပြောမယ်ဆုိုရင် ၁၉၉၀ ၀န်းကျင် အရင်စစ် အစိုးရခေတ် ကလည်း တုိုင်းရင်းသားလက်နက်ကုိုင်အဖွဲ့ ၂၀ ခန့် လက်မှတ်ထုိုးခဲ့ပြီးဖြစ်ကြောင်း၊ အခုချိန်မှာထူးထူးခြားခြား ပိုလာ တာဆုိုလုို့ နုိုင်ငံတကာငြိမ်းချမ်းရေးအကျိုးတော်ဆောင်တွေ ပါလာခြင်းသာဖြစ်ကြောင်း၊ ဒါကို သူ့အနေနဲ့ ‘’peace industrial complex’’ လုို့သာ ခေါ်ချင်ကြောင်း ပြောထားပါတယ်။

ငြိမ်းချမ်းရေးအတွက် အဓိကအလှူရှင်ဖြစ်တဲ့နော်ဝေးနုိုင်ငံကိုလည်း ကွင်းထဲကတကယ့် အခြေအနေ ကိုမသိပဲနဲ့ အ စုိုးရနဲ့ မြန်မာငြိမ်းချမ်းရေးစင်တာ (MPC) ဖက်ယိမ်းပြီး တဖက်သတ်ကူညီနေသူ၊ သိရီလကာင်္ ပြည်တွင်းစစ်အတွင်း ၀င်ရောက်ကူညီပုံနဲ့ ဥပမာပေးပြိး ခပ်ပြင်းပြင်းဝေဖန် ထားပါသေးတယ်။ မကြာခင်နှစ်တွေအတွင်း မြန်မာနုိုင်ငံလည်း သိရီလကာင်္လုိုဖြစ်လာမယ်ဆုိုရင် သူအနေနဲ့ အံ့သြမှာမဟုတ်ဘူးလုို့ ဟောကိန်းထုတ်ထားပါတယ်။

နောက်ထပ်တင်ပြလုိုတဲ့ အကဲခတ်ဦးတဦးကတော့ လက်ကုိုင်တော်လှန်ရေးထဲ ကုိုယ်တုိုင်ဖြတ်သန်းဖူးသူ၊ ABSDF မှာ ခေါင်းဆောင်ပုိုင်းတာဝန်ယူခဲ့ဖူးသူ၊ လူ့အခွင့်အရေးရှေ့နေ ဦးအောင်ထူးရဲ့ အမြင်ပါ။ 

အခုလက်မှတ်ရေးထုိုးမယ်ဆုိုတဲ့ စာချုပ်ဟာ ၁၉၉၄ တုန်းက KIO နဲ့ စစ်အစုိုးရတုို့ကြား ချုပ်ဆုိုတဲ့ စာချုပ်နဲ့ သဘော ချင်းအတူတူဖြစ်ကြောင်း၊ ‘’ပြသာနာများကို ၂ ဖက် ပူးတွဲကုိုင်တွယ်ဆောင်ရွက်သွားရန်’’ ဆုိုတဲ့ ဘက် ၂ ဖက်သာပါ တဲ့အတွက် တဖက်ဖက်ကဖေါက်ရင် ထိမ်းနုိုင်မဲ့ တတိယ အင်အားစုမရှိဘူး၊ အချိန်မရွေးတုိုက်ပွဲတွေ ပြန်ဖြစ်နုိုင် တယ်၊ တုိုက်ပွဲမဖြစ်အောင် ထိမ်းနုိုင်တဲ့ အဆင့်တောင် ဒီစာချုပ်မှာ မတွေ့ရဘူးလုို့ ဦးအောင်ထူးက သူရဲ့ စာတမ်းထဲ မှာ ထောက်ပြထားပါတယ်။

ဒုတိယ အချက်ကတော့ နုိုင်ငံတော်အဆင့် အခုလုိုလက်မှတ်ထုိုးမယ်ဆုိုရင် တုိုင်းရင်းသားလက် နက်ကုိုင် အဖွဲ့တွေ ကို မတရားအသင်းကြေငြာထားမှုကနေ ဥပဒေကြောင်းအရ အရင်ဆုံးရုတ်သိမ်းပေးဖုို့လုိုတယ်လုို့ သူကထောက်ပြ ပါတယ်။ 

NCA စာချုပ်အပိုဒ် ၂၄ (ခ) မှာ ‘’ဤသဘောတူစာချုပ်ကိုလက်မှတ်ရေးထိုးကြသော တိုင်းရင်းသား လက်နက်ကိုင် အဖွဲ့အစည်းများအားလုံးကို မတရားအသင်းအဖြစ်ကြေညာထားခြင်းမှပယ်ဖျက်ရေး ဆက်လက်ဆောင်ရွက်သွား ရန် သဘောတူသည်’’ ဟု ဖေါ်ပြထားခြင်းဟာ ဥပဒေအသုံး အနှုန်း မဟုတ်ကြောင်း၊ ဥပဒေအရဆုိုရင် စကားလုံး အတိအကျသုံးဖုို့လုိုပြီး အခုဟာက ဝေေ၀၀ါးဝါးဖြစ်နေကြောင်း၊ လက်မှတ်မထုိုးခင် ဒီဟာကိုအရင်ရှင်းဖုို့လုိုကြောင်း၊ နောက်ပုိုင်းကျမှ မတရားအသင်းကနေ လွတ်ကင်းစေချင်ရင် လက်နက်စွန့်ပြီး ပါတီထောင်ပါလုို့ အစိုးရဖက်က ပြောလာရင် ဒီစာချုပ်အရ တုိုင်းရင်းသားတွေ ခြေချုပ်မိပြီးသားဖြစ်သွားနုိုင်တယ်လို့ ဦးအောင်ထူးက ထောက်ပြထား ပါတယ်။

သူတုို့ ၂ ဦးအပါဝင် ဒီဖြစ်စဉ်အပေါ် ဝေဖန်ထောက်ပြနေသူတွေဟာ ငြိမ်းချမ်းရေးကို မလုိုလားလုို့ အပြစ်တင်နေခြင်း မဟုတ်ပါ။ ဟန်ပြငြိမ်းချမ်းရေးမဖြစ်ဖုို့။ ၁၉၉၀ ၀န်းကျင် န၀တ ခေတ်ငြိမ်းချမ်းရေး လုိုမဖြစ်ဖုို့။ အနှစ်သာရရှိပြီး ရေ ရှည်ခုိုင်မြဲတဲ့ ငြိမ်းချမ်းရေးဖြစ်စေဖုို့ အချက်အလက်စုံလင်အောင် အကြံပြုနေခြင်းသာဖြစ်တယ်ဆုိုတာကို အစိုးရ၊ MPC နဲ့ နုိုင်ငံတကာအလှူရှင်တွေဖက်က မြင်ဖုို့လုိုပါတယ်။

အနှစ်ပြန်ချုပ်ရရင်တော့ ‘’အခုရှုပ်မှ နောင်ရှင်း’’ ဆုိုတဲ့အတုိုင်း လက်မှတ်မထုိုးခင် ရင်ထဲရှိတာတွေကုို ပွင့်ပွင့် လင်း လင်းဆွေးနွေး အဖြေရှာဖုို့လုိုပါတယ်။ အဲဒီလုိုမဟုတ်ပဲ သူတုို့အစိုးရသက်တန်းမကုန်ခင်မှာ လက်မှတ်ထုိုးမှဖြစ်မယ် ဆုိုပြီး သမ္မတရုံးဝန်ကြီးက ဖိအားပေးလာလုို့ မငြင်းသာပဲ ထုိုးလုိုက်ရတာမျိုး၊ သမ္မတကုိုယ်တုိုင်ကလည်း ပြဿနာ ပြေလည်ရေးထက် သူ့အစိုးရလက်ထက်မှာ ငြိမ်းချမ်းရေး လက်မှတ်ထုိုးနုိုင်ခဲ့တယ်ဆုိုတာကို ပြချင်ဇောက ပိုများနေ တာမျိုးဆုိုရင်တော့ ဒီစာချုပ်ဟာ အဖြေထက် မေးခွန်းတွေသာပုိုများလာစေနုိုင်ပါတယ်။

အထူးသဖြင့် တုိုင်းရင်းသားတွေဖက်က တောင်းဆုိုထားတဲ့ ဖက်ဒရယ်ပြည်ထောင်စု၊ ဖက်ဒရယ်တပ်မတော် ဆုိုတာ ကို အစိုးရဖက်က ဘယ်လုိုသဘောထားလသဲ။ DDR, SSR ဆုိုတဲ့ တုိုင်းရင်သားတပ်တွေ လက်နက်ဖြုတ်သိမ်းရေး၊ ဒါမှမဟုတ် အစုိုးရတပ်နဲ့ပူးပေါင်းရေး၊ နယ်ခြားစောင့်တပ်၊ ပြည်နယ်စောင့် ရဲတပ်ဖွဲ့ စသဖြင့် အသွင်ပြောင်းရေး အပါ အ၀င် လက်နက်ကုိုင်တပ်တွေရဲ့ အနာဂတ်အကြောင်း ဆွေးနွေးတဲ့ အခါကျမှ ဒီ NCA စာချုပ်က အဖြေမပေးနုိုင်ပဲ ရှုတ်ထွးမှုတွေကိုသာ ပုိုဖြစ်လာစေမလားဆိုတာ စဉ်းစား ဘွယ် ဖြစ်လာနေပါတယ်။        ။

(မှတ်ချက်။    ။ ဒီဆောင်းပါးရဲ့ အဓိက ဆုိုလုိုရင်းဟာ ''အကုန်ရရင်ရ မရရင် ဘာမှမလုိုချင်ဘူး'' လုို့ မဆုိုလုိုပါ။ ရသမျှကုိုအရင်ယူထားတာ၊ အခြေအနေအရလုပ်နေရတာကို အပြစ်မပြောပါ။ ဒါပေမဲ့ မူလရည်မှန်းချက်ဆီ အထိရောက်အောင်သွားဖုို့၊ တန်းဝင်တဲ့ ငြိမ်းချမ်းရေးဖြစ်အောင်ဆက်လုပ်ဖုို့ တုိုက်တွန်းခြင်းသာဖြစ်ပါ တယ်။)။

Posted in: ABSDF,LEARNING MEDIA,TRAVEL