အာဏာ၊ သေနတ်ပုိုင်ရှင်များနှင့် စုိုးရိမ်ရေမှတ်

The Voice Daily, Tuesday, August 18, 2015.

 

နေပြည်တော်က သန်းခေါင်ယံ ထုိုင်ခုံလုပွဲ

‘’စည်းကမ်းပြည့်ဝသောဒီမုိုကရေစီ’’၊ ’’မြန်မာ့နည်းမြန်မာ့ဟန်ဒီမုိုကရေစီ’’၊ ‘’စစ်အာဏာရှင်စနစ်ကနေ အရပ်သား အစိုးရစနစ်ဆီ အသွင်ပြောင်းကာစဒီမုိုကရေစီ’’ စသဖြင့် ကြိုက်သလုိုပြော။ သေချာတာတော့ အဲဒီ ဒီမုိုကရေစီဆုို တာတွေဟာ နုိုင်ငံသားတွေဆီကနေ ဆင်းသက်လာတာမဟုတ်ပဲ သေနတ်ပြောင်းဝကနေ ဆင်းသက်လာတဲ့၊ သေနတ်ကုိုင်ထားသူတွေ ခွင့်ပြုချက်ပေးသလောက်သာ ရှင်သန်ခွင့်ရမယ်ဆုိုတဲ့အချက်ကုို ကြံ့ခုိုင်ရေး ပါတီ အတွင်းဖြစ်ပွါးခဲ့တဲ့ သန်းခေါင်ယံ ထုိုင်ခုံလုပွဲက သက်သေပြလုိုက်ပြီဖြစ်ပါတယ်။

သြဂုတ်လ ၁၂ ရက်နေ့ညကဖြစ်ပွါးခဲ့တဲ့ နေပြည်တော် ဌာနချုပ်ရုံးတွင်း ပဋိပက္ခကုို ပါတီတွင်းကိစ္စသာ ဖြစ်ပါတယ် ဆုိုပြီး အစိုးရတာဝန်ရှိသူတွေကပြောပေမဲ့ ဒီပြောဆုိုချက်ကုို ယုံကြည်သူအတော်နည်းပါလိမ့်မယ်။ ကြံ့ခုိုင် ရေးပါ တီဆုိုတာဟာ လက်ရှိအစိုးရအဖွဲ့ကို ကုိုယ်စားပြုတဲ့ပါတီ။ စစ်ဗုိုလ်ဟောင်းတွေကို ကိုယ်စားပြုတဲ့ပါတီ၊ စစ်ဗုိုလ်သစ် တွေကုို အခြေခံထားတဲ့ပါတီ၊ ရှိသမျှ အာဏာအားလုံးကုို ကုိုင်ထားတဲ့ပါတီဖြစ်တဲ့အတွက် ဒီ ပါတီတွင်းကိစ္စဟာ တနုိုင်ငံလုံးရဲ့ ကိစ္စပါပဲ။

ဒီလုို တနုိုင်ငံလုံးကုို ဟုိုးလေးတကျော်ဖြစ်သွားစေတဲ့သတင်း၊ မြန်မာ့ပြုပြင်ပြောင်းလဲရေးကိုစောင့်ကြည့်နေတဲ့ နုိုင်ငံ တုိုင်းကုို တအံ့တသြဖြစ်သွားစေတဲ့သတင်း၊ အမေရိကန်၊ ဗြိတိန်အပါဝင် နုိုင်ငံကြီးတချို့က စိုးရိမ်မကင်းဖြစ်မိ ကြောင်း ထုတ်ဖေါ်ပြောခဲ့ရတဲ့သတင်းကုို အစိုးရသတင်းစာက ဘယ်လုိုများဖေါ်ပြမလဲဆုိုပြီး လုိုက်ရှာဖတ်တော့ တလုံးမှ မတွေ့မိပါ။ 

ဒါပေမယ့် သမ္မတပြောခွင့်ရပုဂ္ဂိုလ် ပြန်ကြားရေးဝန်ကြီး ဦးရဲထွဋ်ရဲ့ Facebook ထဲမှာတော့ ဘီဘီစီ မြန်မာပုိုင်းဆီ သူ ဖြေကြားခဲ့တဲ့အသံတွေကို ပြန်တင်ထားတာတွေ့ရပါတယ်။ အနှစ်ချုပ်ကတော့ ဒီကိစ္စဟာ ကြံ့ခုိုင်ရေးပါတီအတွင်း ဖြစ်ပွါးတဲ့ ပါတီတွင်းကိစ္စသက်သက်သာဖြစ်တယ်။ သူတုို့အစိုးရအဖွဲ့နဲ့မဆုိုင်ဘူး။ သူ့ကုိုယ်တုိုင်လဲ ကြံ့ခုိုင်ရေးပါတီဝင် မဟုတ်ဘူး၊ အဲဒီရုံးဖက် ရောင်လုို့တောင် မသွားဖြစ်ဘူးလုို့ပြောပါတယ်။ 

ပါတီတွင်းကိစ္စမှာ ဘာလုို့လက်နက်ကုိုင် လုံခြုံရေးတပ် ၂၀၀ လောက်အထိ ခေါ်သုံးရတာလဲဆုိုတဲ့အမေးကိုတော့ အဖွဲ့အစည်းတခုခုက အကူအညီတောင်းရင် ရဲတပ်ဖွဲ့မှာ ဒီလုိုအကူအညီပေးဖုို့တာဝန်ရှိတယ်လို့ သူကဆုိုပါတယ်။

နမိတ်ပုံသတင်းရေးနည်း ပြန်ခေတ်စားလာခြင်း

ဒါက ဘီဘီစီ ကုိုပေးတဲ့ ၁၃ ရက်နေ့မနက် အင်တာဗျုးထဲက အနှစ်ချုပ်ပါ။ ၁၃ ရက်နေ့မနက်မှာ ဦးရဲထွဋ်ကုိုယ်တုိုင် တင်ထားတဲ့ Facebok Status တခုထဲမှာတော့ ‘’တိမ်အနည်းငယ်ရှိပေမယ့် နေပြည်တော်မှာ ရာသီဥတု ကောာင်း ပါသည်။ လီလီနုိုင်ကျော်ရဲ့ရာသီဥတုကောင်းပါတယ်ဆိုတဲ့ သီချင်းကိုသတိရရင်း လမ်းလျှောက်ထွက်ခဲ့သည်။ ရာသီဥတု မသာယာသည့်အတွက် လမ်းမလျှောက်ဖြစ်တာ ကြာပြီလေ’’ ဆုိုပြီး ရေးထားတာတွေ့ရပါတယ်။

စာဖတ်သူတွေ ဘယ်လုိုနားလည်ကြသလဲတော့မသိပါ။ ကျနော်ကတော့ ဒီနေ့စာနယ်ဇင်းအခြေအနေဟာ မဆလ၊ န၀တ ခေတ် စာနယ်ဇင်းတွေလုို သတင်းကုို နမိတ်ပုံနဲ့ရေးတဲ့ခေတ်များ ပြန်ရောက်သွားပြီလားလုို့ စဉ်းစားမိပါတယ်။ ထားတော့။ ၁၃ ရက်မပါရင် ၁၄ ရက်မှာများပါမလားဆုိုပြီး ထပ်ရှာကြည့်မိပါတယ်။ ၁၆ ရက်နေ့သတင်းစာအထိ ဦးရွှေမန်းကို တာဝန်ကရပ်စဲတဲ့သတင်း လုံးဝမတွေ့မိပါဘူး။

မတွေ့မိဘူးဆုိုတာ သတင်းကိုသတင်းအဖြစ် အတိအကျရေးထားတာမျိုး မတွေ့မိဘူးလုို့ ဆုိုလုိုတာပါ။ ဒါပေမဲ့ ရှေ့မှာ တင်ပြခဲ့တဲ့ နမိတ်ပုံသတင်းတပုဒ်ကိုတော့ ၁၄ ရက်နေ့ သတင်းစာမှာတွေ့မိပါတယ်။ ‘’ပြည်ထောင်စုရွေးကောက်ပွဲ ကော်မရှင်မှ ပြည်ထောင်စုလွှတ်တော် နာယကထံသုို့ လွှတ်တော်ကုိုယ်စားလှယ်မှ ပြန်လည်ရုတ်သိမ်းခြင်းဆုိုင်ရာ ဥပဒေ ပြဌာန်းပေးနုိုင်ရေး စတုတ္ထအကြိမ်မြောက် ထပ်မံတင်ပြထားရှိ’’ တဲ့။

နမိတ်ပုံသတင်းက ဒီလောက်တင်လားဆုိုတော့ မဟုတ်သေး။ အဲဒီ ၁၃ ရက်နေ့သတင်းစာ မျက်နှာဖုံးသတင်းမှာ ‘’ပြည်ထောင်စုဝန်ကြီးများ ရာထူးမှနှုတ်ထွက်ခွင့်ပြုခြင်း’’ ဆုိုတဲ့ သမ္မတရဲ့ကြေညာချက်ထဲမှာ ဦးတင်နုိုင်သိန်းနဲ့ ဦးခင်ရီအပါဝင် ၀န်ကြီး ၄ ဦးကို တာဝန်ကနားခွင့်ပေးတယ်လုို့ဖေါ်ပြထားပါတယ်။ တခါ အခြားစာမျက်နှာ တခုမှာ တော့ ဒုဝန်ကြီးများ ရာထူးကနှုတ်ထွက်ခွင့်ပြုဆုိုပြီး ပြန်ကြားရေး ဒုဝန်ကြီး ဦးပုိုက်ထွေးအပါဝင် ဒု-၀န် ၄ ဦးကို တန်း စီဖေါ်ပြထားပါတယ်။

ဒီလောက်အထိက သိပ်မထူးသေးပါ။ ဒါပေမဲ့ နေ့လည်ပုိုင်းမှာတက်လာတဲ့ Facebook ပေါ်က ဓာတ်ပုံမှတ်တမ်းတွေ အရ ၁၂ ရက်နေ့ညကဖြစ်ပွါးခဲ့တဲ့ ကြံ့ခုိုင်ရေးပါတီအရေးပေါ်အစည်းအဝေးအပြီး အသစ်ဖွဲ့လုိုက်တဲ့ ပါတီထိပ်ပုိုင်း ခေါင်းဆောင်တွေထဲမှာ ဒီဝန်ကြီးပြုတ်တွေက ချက်ချင်း ပါတီအထွေထွေအတွင်းရေးမှုးတုို့၊ သတင်းထုတ်ပြန်ရေး အဖွဲ့ အတွင်းရေးမှုးတုို့ဖြစ်နေတာကုိုတွေ့ရပါတယ်။

ဒါက အစုိုးရအဖွဲ့ထဲကလူတွေ ညတွင်းချင်း ပါတီခေါင်းဆောင် ဖြစ်လာပုံပဲရှိပါသေးတယ်။ စစ်တပ်ဖက်နေ ချက်ချင်း ရာက်လာပြီး ပါတီစည်းကမ်းထိမ်းသိမ်းရေးကိုကုိုင်လုိုက်တဲ့၊ ရွေးကောက်ပွဲဝင်ဖုို့ ယူနီဖောင်းချွတ်လုိုက်တဲ့ တပ် မတော် ကြည်း-ရေ-လေ ညှိနှိုင်းရေးမှုး ဗုိုလ်ချုပ်ကြီး လှဌေးဝင်းအပါဝင် အဆင့်မြင့် စစ်အရာရှိတွေလဲ ဒါဇင်နဲ့ချီရှိ ပါသေးတယ်။ 

ဒါတွေအားလုံးကို ခြုံဖတ်ကြည့်နုိုင်မယ်ဆုိုရင်တော့ နေပြည်တော်က သန်းခေါင်ယံထုိုင်ခုံလုပွဲဟာ ပါတီတွင်း ကိစ္စသက်သက် မဟုတ်ဘူး။ တုိုက်ဆုိုင်မှုသက်သက်လည်း မဟုတ်ဘူး။ တစုံတဦးက စနစ်တကျ ကြိုတင်အကွက်ချ စီမံထားတယ်ဆုိုတာပေါ်လွင်နေပါတယ်။

ဘာကြောင့် ဦးရွှေမန်းကိုဖြုတ်တာလဲ

ဘာကြောင့်ဖြုတ်သလဲဆုိုတာကို ပါတီဖက်ကရော၊ အစိုးရဖက်ကပါ အခုအချိန်ထိ (၁၆ ရက်နေ့အထိ) တရားဝင် သတင်းထုတ်ပြန်ခြင်း မရှိသေးပါဘူး။ ဒါပေမဲ့ ပြန်ကြားရေးဝန်ကြီး ဘီဘီစီ အင်တာဗျုးအတွင်းပြောသွားတဲ့ နမိတ်ပုံ စကားလုံးတွေကို ပြန်ကောက်ရမယ်ဆုိုရင် ပါတီမူဝါဒကုိုသွေဖည်ခြင်း၊ ပါတီအရေးထက် ပုဂ္ဂိုလ်ရေးကုို ရှေ့တန်း တင်လာခြင်း၊ ပါတီတွင်း ဂုိုဏ်းဂဏထူထောင်ခြင်းတွေကုို ဦးရွှေမန်းဖက်က လုပ်ခဲ့တယ်လို့ အစိုးရဖက်က မြင်ထားပုံရပါတယ်။ 

အများမြင်သာတဲ့ အချက်အလက်တွေကုိုပြောရမယ်ဆုိုရင်တော့ လွှတ်တော်ဥက္ကဌ ဦးရွှေမန်းဟာ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအဆုိုကို ထောက်ခံကြောင်း သူကုိုယ်တုိုင် မဲဝင်ပေးခဲ့ ပါတယ်။ ဒီအချက်ဟာ သမ္မတနဲ့ အစိုးရဖက်ကမကြိုက်တဲ့၊ လက်ရှိ စစ်ဗိုလ်တွေဖက်ကရော၊ ဇတ်ညွှန်းဆရာ တပ်-ချုပ် ဟောင်းကြီး ဦးသန်းရွှေ ဖက်ပါမကြိုက်ဘူးလုို့ ယူဆနုိုင်တဲ့ အဓိကအချက်တခုကို ကျုးလွန်မိလုိုက်က်ခြင်းဖြစ်တယ်လို့ အကဲခတ်တွေက ယူဆကြပါတယ်။

ဒုတိယ အချက်ကတော့ အတုိုက်ခံပါတီခေါင်းဆောင် နုိုဗယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ နားလည် မှုရှိကြောင်း၊ ပူးပေါင်းဆောင်ရွက်မှုရှိကြောင်း တရားဝင်ထုတ်ပြောခဲ့ပါတယ်။ ဒါတွေက လွန်ခဲ့တဲ့ လပုိုင်းတွေ အ တွင်း ဆက်တုိုက်ဖြစ်ပွါးခဲ့တာတွေပါ။ ဒါပေမယ့် ဒီပြစ်မှုလောက်နဲ့တော့ ဒီလုို တနုိုင်လုံး ရေလွှမ်းလုို့ ဒုက္ခရောက် နေချိန်မျိုးမှာ ရုပ်ပ်ပျက်ဆင်းပျက် ဖမ်းဆီးအရေးယူတဲ့အထိ လုပ်ဘွယ်မရှိသေးပါဘူး။

ဒါဖြင့် ဘာကြောင့် ရုတ်တရက်ဒီလုိုလုပ်လုိုက်ရတာလဲ။ လောလောဆယ်ဖြစ်သွားတဲ့အကြောင်းအရာဟာ ၁၂ ရက် နေ့မှာလုပ်တဲ့ ပါတီသတင်းစာရှင်းပွဲအတွင်း ဦးသိန်းစိန်တို့အဖွဲ့ ရွေးကောက်ပွဲမ၀င်တော့ဘူးဆုိုပြီး အပြတ်ပြော သွား တာရယ်။ စစ်တပ်ဖက်ကနေ ရွေးကောက်ပွဲ ၀င်ဖုို့စာရင်းပေးလုိုက်တဲ့ ဗိုလ်ချုပ် ၁၀၀ ကျော်ထဲက ၅၀ ကိုိုသာ ပါတီ က လက်ခံမယ်လုို့ပြောဆုိုခဲ့ခြင်းတွေကြောင့် ဖြစ်မယ်လို့ ယူဆရပါတယ်။

အဲဒီတော့ ဘာဆက်ဖြစ်မလဲ

ဇတ်လမ်းစုံကုို သိရှိနားလည်ပြီးနောက်မှာ မေးခွန်းပေါင်းများစွာ ထပ်ထွက်လာခဲ့ပါတယ်။ ဒါပေမယ့် အဖြေကတော့ သိပ်များများစားစားရွေးစရာ ပေါ်မလာခဲ့ပါဘူး။ နဂုိုကတည်းက သူ့စိတ်ကြိုက်ရေးဆွဲထားတဲ့ ဇတ်ညွှန်းထဲမှာ (လမ်း ပြမြေပုံ ၇ ချက်ထဲမှာ) ဇတ်ရံနေရာက ပဲဖြစ်ဖြစ်၊ ဖြတ်လျောက်ခန်းကပဲဖြစ်ဖြစ် ပါ ပါရစေဆုိုပြီး ၂၀၁၀ ရွေးကောက်ပွဲ ၀င်မိတဲ့ နုိုင်ငံရေးပါတီတွေ၊ ၂၀၁၂ ကြားဖြတ်ကုိုဝင်မိတဲ့ NLD ပါတီတွေ၊ အခု နုိုဝင်ဘာမှကျင်းပမဲ့ ၂၀၁၅ ရွေး ကောက်ပွဲကို ၀င်မယ်ဆုိုပြီး ကြေညာထားတဲ့ ပါတီအားလုံး အခုချိန်ကျမှ နောက်ပြန်ဆုတ်ဖုို့ဆုိုတာ မဖြစ်နုိုင်ပါ။

တချိန်တည်းမှာပဲ အစိုးရတပ်နဲ့ အပစ်အခတ်ရပ်စဲရေးလုပ်ပြီး နုိုင်ငံရေးဆွေးနွေးမယ်၊ အကျိုးစီးပွါးခွဲဝေမယ်လုို့ ဆုံးဖြတ်ထားတဲ့ တုိုင်းရင်းသားတော်လှန်ရေးတပ်ဖွဲ့တွေကလည်း သူတုို့လုပ်နေဆဲဆွေးနွေးပွဲတွေကိုရပ်တန့်ပြီး ချက်ချင်း စစ်ပြန်တုိုက်ဖုို့ဆုိုတာ မဖြစ်နုိုင်ပါ။

ဒါတွေဟာ လက်ရှိ မြန်မာ့နုိုင်ငံရေးဖြစ်စဉ်ရဲ့ နာကျင်ဖွယ်အမှန်တရားတွေပါပဲ။ တနည်းအားဖြင့်ပြောမယ်ဆုိုရင် တော့ ၀ါရင့်နုိုင်ငံရေးသမားကြီး သခင်သိန်းဖေ တခါကပြောခဲ့ဖူးသလုို မဟော်သဓာ သားတရားစီရင်ခန်းကုို ဒီနေ့ မြန်မာနုိုင်ငံ ကြုံတွေ့နေရတာပါပဲ။ ကုိုယ့်သားကုို ဘီလူးမက လုယူနေတာမှန်ပေမဲ့ ကုိုယ်ကလည်း သူ့လုို အင်အား သုံး ပြန်ဆွဲလုရင် ကုိုယ့်ကလေးပဲ နာမှာမုို့ လွှတ်ပေးလုိုက်ရတယ်ဆုိုတဲ့ သဘောမျိုးပါ။

သေနတ်ကိုင်ထားသူတွေက တုိုင်းပြည်တခုလုံးကုို စိတ်ထင်သလုို လုပ်နေပေမဲ့လည်း ကုိုယ်က သွားတားလုို့မရ။ သူ့တုို့ ခင်းပေးထားတဲ့လမ်းအတုိုင်းမလျောက်ပဲ ကလန်ကဆန်သွားလုပ်မိရင် တုိုင်းပြည် ပုိုနာလိမ့်မယ်ဆုိုပြီး နုိုင်ငံရေးသမား အတော်များများက မြင်ထားကြတယ်မဟုတ်ပါလား။

နုိုင်ငံတကာအစိုးရတွေတွေကလည်း တုိုင်းပြည်နာမှာစိုးတဲ့အတွက် စီးပွါးရေးပိတ်ဆုို့မှုတွေကို ပြန်ဖွင့်ပေးလုိုက်ပြီး ဒီ အစိုးရနဲ့ သံတမန်ဆက်သွယ်ရေးတွေပြန်လုပ်၊ စီးပွါးရေးရင်းနှီးမြှုပ်နှံမှုတွေတောင် ၀င်လုပ်နေကြပြီ မဟုတ်ပါလား။

ဒီလုိုအခြေနေမှာ ရွေးကောက်ပွဲကုို သပိတ်မှောက်ပါလား၊ ပါလီမန်ထဲကနေ သပိတ်မှောက်ထွက်လာကြပါလား ဆုို ပြီး နုိုင်ငံရေးပါတီတွေကို သွားပြောလုို့ ဘယ်ဖြစ်နုိုင်ပါ့မလဲ။ ဘာလုို့ငြိမ်ခံနေလဲ၊ ပြန်တုိုက်ကြပါလားဆုိုပြီး တုိုင်းရင်း သား တော်လှန်ရေးတပ်တွေကို သွားပြောလို့ ဘယ်ဖြစ်နုိုင်ပါ့မလဲ။ အာဏာရှင်စရုိုက်ပြန်ပြလာတဲ့ ဒီအစိုးရကို ဘာလုို့ ဒီတုိုင်းကြည့် နေတာလဲ။ စီးပွါးရေးပိတ်ဆုို့မှု ပြန်လုပ်ပါလား၊ သံတမန်နည်းအရ ဖိအားပေးပါလားဆုိုပြိး နုိုင်ငံတကာ အစိုးရတွေကို သွားပြောလို့ ဘယ်ဖြစ်နုိုင်ပါ့မလဲ။

ဒါပေမယ့် နုိုင်ငံရေးကိုစိတ်ဝင်စားသူတုိုင်း မပျက်မကွက် သတိပြုမိဖုို့လုိုတဲ့အချက်တခုကတော့ သန်း ၅၀ ကျော် သော ဒီနေ့ ပြည်သူတွေဟာ လောလောဆယ် ရေဘေးဒုက္ခနဲ့ရင်ဆုိုင်နေရပါတယ်။ စားစရာ၊ ၀တ်စရာ၊ နေစရာ အဆင်မပြေ ဖြစ်နေပါတယ်။ စပါးခင်းတွေပျက်သွားတဲ့အတွက် ရိက္ခာပြတ်လတ်မှုနဲ့ ထပ်ကြုံလာရဘွယ်ရှိနေပါ တယ်။ ဒါတွေကုို အချိန်မှီ ဖြေရှင်းပေးနုိုင်ရေးဟာ နုိုဝင်ဘာရွေးကောက်ပွဲမှာ အနုိုင်ရအောင်လုပ်ရေးထက် ပုို အရေးကြီးနေပါတယ်။

တနည်းအားဖြင့်ပြောမယ်ဆုိုရင်တော့ နုိုင်ငံရေးပါတီတွေ၊ တော်လှန်ရေးအဖွဲ့အစည်းတွေ၊ နုိုင်ငံတကာအစိုးရတွေ က တုိုင်းပြည်နာမှာစုိုးလုို့ဆိုပြီး အစိုးရကုိုဘာမှပြန်မပြောပဲ ငြိမ်ခံနေနုိုင်ကြပေမဲ့ ထမင်းငတ်နေတဲ့ လူထုက ဒီလုို အခြေအနေကြီးကုို ဘယ်လောက်အထိ ဆက်သီးခံနုိုင်မလဲဆုိုတာဟာ ဒီနေ့ မြန်မာ့နုိုင်ငံရေးရဲ့ စုိုးရိမ်ရေမှတ် တခုဆီ ရောက်လာနေပြီ ဖြစ်ပါကြောင်း တင်ပြလုိုက်ရပါတယ်။ ။

Posted in: ABSDF,LEARNING MEDIA