၂၀၁၅ ရွေးကောက်ပွဲနှင့် စည်းဝုိုင်းအပြင်ဖက်မှာ ချန်ထားခံရသူများ

The Voice Daily, 07-08-2015.

၈ လေးလုံးနှစ်ပတ်လည်နှင့် အမတ်လောင်းစာရင်းထွက်လာခြင်း

မနက်ဖြန်ကျရောက်မဲ့ သြဂုတ်လ ၈ ရက်နေ့ဟာ ၂၇ ကြိမ်မြောက် ၈၈၈၈ အရေးတော်ပုံနေ့ဖြစ်ပါတယ်။ ၁၉၈၈ က ဖြစ်ပွါးခဲ့တဲ့ ဒီအရေးတော်ပုံအတွင်း ပါဝင်ခဲ့တဲ့ ကျောင်းသားဟောင်းတွေဟာ သူတုို့ကုိုယ်သူတုို့ ၈၈ မျိုးဆက်လုို့ ခေါ်ကြပြီး အခုဆုိုရင် အသက် ၅၀ တန်း လူလတ်ပုိုင်းအရွယ်၊ သုို့မဟုတ် (Activist) နုိုင်ငံရေးတက်ကြွလှုပ်ရှားသူဖြစ် ကနေ (Politician) နုိုင်ငံရေးသမားအဖြစ် အသွင်ပြောင်းဖုို့ အကောင်းဆုံးအချိန်မှာ ရှိနေသူတွေပေ့ါ။

ဒီလုိုအချိန်မှာ ထင်ရှားတဲ့ ၈၈ မျိုးဆက်ခေါင်းဆောင်တချို့ (NLD) အမျိုးသားဒီမုိုကရေစီအဖွဲ့ချုပ်အလံတော်အောက် ကနေ ၂၀၁၅ ရွေးကောက်ပွဲကုိုဝင်ပြိုင်ဖုို့ စာရင်းပေးလုိုက်တဲ့သတင်းတွေ ထွက်လာပါတယ်။ (NLD ပါတီက သူတုို့ ကုို ရွေး မရွေးက နောက်တပုိုင်းဖြစ်ပါတယ်)။ ဒါဟာ ရှေ့မှာ ပုလ္လင်ခံခဲ့တဲ့အတုိုင်း နုိုင်ငံရေးတက်ကြွလှုပ်ရှားသူအဖြစ် ကနေ နုိုင်ငံရေးသမားအဖြစ် အသွင်ပြောင်းဖုို့ကြိုးစားခြင်းလုို့ စာရေးသူက ယူဆပါတယ်။

ဒီလုိုစာရင်းပေးတဲ့ ၈၈ မျိုးဆက်အဖွဲ့ဝင် ၂၀ ၀န်းကျင်အထိရှိပြီး အဲဒီထဲက ကုိုကုိုကြီး၊ ကိုဌေးကြွယ်၊ ကုိုပြုံးချိုတုို့ဟာ ထင်ရှားတဲ့ ခေါင်းဆောင်ပုိုင်းတွေပါ။ ရန်ကုန်မှာရှိတဲ့ ၈၈ မျိုးဆက်ခေါင်းဆောင်တွေ၊ သုို့မဟုတ် နှစ် ၂၀ ကျော် အကျဉ်းကျခံပြီး ၂၀၁၂ ကြားဖြတ်ရွေးကောက်ပွဲမတုိုင်ခင်လေးကမှ ပြန်လွတ်လာကြတဲ့ နုိုင်ငံရေးအကျဉ်းသား ဟောင်းတွေက ရွေးကောက်ပွဲဝင်ဖုို့ ဒီလုိုစာရင်းပေးနေကြချိန်မှာ လက်နက်ကုိုင်တော်လှန်ရေးလမ်းကို ရွေးချယ်ခဲ့တဲ့ တချိန်က သူတုို့လုပ်ဖေါ်ကုိုင်ဖက်၊ ရဲဘော်ရဲဘက်တွေကတော့ နယ်စပ်မျဉ်းရဲ့ အခြားတဖက်မှာ ကျန်နေဆဲပါ။

တည်ဆဲဥပဒေလုို့ လက်ရှိအစိုးရက မကြာခဏညွှန်းဆုိုလေ့ရှိတဲ့ ကုိုယ်ရေး-ကုိုယ်ထုတ်ဥပဒေနဲ့ ဒီမုိုကရေစီနည်း လမ်းမကျတဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေတွေအရဆုိုရင်တော့ ဒီလူတွေဟာ နုိုင်ငံတော်ကုို လက်နက်ကုိုင် ပုန်ကန်ခဲ့သူတွေ၊ တတိယ နုိုင်ငံတွေဆီရောက်ပြီး နုိုင်ငံခြားသားအဖြစ်ခံယူထားသူတွေ၊ ပြည်တွင်းနဲ့ နှစ် ၂၀ ကျော် ဝေးကွာနေသူတွေဖြစ်တဲ့အတွက် လက်ရှိ နုိုင်ငံရေးအခင်းအကျင်းထဲ ပါဝင်ခွင့်မပေးနုိုင်ဘူးဆုိုပြီး စည်းခြားခံထားရ သူတွေပေါ့။

ဒီလုိုစည်းခြားလုိုက်တာ တရားမျှတမှုရှိပါရဲ့လား။ တခြားနုိုင်ငံတွေရဲ့ အသွင်ပြောင်းကူးပြောင်းရေးလုပ်ငန်းစဉ်မှာ ကော ဒီလုိုပဲ စည်းခြားလုိုက်ကြတာပဲလား။ (Rebel) သူပုန်ခေါင်းဆောင်တွေ၊ (Exile) ပြည်ပရောက် အတုိုက်ခံ ခေါင်းဆောင်တွေ ပြည်တွင်းပြန်ဝင်လာပြီး ချက်ချင်းရွေးကောက်ပွဲဝင်ခွင့်ရှိတာ၊ ရွေးကောက်ပွဲမှာနုိုင်ရင် ချက်ချင်း အစိုးရ အဖွဲ့ထဲပါဝင်ခွင့်ရှိတာ၊ တချို့သူပုန်ခေါင်းဆောင်တွေ၊ အဝေးရောက်ခေါင်းဆောင်တွေဆုိုရင် သမ္မတတွေ၊ ၀န်ကြီးချုပ်တွေအထိ ချက်ချင်းတာဝန်ယူခဲ့ဖူးတာတွေကို မြန်မာ့အသွင်ပြောင်းလုပ်ငန်းစဉ်ရဲ့ ပဲ့ကုိုင်အဖွဲ့က တမင် များမေ့ထား လေရော့သလား။

နုိုင်ငံတကာ ဖြစ်စဉ်နှင့် မြန်မာ့နည်းမြန်မာ့ဟန် အသွင်ပြောင်းလုပ်ငန်းစဉ် 

နုိုင်ငံတကာ အသွင်ကူးပြောင်းမှုလုပ်ငန်းစဉ်တွေထဲက အိမ်နီးချင်း အာဆီယံနုိုင်ငံတွေကုိုပဲ ကြည့်ပါ။ ၁၉၈၈ ကနေ ၂၀၀၀ ပြည့်နှစ်တွေကြား နယ်စပ်နဲ့ ပြည်ပရောက် မြန်မာ့ဒီမုိုကရေစီအင်အားစုတွေနဲ့အတူ လက်တွဲလှုပ်ရှားခဲ့ဖူးတဲ့။ စာရေးသူကုိုယ်တုိုင် ထုိုင်းနုိုင်ငံက ဆွေးနွေးပွဲတွေမှာ မကြာခဏ အင်တာဗျုးလုပ်ဖူးတဲ့ အရှေ့တီမော လွတ်မြောက် ရေးခေါင်းဆောင်၊၂၀၀၂ မှာ ပထမဆုံး သမ္မတဖြစ်လာသူ Xanana Gusmão ဟာ လက်နက်ကုိုင် သူပုန်အဖွဲ့ရဲ့ ခေါင်းဆောင် (Rebel) တဦးပါ။

တခါ အဲဒီအချိန်က ၀န်ကြီးချုပ်တာဝန်ထမ်းဆောင်ပြီး နောက်ပုိုင်းသမ္မတဖြစ်လာသူ၊ ၁၉၉၆ ခုနှစ်ရဲ့ နုိုင်ဗယ်ငြိမ်းချမ်း ရေးဆုရှင် José Manuel Ramos-Horta ဟာလဲ ပြည်ပကနေ ပြန်လာသူ၊ အဝေးရောက်ခေါင်းဆောင် (Exile) တဦးပါ။ အလားတူပါပဲ လက်ရှိကမ္ဘောဒီးယားနုိုင်ငံရဲ့ အဓိက အတုိုက်ခံခေါင်းဆောင် Sam Rainsy ဆုိုရင်လဲ ပြည်ပ ကနေပြန်လာသူ (Exile) တဦးဖြစ်ပါတယ်။ 

ဒီလုိုအစဉ်အလာတွေရှိပါရဲ့နဲ့ မြန်မာနုိုင်ငံအသွင်ကူးပြောင်းရေးလုပ်ငန်းစဉ်ကျမှ သူပုန်တွေ ပါခွင့်မရှိဘူး။ အဝေး ရောက်တွေပါခွင့်မရှိဘူးဆုိုပြီး စည်းတားလုိုက်တာကတော့ မဟုတ်သေးဘူးနဲ့ တူပါတယ်။ တနည်းအားဖြင့် မြန်မာ့ အသွင်ကူးပြောင်းရေးလုပ်ငန်းစဉ်ဟာ နုိုင်ငံတကာကလုပ်ငန်းစဉ်တွေလုို အားလုံးကိုပါဝင်ခွင့်ပေးထားတဲ့ လုပ်ငန်း စဉ်မျိုးမဟုတ်ပဲ စစ်တပ်ကြီးစုိုးတဲ့ အစိုးရကလက်ခံမှ ပါဝင်ခွင့်ရတဲ့ လုပ်ငန်းစဉ်မျိုးဖြစ်နေပါတယ်။ အသွင်ကူးပြောင်း ရေးလုပ်ငန်းစဉ်အတွက် အစိုးရနဲ့ အတုိုက်ခံတုို့အကြား ဘာသဘောတူညီချက်မှ ကြိုယူ မထားမိဘူးလားဆုိုတာ မေးခွန်းထုတ်စရာဖြစ်လာနေပါတယ်။

ဘယ်လုိုပဲ မေးခွန်းတွေရှိနေပါစေ။ သေချာတာတခုကတော့ သူပုန်ဟောင်းတွေ၊ ပြည်ပရောက်နေသူတွေ ၂၀၁၅ ရွေးကောက်ပွဲမှာ ပါဝင်ခွင့်မရှိဆုိုပြီး လက်ရှိ စစ်တပုိုင်းအစိုးရက ဥပဒေကဲ့သုို့ အာဏာတည်သောအမိန့်တွေနဲ့ တား ထားလုိုက်ပါပြီ။ ဒီလုိုတားထားတာဟာ တရားမျှတမှုမရှိဘူး။ အားလုံးပါဝင်ခွင့်ပေးသင့်ဆုိုတဲ့ အဆုိုပြုချက်မျိုးကို လည်း အတုိုက်ခံအမတ်တွေဖက်က ပါလီမန်အတွင်း တင်သွင်းတာ၊ ဆွေးနွေးငြင်းခုန်တာ မကြားမိသေးပါ။

ဒီလုိုအခြေနေအနေမှာ မြန်မာနုိုင်ငံဒီမုိုကရေစီရရှိရေးအတွက် အသက်စွန့်တုိုက်ပွဲဝင်ခဲ့ဖူးတဲ့ ပြည်ရောက် ၈၈ မျိုး ဆက်ကျောင်းသားတွေ၊ လက်နက်ကုိုင်တုိုက်ခဲ့ဖူးတဲ့ ကျောင်းသားတပ်မတော် ရဲဘော်ဟောင်းတွေ ဘယ်လုိုခံစား နေရမလဲ။ လက်ရှိအခင်းအကျင်းက သူတုို့နဲ့ ဘာမှမဆုိုင်တော့ဘူးလား။ သူတုို့ဟာ စည်းဝုိုင်းအပြင်ကုို ရောက်သွား ကြပြီလား။

မုိုးသီးဇွန်နှင့် တောခုိုကျောင်းသားဟောင်းတွေ ဘယ်ပျောက်နေသလဲ

ဒီမေးခွန်းတွေအတွက် ၈၈ အရေးတော်ပုံကာလအတွင်း ထင်ရှားတဲ့ ကျောင်းသားခေါင်းဆောင်၊ နောက်ပုိုင်း လူ့ ဘောင်သစ်ဒီမုိုကရက်တစ်ပါတီဥက္ကဌ၊ အဲဒီကတဆင့် လက်နက်ကုိုင်တော်လှန်ရေးထဲရောက်လာပြီး ကျောင်းသား တပ်မတော် ဥက္ကဌအဖြစ် တာဝန်ထမ်းခဲ့ဖူးသူ ကုိုမုိုးသီးဇွန်ရဲ့ခံစားချက်ကုို ကျနော်မေးကြည့်ခဲ့ပါတယ်။

‘’အဲဒါကုိုက ဗမာပြည်ရဲ့ နုိုင်ငံရေးပြဿနာတွေ မပြေလည်သေးဘူးဆုိုတာကို ပြနေတာပေါ့ဗျာ’’ လုို့ သူက အစချီပြီး မြန်မာ့နုိုင်ငံရေးမှာ ပြည်တွင်းအင်အားစု၊ ပြည်ပ အင်အားစု၊ နယ်စပ်မှာရှိတဲ့ လက်နက်ကုိုင်အင်အားစု ဆုိုပြီး ၃ ခု ရှိကြောင်း၊ ဒီအင်အားစုတွေထဲက ပြည်ပနဲ့ နယ်စပ်အင်အားစုတွေဟာ ဒီရွေးကောက်ပွဲမှာ ပါဝင်ခွင့်မရရပဲ ဘေးဖယ် ခံထားရဆဲဖြစ်ကြောင်း။ ဒါကြောင့် ‘’ဒီရွေးကောက်ပွဲဟာ မြန်မာပြည်ပြသာနာရဲ့ အဖြေမဟုတ်သေးဘူး’’ လုို့ သူက ဖြေကြားခဲ့ပါတယ်။

ဒါပေမဲ့ နယ်စပ်ရှိတုိုင်းရင်းသားလက်နက်ကုိုင်အင်အားစုတွေဟာ အစိုးရနဲ့ အပစ်ရပ်လက်မှတ်ထုိုးဖုို့ ဆွေးနွေးပွဲတွေ ဆက်တုိုက်လုပ်နေပါတယ်။ အခု ၈ လေးလုံး နှစ်ပတ်လည်နေ့ မတုိုင်ခင်လေးမှာတောင် ၉  ကြိမ်မြောက် ဆွေးနွေးဖုို့ တုိုင်းရင်းသားလက်နက်ကုိုင်အဖွဲ့တွေရဲ့ အဆင့်မြင့်ညှိနုိုင်းရေးကိုယ်စားလှယ် SD (Senior Delegation) အဖွဲ့တခု ရန်ကုန်မြို့ဆီရောက်နေပြီး အစိုးရဖက်မှ ပြည်ထောင်စု ငြိမ်းချမ်းရေးဖော်ဆောင်မှုလုပ်ငန်းကော်မတီ (UPWC) နဲ့ မြန်မာ့ငြိမ်းချမ်းရေးစင်တာ (MPC) ရုံးခန်းမှာ ထပ်မံဆွေးနွေးဖုို့ ရှိနေပါတယ်။ 

ဆုိုလုိုတာက နယ်စပ်ရှိ လက်နက်ကုိုင်အဖွဲ့တွေဟာ နုိုဝင်ဘာမှာကျင်းပမဲ့ ရွေးကောက်ပွဲမှာ ပါဝင်ခွင့်မရှိပေမဲ့ တခြား လမ်းကြောင်းတွေကနေတဆင့် လက်ရှိနုိုင်ငံရေးအခင်းအကျင်းထဲ ပါဝင်ခွင့်ရနေအောင် အစုိုးရက ဖန်တီးပေးထား တဲ့ သဘောရှိနေပါတယ်။ ဒါပေမယ့် ရှေ့မှာတင်ပြခဲ့တဲ့ ကိုမုိုးသီးဇွန်အပါဝင် ပြည်ပရောက်နေတဲ့ တောခုိုကျောင်း သားဟောင်းတွေ၊ နုိုင်ငံရေးအကျဉ်းသားဟောင်းတွေအတွက်တော့ လက်ရှိနုိုင်ငံရေးအခင်း အကျင်းမှာပါဝင်ဖုို့ ဘာ လမ်းကြောင်းမှ ဖွင့်ပေးထားတာ မတွေ့မိသေးပါ။

ကုိုမုိုးသီးဇွန်ဆုိုရင် နုိုင်ငံရေးထဲ ပါဝင်ခွင့်ရဖုို့နေနေသာသာ ရန်ကုန်ရှိ မိဘဆွေမျိုးတွေဆီ ပြန်လည်ဖုို့ လူမှုရေး ဗီဇာ ကိုတောင် အစိုးရက ပိတ်ပင်ထားပါတယ်။ အလားတူ အခြားထင်ရှားတဲ့ တောခုိုကျောင်းသားခေါင်းဆောင်ဟောင်း တချို့လည်း ပြည်ဝင်ခွင့် ပိတ်ပင်ခံထားရပါတယ်။ ဒါတွေဟာ ၂၀၁၂ ကြားဖြတ်ရွေးကောက်ပွဲအလွန်မှာ ဦးသိန်းစိန် အစိုးရရဲ့ကုိုယ်စားလှယ်တွေနဲ့ သူတို့နဲ့ဆွေးနွေးစဉ်က ပေးခဲ့ဖူးတဲ့ ‘’မြန်မာနုိုင်ငံဆီပြန်လာပါ။ ပါတီထောင်ပြီး ရွေး ကောက်ပွဲဝင်ပါ’’ ဆုိုတဲ့ လူကြီးလူကောင်း နှုတ်အားဖြင့် သဘောတူညီချက်တွေကို အစိုးရဖက်က ချိုးဖောက်တာ ဖြစ်တယ်လုို့ ကိုမုိုးသီးဇွန်က စွပ်စွဲခဲ့ပါတယ်။

ဒါကြောင့် ပြည်ပရောက် အင်အားစုတွေကြား အချင်းချင်းပူးပေါင်းဆောင်ရွက်မှုတုိုးမြင့်ပြီး လက်ရှိနုိုင်ငံရေးအခင်း အကျင်းမှာ ပါဝင်ခွင့်ရအောင် ကြိုးစားဖုို့လုိုတယ်လုို့ သူက တုိုက်တွန်းခဲ့ပါတယ်။ ဒါပေမဲ့ ရွေးကောက်ပွဲက နုိုဝင်ဘာ မှာ ကျင်းပမှာဆုိုတော့ ဒီလူတွေပါဝင်ခွင့်ရဖုို့အရေးဆုိုတာ ၂၀၁၅ မှာတော့ ဘယ်လုိုမှ မဖြစ်နုိုင်တော့ပါ။

ဒါဖြင့် ၂၀၁၅ ရွေးကောက်ပွဲအလွန် ဒီမုိုကရေစီအစိုးရတရပ်တက်လာရင်ကော အားလုံးပါဝင်ခွင့်ရတဲ့ နုိုင်ငံရေး အခင်းအကျင်းအသစ်တခု ပေါ်လာနုိုင်ပါသလား။ ဒါကလည်း မသေချာလှပါဘူး။ ရွေးကောက်ပွဲမှာ NLD နဲ့ တုိုင်းရင်းသားအင်အားစုတွေ ဘယ်လောက်အထိ အနုိုင်ရနုိုင်မလဲ။ ပါလီမန်ရဲ့ ချိန်ခွင်လျှာကုို ဘယ်လောက်အထိ အပြောင်းအလဲလုပ်နုိုင်မလဲ။ 

အတိအကျပြောရမယ်ဆုိုရင် ဒီမုိုကရေစီအသွင်ကူးပြောင်းရေးလုပ်ငန်းစဉ်အတွက် အတားအဆီးဖြစ်နေတဲ့ ၂၀၀၈ ဖွဲ့စည်းပုံအခြေခံဥပဒေကုို ပါလီမန်သစ်က ပြုပြင်ပြောင်းလဲနုိုင်ပါ့မလား။ NLD ပါတီက အစိုးရအသစ်တရပ်ကုို ဦးဆောင်ဖွဲ့နုိုင်ပါ့မလား။ ၁၉၉၀ ရွေးကောက်ပွဲအပြီး ကာလလုိုမျိုး တပတ်ပြန်လည်မသွားအောင် ဒီမုိုကရေစီအင် အားစုတွေအချင်းချင်း ကြားမှာဖြစ်စေ၊ တုိုင်းရင်းသားအင်အားစုတွေနဲ့ပေါင်းပြီးဖြစ်စေ အားလုံး ဟန်ချက်ညီညီ ပူးပေါင်းဆောင်ရွက်ဖုို့ အထူးလုိုအပ်နေပြီဖြစ်ပါတယ်။ ။
.................

ဒီဆောင်းပါးအတွက် ကုိုမုိုးသီးဇွန်နှင့် မေးမြန်းခဲ့တဲ့အသံဖွိုင်ကုို ဖေါ်ပြလုိုက်ပါတယ်။ ဒီမေးမြန်းချက်ဟာ ဇူလုိုင်လ နောက်ဆုံးသတင်းပတ်က ပြုလုပ်ထားတာဖြစ်ပါတယ်။ အသံ အက်ဒစ်ပုိုင်းနဲ့ အတော်အလှမ်းကွာခဲ့ပြီ မုို့ အသံကွာလတီမကောင်းပါက တောင်းပန်အပ်ပါကြောင်း....။

Posted in: ABSDF,LIFE IN MEDIA