လက်ပံတောင်းအစီရင်ခံစာအပေါ် ဝေဖန်ချက်တချို့

အဖြေပေးထားသော သင်္ချာတပုဒ်

ရွှေကူမေနှင်း| March 20, 2013 | ဧရာဝတီ။

 

S

တုံရွာ ဒေသခံ အမျိုးသမီးတဦးကို ဒေါ်အောင်ဆန်းစုကြည်က အစီရင်ခံစာနှင့် ပတ်သက်ပြီး ရှင်းလင်းနေစဉ် (ဓာတ်ပုံ – တေဇလှိုင် / ဧရာဝတီ)

ပြည်ထောင်စု သမ္မတ မြန်မာနိုင်ငံတော်၊ စုံစမ်းစစ်ဆေးရေး ကော်မရှင် ၊ သတင်း ထုတ်ပြန်ချက် အမှတ် (၄/၂၀၁၃)၊ (၂၀၁၃ ခုနှစ်၊ မတ်လ ၁၁ ရက်)
အထက်ပါ သတင်းထုတ်ပြန်ချက် အပြည့်အစုံကို ၁၂- ၃- ၂၀၁၃ နေ့ထုတ် သတင်းစာတွင် ဖော်ပြခဲ့ခြင်းကို ဖတ်ရှုရသည်။ “အပြည့်အစုံ” သည် ရှည်လျားလှ၏။ အချို့နေရာများတွင် အကြောင်းအရာများ “ပွရောင်း”ပြီး ထပ်နေသည်။ လိုလည်း တွေ့ရ၏။ ခြုံ၍ကြည့်သောအခါ “အဖြေပေးထားသော သင်္ချာတပုဒ်ကို အဖြေမှန် မရ ရအောင် တွက်ထားသောနည်း” ဟု မြင်ပါသည်။

မဏ္ဍိုင် ၃ ရပ်အား တည့်မတ်ပေးရမည် ဆိုသော စတုတ္ထမဏ္ဍိုင်၏ တာဝန်အရ အထက်ပါ အစီရင်ခံစာကို ထောက်ပြရပါမည်။
(၁) ဒေသခံ လူထုသည် မြေယာသိမ်းမှုနှင့် ပတ်သက်၍ ထိုက်သင့်သည့် လျော်ကြေးငွေ မရရှိသဖြင့် လည်းကောင်း၊ ထိုက်သင့်သော အလုပ်အကိုင် အခွင့်အလမ်း မရရှိခြင်းကြေင့် လည်းကောင်း မကျေ မနပ်ဖြစ်ကာ ဆန္ဒပြမှုများ စတင် ဖြစ်ပေါ်လာခဲ့ခြင်း ဖြစ်ပါသည်။

မြေယာသိမ်းဆည်းရာတွင် သက်ဆိုင်ရာ ၀န်ထမ်းများက ပွင့်လင်းမြင်သာစွာ ရှင်းလင်းပြခြင်း မရှိခဲ့ပါ။ ထို့ကြောင့် ဒေသခံများက သီးနှံအတွက် လျော်ကြေးသာ ပေးသည် ထင်မြင်ယူဆခဲ့ ပါသည်။ ထိုသို့ လျော်ကြေးပေးရာတွင်လည်း ၀န်ထမ်းအချို့က ပြေပြေလည်လည် ပြောဆိုဆက်ဆံမှု မရှိခြင်းကြောင့် ပြဿနာ ပိုမိုကြီးထွားလာပါသည်။ ထိုအခြေအနေ တွင် ဒေသပြင်ပက အဖွဲ့အစည်းများကလည်း ရောက်ရှိလာကာ ဆန္ဒပြမှုများ အရှိန်မြင့်ခဲ့ပါသည်။ EIA, SIA, Transparency…။

(အပိုဒ် ၉၅ မှ ၉၈ )
အထက်ပါ သုံးသပ်ချက်က ထမင်းရေပူလာ လျှာလွှဲခြင်း ဖြစ်သည်။ အစိုးရအဖွဲ့နှင့် မသက်ဆိုင်။ ကုမ္ပဏီ၌ အပြစ်မရှိ။ ၀န်ထမ်းများ ညံ့ဖျင်းခဲ့ခြင်းကြောင့် ဟု အပြစ်ပုံချ၏။ ထို့နောက် ပြင်ပ အဖွဲ့အစည်းများ ရောက်ရှိလာကာ ဟု မိမိတို့ သက်ဆိုင်ရာ ဘာသာရပ်အလိုက် သွားရောက်ထိန်းသိမ်းရသော လူမှုရေး အဖွဲ့အစည်းများကို အပြစ်ရှာပြန်သည်။ သဘောက ဒေသခံလူများက ဘာမျှ သိပ်နားမလည်ကြ၊ အပြင်မှ လာရောက် သူများ လှုံ့ဆော်၍သာ ဤ ကိစ္စ ကြီးထွားရခြင်းဟု ဆိုလိုပေသည်။

မြန်မာ ကျေးလက်သားများသည် မိမိအိမ်၊ မိမိရွာ၊ မိမိလယ်ကို ချစ်၏။ အခြားဘယ်မျှ မသွားလို။ မိမိရွာနှင့် မိမိသာသနာကို ဖက်တွယ်ရင်း သေသည်အထိ အေးချမ်းစွာ နေထိုင်လိုကြသူများချည့် ဖြစ်၏။ ဤ လူများအား အဓမ္မ ရွှေ့ပြောင်းစေပြီး၊ သူတို့ ကိုးကွယ်သော ဘုန်းတော်ကြီးများနှင့် ကျောင်းများကိုပါ ချိတ်ပိတ်ကြခြင်းကို မည်သည့်ရွာသားက ပြုံးပြုံးကြီး ကြည့်နေနိုင်ပါမည် လဲ။ သည်အတွက် မကျေမနပ် ဖြစ်ရခြင်းကို ပြင်ပမှ လာရောက် နှိုးဆော်၍ ဖြစ်ရဟန် မှတ်ချက်ချထား ပုံမှာ “အဖြေ” မရ ရအောင် ဆွဲယူထားမှန်း ထင်ရှားသည်။

(၂) သံဃနာယက အဖွဲ့ဝင် ဆရာတော်ကြီးများအား ဖူးမျှော်လျှောက်ထား မေးမြန်းချက် အရ …ရဟန်းပျိုများအား ဆန္ဒပြပွဲ/ဖော်ထုတ်ပွဲများတွင် မပါဝင်ကြရန် သြ၀ါဒ ပေးခဲ့ပြီး အများစုမှာ လိုက်နာကြသော်လည်း အနည်းစုမှာ ထိန်းသိမ်းရ ခက်ခဲနိုင်ကြောင်း… (အပိုဒ် ၃၅)
သေလုမျောပါး အစတေးခံခဲ့ကြရသော ရဟန်းတော်များ၏ ရုပ်ပုံများကို နည်းပညာကျေးဇူးဖြင့် အားလုံး မြင်တွေ့ခဲ့ကြရပြီး ပြီ။ ငြင်း၍ မရ။ ဤတွင် ကိုယ်လွတ်ရုံးခြင်းလော၊ ဖြေသိမ့်ပေးခြင်းလော၊ မပြောတတ်။ ဆန္ဒပြပွဲမှာ မပါဝင်ဖို့ သြ၀ါဒ ပေးထားကြောင်း၊ အနည်းစုက မလိုက်နာ၍ ယခုကဲ့သို့ ဖြစ်ရကြောင်း အဖြေ ထုတ်ထားသည်။

ဤကိစ္စနှင့် ပတ်သက်၍ မေးခွန်း တခုပဲ မေးချင်ပါ၏။ ထိုစကားကို ပြောသော ပုဂ္ဂိုလ်များသည် မြတ်စွာဘုရား ကိုယ်တိုင်ပင် ဂင်္ဂါမြစ်ရေ ခွဲဝေသုံးစွဲမှုဖြင့် စစ်ဖြစ်ကြသော တိုင်းပြည် နှစ်ပြည် ရှိရာသို့ ကိုယ်တိုင်ကြွရောက်ကာ ဖြေရှင်း ပေးခဲ့သည်ကို မဖတ်ဖူးကြဘူးလား။ (သို့မဟုတ်) မြန်မာ့သမိုင်းတွင် အင်းဝနှင့် ဟံသာဝတီ စစ်ဖြစ်ရာ၌ လူသူ အသက်ပေါင်း များစွာ မသေကြေကြစေရန် “ပင်းယ စကြိုသူမြတ်” ဆရာတော်က ကြားဝင် ဖြန်ဖြေပေးခဲ့သော အဖြစ်ကို မသင်ခဲ့ကြရဘူးလား။

ရဟန်းသံဃာတော်များသည် ဒကာလူသားများ၏ ရပ်ရေး ရွာရေးတွင် ကောင်းရာကောင်းကြောင်း ၀င်ရောက် ညွှန်ကြားပေး ကြရသောထုံးစံရှိရာ ယခု ကိစ္စတွင်လည်း မနေသာ၍ ၀င်ပါကြရခြင်းဟု မမြင်ကြဘူးလား။ ယခုအတိုင်း ဆိုလျှင်  မီးလောင်ဒဏ်ရာရကြရှာသော ရဟန်းအားလုံးကို “အနေမတတ် အထိုင်မတတ်နဲ့ ဖြစ်တာ မဆန်းဘူး” ဟုပင် အပြစ်ပုံချ ချင်ကြတာလား။

(၃) မြန်မာ့စီးပွားရေး ဦးပိုင် လီမိတက်၏ ဆာလဖျူရစ် အက်စစ် စက်ရုံသည် စက်မှုဝန်ကြီးဌာန၏ ခွင့်ပြုချက် ရယူထားခြင်း မရှိသည့် အပြင်… (အပိုဒ် ၉၄ ၊ ခ …. ၂ )
ဝန်ကြီးဌာနခွင့်ပြုချက် မရဘဲ စက်ရုံတည်ခြင်းကို ယခုမှပင် အများပြည်သူများ သိကြရလေပြီ။ ဤကဲ့သို့ စက်ရုံမျိုး ဘယ်နှစ်ခု ရှိနေမည်လဲ။ ယခုမှ ခွင့်ပြုချက်ရယူပြီး ISO လက်မှတ် ယူသင့်သည်ဟု အကြံပြုလေသည်။ ပယ်ဖျက်ရန် မပြောချေ။ လက်မှတ်လေးယူလိုက်လျှင် ပြီးတာပဲ ဟု လွယ်လွယ်ပင် အကြံပြုလေ၏။ ဘက်လိုက်မှန်း မသိသာလွန်း ဘူးလား။

(၄) မြန်မာ့စီးပွားရေး ဦးပိုင် လီမိတက်နှင့် ၀မ်ပေါင်ကုမ္ပဏီတို့ ချုပ်ဆိုထားသော စာချုပ်ကို ညှိနှိုင်းပြီး ပြန်လည် ပြင်ဆင်ရန် လိုအပ်ပါသည်။ (အပိုဒ် ၉၄၊ (ခ) (၄) )
စာချုပ်ကို ပြန်လည် ပြင်ဆင်နိုင်သည်ဟု ဆိုလျှင် ယခုပင်လျှင် တမျိုးပြင်ကာ ဤစီမံကိန်းကြီးကို ရပ်ပြီး အခြားတခုခုနှင့် အစားထိုးဖို့ ဘာကြောင့် အကြံမပြုနိုင်သလဲ။

(၅) မှတ်တမ်း များအရ  ဆရာတော်ဘုရားကြီးအနေနှင့် တမိုး တ၀ါစံ ၀ါးကျောင်းမျိုးသာ လက်ခံခဲ့ကြောင်း၊ အဆိုပါ သိမ်နှင့် စေတီသည် ပထမ လယ်တီ ဆရာတော်ဘုရားကြီး တည်ထားသည့် သာဿနိက အဆောက်အအုံ ဖြစ် ကြောင်း အထောက် အထားမတွေ့ရပါ။ (အပိုဒ် ၊  ၉၄ ၊ (ဂ) )
ပထမ ဆရာတော်ကြီး လက်ရာ မဟုတ်တာနှင့်ပဲ ဖျက်ချင်သလို ဖျက်နိုင်သည်လား။ သည်လို ဆိုရင်ဖြင့် သိဂုတ္တရ ကုန်းတော်ရှိ ရွှေတိဂုံစေတီကြီးကို အတူယူပြီး မြို့နယ်အများအပြားမှာ တည်ထားကြသော စေတီတော်တွေကို မူလ လက်ရာ မဟုတ်ဆိုပြီး ဖြိုပစ်လို့ ရသလား။

(၆) လက်ပံတောင်း တောင်ကြား တောရစင်္ကြန်ကျောင်း ဟုခေါ်သော မြေနေရာနှင့် ၎င်းအပေါ်ရှိ စေတီ၊ သိမ်၊ ကျောင်း စသော ဗုဒ္ဓ သာဿနိက အဆောက်အအုံ များသည် လက်ပတောင်းတောင် ကြေးနီစီမံကိန်းတွင် အလယ်ဗဟို၌ တည်ရှိပြီး သတ္တုသိုက် တည်ရှိရာ အဓိကနေရာ ဖြစ်ကြောင်း …. လက်ရှိ အနေအထားအတိုင်း အခြားသင့်တော်မည့် နေရာတခုခု သို့ ပြောင်းရွှေ့ပေးသင့်ကြောင်း။ (အပိုဒ် ၊ ၈၃ (ဂ) )
သည်လိုဆိုလျှင် အကယ်၍ ရွှေတိဂုံစေတီကြီး တည်ရှိရာ သိဂုတ္တရတောင်အောက်၌ စိန်တွင်းကြီးရှိသည်ဟု နိုင်ငံခြား ကုမ္ပဏီများက လာရောက် တူးဖေါ်ချင်လျှင် ရွှေတိဂုံစေတီကြီးကို  ရွှေ့ပစ်ကြမှာလား။

(၇) လူစုလူဝေး ခွဲရာတွင် သုံးစွဲရန် မည်သည့် ပစ္စည်းကို မဆို ရဲတပ်ဖွဲ့ဝင်များက ကြိုတင် စမ်းသပ်သင့်သည်။ လိုအပ်လျှင် နိုင်ငံတကာ အကူအညီများ ရယူပြီး ပြည်ပသို့ စေလွှတ်၍ လေ့ကျင့် သင်ကြားစေသင့် ကြောင်း အကြံပြု တင်ပြအပ်ပါ သည်။ (အပိုဒ် ၊ ၉၂ (က) )
မြန်မာနိုင်ငံ ရဲတပ်ဖွဲ့၏ အဓိကရုဏ်း နှိမ်နင်းမှု လေ့ကျင့်ခြင်းကို မိမိ အစီအစဉ်ဖြင့် လည်းကောင်း၊ နိုင်ငံတကာ အကူအညီ ရယူ၍ လည်းကောင်း၊ အမြန် စတင်သင်ကြားသင့် ပါကြောင်း၊ အဆင့်မြင့် နိုင်ငံခြား သင်တန်းများသို့လည်း စေလွှတ် သင်ကြား စေသင့်ပါကြောင်း။ (အပိုဒ် ၉၂ (ခ))
ခေတ်မီ ဖွံ့ဖြိုးတိုးတက်သော ဒီမိုကရေစီ နိုင်ငံတော်သစ်ကြီး တည်ဆောက်ရေး အတွက် ယခု ထက်ကောင်း မြတ်သော အကြံများ မပြုနိုင်ကြတော့ဘူးလား။ ငြိမ်းချမ်းစွာ ဆန္ဒပြသူများအား သေလုမျောပါး လုပ်ခြင်းကို အပြစ်မတင်ဘဲ နည်းစနစ် ထပ်မံသင်ကြား သင့်ကြောင်း အကြံပြုချက်ကို အံ့ဩရုံမှ တပါး….
အရေးအကြီးဆုံး တခုသာ ပြောချင်ပါ၏။

ယနေ့ နိုင်ငံတကာ ကျင့်ထုံးအရ တိုင်းပြည် တပြည်၏ တိုးတက်မှုကို GDP ခေါ် အသားတင် ကုန်ထုတ်လုပ်မှုဖြင့် တိုင်း တာကြကြရုံဖြင့် မလုံလောက်တော့ပါ။ ပြည်သူလူထု မည်မျှ စိတ်ပျော်ရွှင် ကျေနပ်သနည်း ဟူသော Happiness ဖြင့်လည်း တိုင်းတာနေကြပါပြီ။
ကြေးနီသည် လည်းကောင်း၊ ဒေါ်လာသည် လည်းကောင်း အရေးကြီးသလို ပြည်သူလူထု၏ စိတ်နှလုံးသာယာ ချမ်းမြေ့မှုဆိုသော “တန်ဖိုး”သည်ကား အရေးအကြီးဆုံးဟု ဆိုလိုခြင်း ဖြစ်သည်။
သို့ပါ၍ တောင်ကို ဖြိုရန်သာ မျက်စောင်းထိုးသော အိမ်နီးချင်း၏ စီးပွားရေး၊ မိမိနှင့် နိုင်ငံစီးပွား ဆိုသော အကျိုးများကို “ငွေကြေး”ဖြင့် မတိုင်းတာ ကြတော့ဘဲ တိုင်းသူပြည်သား များ၏ Happiness ကိုသာ ဦးစားပေး စဉ်းစားဆင်ခြင် ဆုံးဖြတ်ကြရန် ထောက်ပြရေးသားလိုက်ရပါသည်။
......................................................................

စာမျက်နှာ ၇၇ မျက်နှာရှိတဲ့ လက်ပန်တောင်းတောင်အစီရင်ခံစာ အပေါ် ပညာရှင်တစ်ဦးအမြင်ဖြစ်ပါတယ်။ ပြည်တွင်းအခြေစိုက် သဘာဝပတ်ဝန်းကျင် ထိန်းသိမ်းရေးနှင့် ပညာပေးရေး အဖွဲ့တခုဖြစ်သော Ecodev ကို ပူးတွဲတည်ထောင်သူတဦး တဦးဖြစ်တဲ့ ပညာရှင် ဦးဝင်းမျိုးသူရဲ့ အမြင် ဖြစ်ပါတယ်။

----------------------------------------------------------

(ပထမပိုင်း)

မျက်ကြည်လွှာထွက်သွားလို့ အရေးပေါ်မျက်စိခွဲစိတ်ထားရတာ ၂၁
ရက်ရှိသွားပါပြီ။ မျက်စိအခြေအနေတိုးတက်လာပေမဲ့ ဆရာဝန်က
အပြည့်အဝအနားယူဖို့၊ မျက်စိကို အလွန်အကျွံအသုံးမချဘုို့
ညွှန်ကြားထားပါတယ်။ ဒီနေ့တော့ ဒါတွေကို မလိုက်နာနိုင်ပါဘူး။
လက်ပံတောင်းတောင် အစီရင်ခံစာထွက်လာတယ်ဆိုလို့ ကျန်တဲ့မျက်စိ တစ်ဖက်နဲ့
ကြိုးစားပမ်းစား ဖတ်ကြည့်မိပါတယ်။ ဖတ်ပြီးတဲ့ အခါမှာလည်း ရင်ထဲမှာ
တစ်ဆို့ဆို့ကြီးခံစားရလို့ ကိုယ့်ရဲ့ဝေဖန်သုံးသပ်ချက်ကို
ချရေးမိပါတယ်။

ပထမဆုံးပြောရရင်တော့ ကိုယ့်ရဲ့ခံစားချက်တွေဟာ တစ်ခုခုကို
ထိန်ချန်ထားသလို ခံစားရပါတယ်။ ပြောသင့်ပြောထိုက်တာတွေကိုမပြောဘဲ၊
ထိန်ချန်ပြီး မရုတ်မလွန် မြွေမသေ၊ ဒုတ်မကျိုးပြောနေသလိုမျိုးဘဲ
ခံစားရတယ်။ စီမံကိန်းရဲ့အားနဲချက်တွေကို ပြုပြင်ပြီး စီမံကိန်းကို
ဆက်လုပ်သင့်တယ်လို့ အကြံပြုတာကို ဘယ်လိုမှ ဝေဖန်အပြစ်မပြောလိုပါဘူး။
ဒါပေမယ့် အောက်ဖော်ပြပါအချက်အလက်တွေနဲ့ ပတ်သတ်ပြီး ပိုပြီးတိတိကျကျ
သုံးသပ်ဆွေးနွေး၊ အကြံပြုရင်ကောင်းမှာဘဲလို့ ထင်မိပါတယ်။



(၁) ပတ်ဝန်းကျင်ရေးရာ ဆန်းစစ်သုံးသပ်ချက်တွေက
သိပ်ပြီးထူးထူးခြားခြားမပါရှိပါဘူး။ ကျားကိုက်ပါတယ်ဆုိုမှ
အပေါက်လေးလားဆိုသလိုပါဘဲ၊ ဒေသခံပြည်သူတွေနဲ့ ပတ်ဝန်းကျင်
ထိန်းသိမ်းရေးသမားတွေပြောတဲ့အချက်တွေကို ပြန်ပြီး
တရားဝင်ဖြစ်အောင်ပြောတဲ့သဘော ဖြစ်နေတယ်။ ကော်မရှင်ပါ ပညာရှင်တွေအနေနဲ့
အကန့်အသတ်၊ အခက်အခဲတွေ အများကြီး ရှိမယ်ဆိုတာကို နားလည်တယ်။ ဒါပေမယ့်
ကျားကိုက်တဲ့အပေါက်လေးက ဘယ်လောက်နက်လဲ၊ လူသေမှာလားဆိုတဲ့
အချက်လေးတွေပါအောင် ဆန်းစစ်သုံးသပ် ပေးနိုင်ရင်
ကောင်းမယ်လို့ထင်ပါတယ်။ အထူးသဖြင့် စီမံကိန်းကို ဆက်မလုပ်စေလိုတဲ့
ဒေသခံတွေအနေနဲ့ ဒီစီမံကိန်းကြောင့်၊ မြေပေါ် မြေအောက်ရေညစ်ညမ်းမှုကြောင့်
ချင်းတွင်းမြစ်ထိခိုက်ပြီး၊ မုံရွာမြို့ ကြီးပါ
ဆိုးကျိုးကြုံတွေ့ရမယ့်ကိစ္စတွေကို စိုးရိမ်ပူပန်နေကြပါတယ်။
တနည်းအားဖြင့် ရေညစ်ညမ်းမှု ဖြစ်မယ်ဆုိုက ငြင်းစရာမရှိတဲ့ အချက်ပါ။

ဒါပေမယ့် ဒီညစ်ညမ်းမှုဟာ ဘယ်အတိုင်းအတာအထိဖြစ်မလဲ၊
ဖြစ်နိုင်လဲဆိုတာကို ရှင်းလင်းသုံးသပ်ဖို့ကောင်းပါတယ်။
အခြေခံကိန်းဂဏန်းအချက်အလက် (Baseline Data) တွေ မရသေးလို့ ကံသေကံမ
မပြောနိုင်သေးရင်တောင်မှ၊ ဖြစ်နိုင်ချေတွေ ပညာရပ်ပိုင်းဆိုင်ရာ
ရှုဒေါင့်ကနေ ရှင်းရှင်းလင်းလင်းပြောပြသင့်ပါတယ်။ ဒီရှင်းလင်းချက်မပါရင်
ဒီအချက်ကို စိုးရိမ်နေသူတွေဘယ်လိုမှ ကြောင့်ကြကင်းမှာ မဟုတ်ပါဘူး။

ပတ်ဝန်းကျင်ရေးရာဆန်းစစ်ရာမှာ
ဆိုးကျိုးဖြစ်မဖြစ်လေ့လာရုံတင်မကပါဘူး။ ထိခိုက်နုိုင်မှု (Magnitude)
နဲ့ ဆုံးရှုံးနစ်နာနုိုင်မှု (Intensity) နှစ်ခုလုံးကိုပါခြုံပြီး
သုံးသပ်ဖို့လိုပါတယ်။ စာရေးသူအနေနဲ့ စီမံကိန်းစနစ်တကျမဆောင်ရွက်ရင်
ရေညစ်ညမ်းမှုရှိနိုင်တယ်။
အတိတ်ကာလအိုင်ဗင်ဟိုးကုမ္ဗဏီလုပ်ခဲ့စဉ်ကတည်းကကို
ရေညစ်ညမ်းမှုတွေရှိခဲ့ဘူးတယ်။ ဒါကြောင့် တရုတ်ကုမ္ဗဏီတွေအနေနဲ့
ပတ်ဝန်းကျင်ကို အလေးမထားခဲ့ရင် ရေညစ်ညမ်းမှုတွေ
ဖြစ်နုိုင်တယ်လို့ခန့်မှန်းခဲ့ပါတယ်။ ဒါပေမယ့် ဒေသခံတွေပြောနေတဲ့အချက်က
စိုးရိမ်ပူပန်မှုလွန်ကဲနေတယ်လုိ့ ထင်မြင်မိတယ်။
တရုတ်ကုမ္ဗဏီတွေရဲ့လုပ်ဆောင်မှုမှတ်တမ်းနဲ့လက်ရှိဆောင်ရွက်ပုံတွေကို
လေ့လာသုံးသပ် ကြည့်ရင်၊ ပတ်ဝန်းကျင်ကို
အလေးထားမှုအားနဲတယ်လို့သုံးသပ်နိုင်ပါတယ်။ ဒါကြောင့်မို့
ဒေသခံတွေစိုးရိမ်ပူပန်မှု လွန်ကဲနေတာကို အပြစ်ပြောလို့မရနုိုင်ဘူး။

ပညာရပ်ပိုင်းဆိုင်ရာ ပိုမိုလေ့လာတိကျတဲ့အချက်တွေနဲ့
ဒေသခံတွေကိုရှင်းလင်းသင့်တယ်လို့ ထင်မြင်မိပါတယ်။ လက်ရှိအခြေအနေမှာ
လေ့လာရေးကန့်သတ်ချက်တွေ၊ အခက်အခဲတွေကြောင့် ဒေသခံတွေ စိုးရိမ်မှုကို
တိကျတဲ့အဖြေမပေးနိုင်သေးရင်လည်း၊ မပေးနုိုင်သေးကြောင်း
အတိအလင်းဖော်ပြပြီး၊ ဘယ်လိုဆန်းစစ်လေ့လာမှုတွေလုပ်ဘို့လိုတယ်၊ ဒါမှသာ
ပိုပြီးတိတိ ကျကျပြောနုိုင်မယ်ဆိုတဲ့ ရှင်းလင်းချက်တွေပေးသင့်ပါတယ်။

ပတ်ဝန်းကျင်ရေးရာ ဆန်းစစ်တဲ့အခါမှာ
တစ်ရာရာခိုင်နှုန်းပြီးပြည့်စုံ Perfect ဖြစ်နိုင်ဘို့ မလွယ်ပါဘူး။
လေ့လာဆန်းစစ်တဲ့အခါမှာ အသုံးပြုတဲ့ ယူဆချက်တွေနည်းစနစ်တွေ
တွက်ချက်မှုတွေရဲ့ အားနည်းချက်၊ အားသာချက်တွေကို
ကြိုတင်ဖော်ပြထားဘို့လိုပါတယ်။ ဒါမှသာ ကိုယ့်ရဲ့သုံးသပ်ချက်ဟာ
ဘယ်အတုိုင်းအတာ အကန့်အသတ်ဘောင်အတွင်းမှာဘဲ မှန်နိုင်တဲ့ ရာခိုင်နှုန်း
ဘယ်လောက်ရှိတယ်။ အများလက်ခံနိုင်တဲ့ အနေအထား ဘယ်လောက် ရှိတယ်
ကြိုတင်ပြောထားမှ သုံးသပ်ချက်၊ အကြံပြုချက်တွေဟာ ပိုပြီး ထင်သာ၊
မြင်သာရှိပါတယ်။ ကော်မရှင်ရဲ့ အစီရင်ခံစာမှာ လေထုညစ်ညမ်းမှုကို
စစ်ဆေးတိုင်းတာတဲ့ အခါမှာ လေထုထဲဖုန်မှုန့် (TSPM)
များနေတာကိုသာထောက်ပြပြီး၊ SO2 ပမာဏကတော့ ညစ်ညမ်းမှုအဆင့်မရှိဘူးလို့
သုံးသပ်ထားပါတယ်။ စာရေးသူနားလည်ထားသလောက် ပြောရရင် လေထုညစ်ညမ်းမှုကို
ပုံမှန် ရေရှည်တိုင်းတာမှုပြုလုပ်မှသာ လေထုထဲ အက်စစ် ပမာဏ
သတ်မှတ်ချက်ထက် များမများသိနိုင်ပါတယ်။ လေထုထဲမှာရှိမယ့်
အက်စစ်ပြင်းအားဟာ စုိုစွတ်တဲ့ရာသီဥတု၊ အချိန်ကာလမှာ နည်းပါးလျက်ရှိပြီး၊
ခြောက်သွေ့တဲ့ရာသီ နေ့အချိန်တွေမှာ ပိုများပြားတတ်ပါတယ်။

အစီရင်ခံစာထဲမှာ အက်စစ်ပမာဏတွေဟာ လေထုထဲမှာ မများဘူးလို့ဆိုတဲ့အခါ
ခေါင်းထဲကိုအတွေးဝင်လာတာက၊ ကော်မရှင်ရဲ့ လေ့လာဆန်းစစ်တဲ့နည်းစနစ်နဲ့
အချိန်ကာလတွေပါပဲ။ လေထုအရည်အသွေးစစ်ဆေးဘို့ နမူနာကောက်ယူတဲ့အခါမှာ
ဘယ်အချိန်ကာလတွေမှာ ကောက်တာလဲ၊ ဘယ်နေရာတွေမှာ ဘယ်နှစ်ကြိမ်ကောက်လဲ၊
ကောက်ယူတဲ့နမူတွေကကော ဒေသတစ်ခုလုံးမှာ အက်စစ်ညစ်ညမ်းမှုမရှိဘူးလို့
ပြောလောက်အောင် ကိုယ်စားပြုနုိုင်ရဲ့လား အစရှိသဖြင့် သိချင်လာပါတယ်။
ပတ်ဝန်းကျင်ရေးရာ အသေးစိတ်အစီရင်ခံစာမှာတော့ ဒီအချက်တွေပါမယ်လို့
မျှော်လင့်ပါတယ်။ ဒါပေမယ့် ပြည်သူလူထုကို အစီရင်ခံတဲ့ အစီရင်ခံစာမှာ
ဒီဆန်းစစ်တဲ့နည်းစနစ်တွေရဲ့ Degree of subjectivity တဖတ်သတ်
ကိုယ်သန်ရာတွေးကောက်ချက်ချယူနိုင်မှုကို ဘယ်လိုလျော့ပါးအောင်
လေ့လာသုံးသပ်ထားတယ်ဆုိုတဲ့အချက်တွေ ယေဘူယျထည့်သွင်း ဖော်ပြသင့်တယ်လို့
ထင်ပါတယ်။

 နို့မို့လိုဆိုရင် စီမံကိန်းကြောင့် အက်စစ်ဓာတ်များကြောင့်
လေထုညစ်ညမ်းမှုမရှိဘူးဆုိုတဲ့ တရားသေကောက်ချက်တွေ ဖြစ်သွားနုိုင်ပြီး၊
အရေးကြီးတဲ့ အချက်တစ်ချက် ကျန်သွားနိုင်ပါတယ်။ SO2 ဟာပေါ့ပါးပြီး
လေတိုက်အားပေါ်မှာ မူတည်ပြီး မိုင်ထောင်ချီပြေးနိုင်ပါတယ်။ ရာသီအလိုက်
လေတိုက်ရာအရပ်ကိုလိုက်ပြီး အနောက်တောင်ဘက်နဲ့ အရှေ့မြောက်တွေဘက်မှာ
SO2 ရဲ့ ဆိုးကျိုးဒဏ်ကို ခံရနုိုင်ပါတယ်။ လေနဲ့ရေမှာ ပါလာတဲ့
အက်စစ်ဓာတ်ကြောင့် မြေအဆိပ်သင့်မှု (Soil contamination)
နဲ့ပတ်သက်ပြီးတော့ အစီရင်ခံစာမှာ ဖော်ပြထားတာ သိပ်မတွေ့မိသလိုပါပဲ။
မြေအဆိပ်သင့်မှုဟာ စားနပ်ရိက္ခာထုတ်လပ်ရေးနဲ့ လူအများအဟာရ ဖွံ့
ဖြိုးရေးနဲ့ကျန်းမာရေးကိစ္စတွေမှာ အကျိုးသက်ရောက်မှုရှိတဲ့အတွက်
အရေးကြီးတဲ့ အချက်တချက်ပါ။



(၂) ပတ်ဝန်းကျင်ဆိုးကျိုးတွေနဲ့ပတ်သတ်ပြီး
ပိုမိုသိရှိနားလည်နုိုင်ဘို့ EIA ၊ SIA လေ့လာမှုတွေ
ပိုမိုလုပ်ကိုင်ဘို့ အကြံပြုထားပါတယ်။ တဘက်တည်းမှာဘဲ
ပတ်ဝန်းကျင်ပြုပြင်ထိန်းသိမ်းရေး စီမံချက် (EMP) တွေ ရေးဆွဲဘို့လည်း ပါ
ပါတယ်။ ဒါပေမယ့် ဒီရေးဆွဲချမှတ်တဲ့ စည်းကမ်းတွေ၊ စီမံချက်တွေကို
ဘယ်လိုလက်တွေ့မှာ အမှန်တကယ် အကောင်အထည်ဖော်ဆောင်ရွက်သွားနိုင်ဘုို့
ဘယ်လိုအစီအမံတွေနဲ့ ကြီးကြပ်ကွပ်ကဲ စောင့်ကြည့်မဲ့ ယန္တယား
(Environmental Monitoring Mechanism) ကိုထားရှိဘို့လိုတယ် ဆိုတဲ့
အချက်ကို ဆွေးနွေးထားတာမတွေ့ရပါဘူး။ ဥပဒေစိုးမိုးရေးပြောသလိုပါဘဲ။

လွှတ်တော်တွေက ဘယ်လောက်ကောင်းတဲ့ ဥပဒေတွေ ထုတ်ပြန်ပြဌာန်းပေမယ့်၊
လက်တွေ့တွန်းအားပေးဆောင်ရွက်မယ့် Enforcement Mechanism စီမံခန့်ခွဲမှု
ယန္တယားတွေမရှိရင် အရာမရောက်နုိုင်ပါဘူး။ အထူးသဖြင့် ပြည်သူလူထုကို
ဒီလိုစောင့်ကြပ် ကြည့်ရှု စီမံခန့်ခွဲပိုင်ခွင့် အခွင့်အာဏာ
တနည်းအားဖြင့် Community Empowerment မလုပ်ဘူးဆိုရင် ရေရှည်မှာ
လက်တွေ့အကောင်အထည်ပေါ်လာမှာ မဟုတ်ပါဘူး။ ဒါကြောင့် လူထုကို
ပတ်ဝန်းကျင်ရေးရာ ကိစ္စရပ်တွေမှာ အပြုသဘောမျိုးဆောင်
ပိုမိုပူးပေါင်းဆောင်ရွက်လာနိုင်အောင် အမြင်ဖွင့်
ပြုစုပျိုးထောင်ပေးရင်း၊ သူတို့ကိုယ်တိုင် ဘယ်လို တိုက်ရိုက်
စီမံခန့်ခွဲနုိုင်ခွင့် လွတ်လပ်စွာပြုမလဲဆိုတာ အစီရင်ခံစာမှာ
အလေးပေးဆွေးနွေးသင့်ပါတယ်။ (ဒုတိယပိုင်း ဆက်ရန်....)4


အမိမဲ့သားရေနဲငါးပမာဖြစ်ရသော လက်ပံတောင်းတောင်အစီရင်ခံစာ (ဒုတိယပိုင်း)
(၃) လူမှုဆန်းစစ်ချက်မှာ မြေသိမ်းယူမှုလျော်ကြေးပေးတာတွေ
ထင်သာမြင်သာမရှိမှုနှင့် ကာလပေါက်ဈေးအတိုင်း မပေးတာတွေကို
ဒေသခံပြည်သူတွေပြောတဲ့အတိုင်းပဲ ထောက်ပြ သုံးသပ်ထားပါတယ်။
အကြံပြုချက်အနေနဲ့ မြေသိမ်းလျော်ကြေးပေးဘုို့ရယ်၊
အလုပ်အကိုင်အခွင့်အလမ်းတွေ ပိုမိုရရှိအောင် ဆောင်ရွက်ဘုိ့ရယ်၊
အသေးစားနဲ့ အလတ်စားလုပ်ငန်း SME တွေဖွံ့ ဖြိုးအောင်
ဆောင်ရွက်ပေးဘို့ရယ်ဆိုပြီး အဓိက အကြံပြုထားပါတယ်။ မစားရဝခမန်း
ဒေါ်လာသန်းထောင်ချီမြတ်မယ့် စီးပွားရေးစီမံကိန်းတွေဆိုရင်
ဘယ်လိုအကျိုးစီးပွားကို ခွဲဝေဖြန့်ဖြူးအောင်လုပ်မယ် (Benefit Sharing
and Wealth Distribution) ဆိုတာ တိတိကျကျ ဖော်ပြသင့်ပါတယ်။

တနည်းအားဖြင့် စီမံကိန်းကြောင့်ရလာမယ့် Economic Growth ကို equity
အလို့ငှာ ဘယ်လိုဒေသခံပြည်သူလူထုကို distribute ဖြန့်ဝေမယ်ဆိုတာ
အရေးကြီးပါတယ်။ ဒီကနေ့အပြောများတဲ့ Corporate Social Responsibility –
CSR ဟာ အဖြေမဟုတ်ပါဘူး။ အားနည်းချက်တွေရှိပါတယ်။ CSR ဟာအဓိကအားဖြင့်
လူ့အခွင့်အရေး အရသော်လည်းကောင်း၊ ဥပဒေအရသော်လည်းကောင်း၊ ပြဌာန်းထားတဲ့
ပတ်ဝန်းကျင်ရေးရာ စည်းကမ်း၊ လူမှုရေး ကျင့်ဝတ်တွေကို
ကုမ္ဗဏီတွေကလိုက်နာတဲ့ အဆင့်ဘဲ ရှိပါသေးတယ်။ ကော်ပိုရေးရှင်းတွေ
သဒ္ဒါရင် သဒ္ဒါသလိုပေးကမ်းစွန့်ကြဲတဲ့ လူမှုရေး ဒါနပြုမှုတွေရှိကောင်း
ရှိနုိုင်ပါတယ်။ ဒါပေမယ့် တိုးပွားလာတဲ့ အကျိုးစီးပွားကို
ကနဦးအစကတည်းက ဘယ်လိုလူထုထဲကို ဖြန့်ဖြူးပေးမယ်ဆိုတဲ့
ကတိကဝတ်ပြုချည်နှောင်ထားမှုတွေမရှိပါဘူး။

 မျက်စိထဲမြင်အောင်ပြောရရင်
အိမ်ရှင်ချမ်းသာလာလုို့ အိမ်ဖော်ကို သဒ္ဒါတရားအရ ရွှေဆွဲကြိုးဆင်ပေးတဲ့
အဆင့်ပဲ ရှိပါတယ်။ တကယ့်ကို တာဝန်သိတဲ့ စီးပွားရေး Responsibility
Business ဆုိုတာ လူ့အခွင့်အရေးနဲ့ ပတ်ဝန်းကျင်ရေးရာ
စောင့်စည်းရမှာတွေကို လိုက်နာရုံတင်မကဘူး၊ စီပွားရေးလုပ်ကတည်းကကို
ရလာမယ့် Growth ကိုဘယ်လိုပြည်သူထူထုကို တုိုက်ရိုက်ရရှိအောင်
ဖြန့်ဖြူးမလဲဆိုတာ စဉ်းစားပြီး စီမံကိန်းကို Design လုပ်ပြီး
ရေးဆွဲအကောင်အထည်ဖော်ရပါတယ်။ အစိုးရကို အခွန်ပေးနေရတာပဲ၊
ဒေသခံတွေအလုပ်ရနေတာပဲ၊ ငွေတွေလှူနေတာပဲဆိုတာတွေနဲ့ မလုံလောက်ပါဘူး။
ငွေတွေအမြတ်ထဲကမှ ဘယ်လောက်ရာခိုင်နှုန်းနဲ့ ဒေသဖွံ့ ဖြိုးရေးကို
နှစ်စဉ်ပုံမှန်ထောက်ပံ့မယ်။ အစရှိသဖြင့် တိတိကျကျ
တာဝန်ယူသတ်မှတ်ဖော်ပြသင့်ပါတယ်။

နိုင်ငံတကာငွေရေးကြေးရေးအဖွဲ့အစည်းတွေဖြစ်တဲ့ IFC နဲ့ နုိုင်ငံတကာဖွံ့
ဖြိုးရေး အဖွဲ့အစည်းတွေ လက်ခံထားတဲ့ လုပ်ငန်းလမ်းညွှန်ကတော့
မြေသိမ်းယူရတဲ့ ကိစ္စတွေမှာ သိမ်းခံရသူတွေ ဘဝရပ်တည်ရှင်သန်ရေးအတွက်
အစီအမံတွေ အတိအကျပါဝင်သင့်တယ်လို့ မူဘောင်ချမှတ်ထားပါတယ်။
ဒါကြောင့်မို့လို့ ကြေးနီစီမံကိန်းဟာ အကျိုးအမြတ်တွေတွက်ချက်တဲ့
အတိုင်း ရှိနေမယ်ဆိုရင် အမြတ်ရာခိုင်နှုန်းတစ်ခုကို သတ်မှတ်ပြီး
ဒေသဖွံ့ ဖြိုးရေး ရံပုံငွေတစ်ရပ်တည်ထောင်သင့်တယ်ဆိုတဲ့ အချက်ကို
အလေးအနက်ထား အကြံပြုသင့်တယ်လုို့ ထင်မြင်မိပါတယ်။

 လူမှုရေး ဆန်းစစ်မှုထဲမှာ
အငြင်းပွားစရာတစ်ခုက ရှေးဟောင်းယဉ်ကျေးမှုဆုိုင်ရာ၊ သာသနိကအဆောက်အဦး
ကိစ္စ သုံးသပ်အကြံပြုချက်ပါပဲ။ လယ်တီဆရာတော်ကြီးဟာ ဝါးတဲကျောင်းမှာ
သီတင်းသုံးစကြာံင်္လျှောက် ယာယီနေထုိုင်ခဲ့တာပဲဖြစ်တယ်၊ လက်ရှိသာသနိက
အဆောက်အဦးတွေဟာ ဆရာတော်ကြီးသတင်းသုံးခဲ့တဲ့ဟာတွေမဟုတ်လို့
ပြောင်းရွှေ့ဆောက်လုပ်သင့်တယ်လုို့ သုံးသပ်အကြံပြုချက်ဟာ
များစွာအံ့အားသင့်စေပါတယ်။ လယ်တီဆရာတော်ကြီးဟာ မြန်မာပြည်မှာ
ဝိပ္ဗသနာတရားပြန်လည်ပြန့်ပွား၊ ထွန်းကားလာအောင်
အဓိကဆောင်ရွက်ခဲ့တဲ့သူဆိုတာ အငြင်းပွားစရာမလိုတဲ့ သမိုင်းအချက်အလက်ပါ။

မုံရွာက သံဃာတော်တွေဆိုသလို လက်ပန်းတောင်းတောင်ဟာ လယ်တီဆရာတော်ကြီးရဲ့
ပရိယတ္တိနဲ့ ပဋိပတ္တိအလုပ်တွေနဲ့ အောင်မြေစိုက်ခဲ့တဲ့နေရာဆိုရင်
စာရေးသူကတော့ရှေးဟောင်းသမိုင်းဝင်နေရာလို့ဆိုချင်ပါတယ်။
ဝါးတဲနဲ့ပဲနေနေ၊ တုိုက်ကျောင်းနဲ့ပဲနေနေ အရေးမကြီးပါဘူး။
ဗုဒ္ဓဘာသာဝင်တွေရဲ့ အထွတ်အမြတ်ထား အလေးထားရမယ့် နေရာတစ်ခုပါ။
ထိန်းသိမ်းစောင့်ရှောက်သင့်ပါတယ်။ အလွယ်ဆုံးမြင်သာတဲ့ ဥပမာပေးရရင် ဂေါတမ
ဗုဒ္ဓမွေးဖွားခဲ့တဲ့ လုမ္ဗဏီအင်ကြင်းတောကို ဘာမှ
မူလလက်ရာအဆောက်အဦးတွေမရှိလို့၊ အင်ကြင်းပင်တွေမဟုတ်တော့လို့
ရွှေကြောကြီးရှိတယ်ဆိုပြီး ရွှေတူးပစ်မှာလားလုို့ မေးရမလိုဖြစ်နေပါတယ်။
ကော်မရှင်အနေနဲ့ဒီအချက်ကို အလေးထားပြီး ပိုပြီးပြည့်စုံတဲ့
ရှေးဟောင်းသမိုင်းယဉ်ကျေးမှုဆုိုင်ရာ လေ့လာဆန်းစစ်မှုတွေပြုလုပ်ပြီးမှု
လက်ရှိအကြံပြုချက်ကို ပေးသင့်တယ်လုို့ ထင်ပါတယ်။

လူမှုရေးဆိုင်ရာဆန်းစစ်ချက်ထဲမှာ သိပ်ပြီးမရှင်းလှတဲ့အချက်က
စီမံကိန်းကြောင့် ဒေသခံပြည်သူတွေရဲ့ ကျန်းမာရေးထိခိုက်မှုနဲ့ပတ်သတ်တဲ့
လေ့လာသုံးသပ်ချက်တွေပါပဲ။ ဒေသခံတွေရဲ့ရောဂါဟာ အက်စစ်ဓာတ်ကြောင့်ဖြစ်တာ
မဟုတ်ဘူးလို့ကျန်းမာရေးကျွမ်းကျင်သူများက ဆိုတယ်လို့
အစီရင်ခံထားပါတယ်။ ဒီနေရာမှာ ဒီခလေးတွေရဲ့ ရောဂါဟာ အက်စစ်ဓာတ်ကြောင့်
မဟုတ်ဘူးဆိုရင် အခြား Heavy Metal လို့ခေါ်တဲ့
သတ္တုလေးတွေကြောင့်ဖြစ်နုိုင်တဲ့ အခြေအနေနဲ့ ကော သက်ဆိုင်မှုရှိလား၊
ရှိတယ်ဆိုရင်ကော ဒါက စီမံကိန်းသတ္တုတူးဖော်တာနဲ့ဆိုင်နိုင်လား၊
ဒါမှမဟုတ် ဒေသလူတွေ အရပ်နည်းနဲ့ ဒုထ္တာချက်တဲ့အတွက် ဆက်စပ်နေတဲ့
ကျန်းမာရေးဆိုးကျိုးဖြစ်နုိုင်လားဆိုတာ ဆန်းစစ်ဘို့လိုပါမယ်။
ဒီလိုပိုပြီး အသေးစိတ်လေ့လာမှုရှိမရှိ အစီရင်ခံစာထဲမှာ ဖော်ပြမထားပါဘူး။

သတ္တုတွင်းတူးလို့ သတ္တုသန့်စင်ထုတ်လုပ်သယ်ယူ ပို့ဆောင်
ထိတွေ့မှုများလို့ ပါဝင်တဲ့၊ ပါဝင်နုိုင်တဲ့ အက်စစ်ဓာတ်တွေရယ်နဲ့
သတ္တုလေးတွေရဲ့ ကျန်းမာရေးဆိုင်ရာ အန္တရာယ်တွေကို သေချာဆန်းစစ်ဘို့
လိုပါတယ်။ ကော်မရှင်က တာဝန်ရှိသူတွေဟာ ပေးထားတဲ့ အချိန်ကာလထဲမှာ Rapid
Health Assessment ကျန်းမာရေးရှောင်တခင်ဆန်းစစ်ခြင်းပြုလုပ်နုိုင်ပါတယ်။
စီမံကိန်းဒေသတွင်းနှင့် စီမံကိန်း ပြင်ပဒေသမှာ ရှိတဲ့လူတွေရဲ့
ကျန်းမာရေးကို ကျပန်းနမူနာ ကောက်ယူစစ်ဆေးလို့ ရနုိုင်ပါတယ်။

ကျေးလက်ကျန်းမာရေးဌာနတွေရဲ့ မှတ်တမ်းတွေကို ကောက်ယူပြီး၊
နှိုင်းယှဉ်လေ့လာပြီး ဖြစ်နုိုင်ခြေ အကျိုးအကြောင်းတွေ
သုံးသပ်နုိုင်ပါတယ်။ အထူးသဖြင့် အက်စစ်အသုံးပြုတဲ့လုပ်ငန်းတွေဟာ
အသက်ရှုလမ်းကြောင်းဆိုင်ရာ ရောဂါများ (Acute Respiratory Infectin - ARI)
များဖြစ်ပွားနုိုင်ပါတယ်။ ARI ဟာ ၅ နှစ်အောက်ကလေးတွေမှာ
အသေအပျောက်အများဆုံး ဖြစ်စေတဲ့ ရောဂါတွေထဲက အရေးကြီးတဲ့
ရောဂါမျိုးဖြစ်ပါတယ်။ ဆေးမှတ်တမ်းများအရရော၊ လျှောင်တခင်စစ်ဆေးမှုအရရော
နှိုင်းယှဉ်လေ့လာနိုင်မယ်လို့ ထင်ပါတယ်။ စီမံကိန်းဒေသနဲ့
စီမံကိန်းပြင်ပကလူတွေကို နှိုင်းယှဉ်တဲ့အခါ ဒီလိုရောဂါမျိုးတွေ
များမများ၊ များနေရင်လည်း စီမံကိန်းနဲ့ ဆက်စပ်မှုရှိမရှိဆိုတာ
အစီရင်ခံစာထဲမှာပါတဲ့ ရေတွင်းတွေမှာ မာကျူရီဓာတ်များ မများနဲ့
စီမံကိန်းကြောင့်ဖြစ်နုိုင်ချေရှိမရှိကို သုံးသပ်သလိုမျိုး
လေ့လာဆန်းစစ် ဘို့လိုပါတယ်။ အခိုင်အမာဆက်စပ်မှုတွေ
သက်သေမပြနိုင်သေးရင်လည်း ဘယ်လိုဆက်လက်လေ့လာသင့်တယ်ဆိုတာ
ဆွေးနွေးသင့်ပါတယ်။ ဒီကိစ္စရပ်တွေ ကော်မရှင်အနေနဲ့ လေ့လာမလာဆိုတာ
မသိရပါဘူး။ လေ့လာထားရင်လည်း လူထုသိအောင် အစီရင်ခံစာထဲမှာ
ဖော်ပြသင့်ပါတယ်။



(၄) အစီရင်ခံစာထဲမှာ စီးပွားရေးဆန်းစစ်ချက်ပါပါတယ်။
ဒါဟာစီမံကိန်းကို ဆက်လုပ်သင့်မသင့်ဆိုတာ စဉ်းစားတဲ့နေရာမှာ
အရေးပါပါတယ်။ အထက်ပါဖော်ပြခဲ့တဲ့ အချက်တွေကို စီးပွားရေး
အကျိုးအမြတ်အသာရမှုနဲ့ ချိန်ထိုးလေ့လာဘို့လိုပါတယ်။ အစီရင်ခံစာထဲမှာ
အကျိုးအမြတ်များနုိုင်တယ်။ အကျိုးအမြတ်ခွဲတဲ့နေရာမှာ မြန်မာဘက်က
အသာစီးရပါတယ်ဆိုပြီး ကောက်ချက်ချထားပါတယ်။ ဒီလိုဖော်ပြရာမှာ
စာရေးသူမရှင်းတဲ့အချက်က တကယ်အကျိုးအမြတ်ရနုိုင် မနိုင်ကိုပါပဲ။

အကျိုးအမြတ်ခွဲဝေမှုကို ရှင်းပြတဲ့နေရာမှာ ရတဲ့ဝင်ငွေထဲက
တိုက်ရိုက်ကုန်ကျစားရိတ် ၅၄% ကို နှုတ်ပြီး၊ ကျန်တဲ့ ၄၆ % မှာ အစိုးရက
ဘယ်လောက်၊ ဦးပိုင်ကဘယ်လောက်၊ တရုတ်ကုမ္ဗဏီက ဘယ်လောက်ဆိုပြီး
ယေဘူယျနုိုင်ငံတော်မှာ အကျိုးအမြတ်ပိုရှုိတယ်ဆိုတဲ့ အချက်ပေါ်အောင်
အလေးပေးရေးထားပါတယ်။ ဒီနေရာမှာ သတိချပ်ရမှာက၊
ရရှိတဲ့အကျိုးအမြတ်ရာခိုင်နှုန်း ၁ ရာခိုင်နှုန်းဟာ
တစ်ဒေါ်လာဖြစ်နုိုင်သလို၊ ဒေါ်လာ သန်းတစ်ရာလည်း ဖြစ်နုိုင်ပါတယ်။
ရာခိုင်နှုန်း ဖော်ပြလိုက်ရုံနဲ့ ပတ်ဝန်းကျင်ဆုံးရှုံးမှုနဲ့
လူမှုရေးနစ်နာမှုတွေ ကြောင့်ပေးဆပ်လိုက်ရတဲ့ စီးပွားရေးကုန်ကျစရိတ်
(economic cost) တွေနဲ့ နှိုင်းယှဉ်ပြီး အကျိုးအမြတ်ရှိမရှိကို
လေ့လာချင့်ချိန်လုို့ မရဘူးဖြစ်သွားပါတယ်။ ဈေးထဲမှာ
ကုန်စိမ်းရောင်းတဲ့သူဟာ စီးပွားရေးပညာရှင်တွေသုံးတဲ့ Net Present Value
တို့ Cost Benefit Ratio တို့ Internal Rate of Return တိုို့
မသိပါဘူး။ ဒါပေမယ့် တစ်နေ့ငွေသား ဘယ်လောက်ကျန်မလဲ၊
နေ့ပြန်တိုးဘယ်လောက်ကိုက်မလဲ၊ ဘဏ်မှာ ငွေစုထားတာထက် ဒါမှမဟုတ်
သုံးကျပ်တိုးနဲ့ ငွေချေးရတာထက် သူ့စီးပွားရေး ကိုက်မကိုက်ကို
ချင့်ချိန်စဉ်းစားတတ်ပါတယ်။ ဒီလိုရိုးရိုးလေး အခြေခံစဉ်းစားဘုို့ကို
လေ့လာသုံးသပ်ချက်မပါတော့ များစွာပဲ အံသြမှင်သတ်ရပါတယ်။ ဦးပိုင်ကရတဲ့
အကျိုးအမြတ်ရာခိုင်နှုန်းဟာ ပြည်သူတွေနဲ့မသက်ဆိုင်လုို့ နုိုင်ငံတော်က
ရမယ့် အကျိုးအမြတ်ကိုပဲ၊ ပြည်သူတွေသွယ်ဝိုက်အကျိုးရှိစေမှာလို့
မှတ်ယူပါတယ်။ နုိုင်ငံတော်က ရမယ့် အကျိုးအမြတ်ရာခိုင်နှုန်းထဲမှာ
ဝင်ငွေခွန်အတွက် ရရှိမယ့် ရာခိုင်နှုန်းကို အဓိကအကျိုးအမြတ်အဖြစ်
ဖော်ပြထားပါတယ်။ ဝင်ငွေခွန်ဆိုတာ မြတ်မှရမှာပါ။ မမြတ်ရင် မရဘူးလို့
မှတ်ယူနုိုင်ပါတယ်။ ကျွန်တော်သိတာမမှားဘူးဆိုရင်
ဝင်ငွေခွန်တွက်ချက်ဘုို့ အတွက် ကြေးနီရောင်းရငွေထဲက
တုိုက်ရိုက်ကုန်ကျစရိတ်နှုတ်ရုံတင်မကဘဲ၊
သွယ်ဝိုက်ကုန်ကျစရိတ်သို့မဟုတ် ပြန့်နှံ့ကုန်ကျစရိတ်တွေ
နှုတ်ရပါဦးမယ်။ 

တနည်းအားဖြင့် ကြေးနီထွက်ထွက် မထွက်ထွက်၊
ဈေးကောင်းနဲ့ရောင်းလို့ ရရ မရရ၊ ကုန်ကျမယ့် စီမံခန့်ခွဲစရိတ်တွေနဲ့
ရင်းနှီးမြှုပ်နှံထားတဲ့ မရွှေ့မပြောင်းနုိုင်တဲ့ ပစ္စည်းတွေရဲ့
နှစ်စဉ်တန်ဘိုးလျော့-အလျော့တွက် (Depreciation)
စရိတ်တွေနှုတ်ရဦးမှာဖြစ်တယ်။ ဒီတော့ ကြေးနီစီမံကိန်းကုန်ကျစရိတ် ၅၄%မှာ
ဒီစရိတ်တွေ တွက်ချက်ပြီး ပါမပါဆိုတာ အစီရင်ခံစာမှာ မကွဲပြားပါဘူး။
တကယ်လို့ မပါသေးရင် ထပ်ပြီး နှုတ်ဘို့လိုပါတယ်။ ဒီအခါမှာ
ဝင်ငွေခွန်ဆောင်ရမယ့် ပမာဏဟာ ပိုပြီးနည်းသွားဦးမှာဖြစ်ပါတယ်။
ဒီမှာထပ်ဆင့်စဉ်းစားရမှာက တရုတ်ကုမ္ဗဏီအနေနဲ့ စီမံကိန်းကိုဆက်လုပ်ရင်
လူမှုရေး၊ ပတ်ဝန်းကျင်ရေးရာ အတွက် ပိုမိုကုန်ကျစရိတ်တွေရှိလာမှာပါ။
ဒီထပ်ဆောင်းစရိတ်တွေနှုတ်လိုက်လို့
ဝင်ငွေခွန်ရဘုို့ထပ်ပြီးနည်းသွားမလားဆိုတာ စဉ်းစားရမှာပါ။
တရုတ်ကုမ္ဗဏီအနေနဲ့လည်း ကုန်ကျတဲ့အတွက် သူရဲ့ ရရှိမယ့်
အမြတ်ရာခိုင်နှုန်းဟာ ရင်းနှီးထားတဲ့ သန်း ၉၀၀
ကျော်နဲ့ယှဉ်ရင်တွက်ခြေကိုက်ပါ့မလား၊ ဘယ်လိုမှ တွက်ခြေမကိုက်ဘဲ
ဆက်လုပ်မယ်ဆိုရင်တော့ တစ်ခုခု မှားနေပြီဆိုတာ အထင်းကြီး
သိနုိုင်ပါတယ်။ အလှည့်အပတ်မျိုးစုံနဲ့ ဘယ်လိုအကျိုးအမြတ်ထုတ်
ဦးမှာလဲဆိုတဲ့ သံသယတွေကြီးထွားလာမှာပါ။ ကြေးနီစီမံကိန်းရဲ့
စီးပွားရေးတွက်ချေကိုက်မှုနဲ့ ပက်သတ်ပြီး ပြင်းပြင်းထန်ထန်ဝေဖန်ထားတဲ့
ဆောင်းပါးတစ်ခုကို အင်တာနက်ထဲမှာ ဖတ်ရပါတယ်။ ဒီအချက်အလက်တွေမှန်မမှန်
စာရေးသူ မစစ်ဆေးနိုင်ပေမယ့်၊ တင်ပြထားချက်တွေဟာ ယုတ္တိဗေဒကျတယ်ဆုိုတာ
တွေ့ရပါတယ်။ ဒီတော့ ကော်မရှင်အနေနဲ့ ဒီဆောင်းပါးပါ ဝေဖန်ချက်တွေကို
ရှင်းလင်းတင်ပြနုိုင်မယ့် လေ့လာသုံးသပ်အကြံပြုချက်မျိုးဖြစ်သင့်ပါတယ်။


စီးပွားရေးအကျိုးအမြတ်ဆန်းစစ်တဲ့နေရာမှာ မထင်မှတ်နုိုင်တဲ့
အကြောင်းရာများကြောင့် ထုတ်လုပ်မှုလျော့ပါးသွားတာ၊
ဈေးနှုန်းမှန်းထားသလောက်မရတာ အစရှိတဲ့ ဆုံးရှုံးနုိုင်မှုအန္တရာယ် (RISK)
တွေကို ထည့်သွင်းစဉ်းစားမှု ဘယ်လောက်အတုိုင်းအတာအတွင်း
စီးပွားရေးအကျိုးအမြတ်ရရှိနိုင်မှုဟာ အပြောင်းအလဲရှိနုိုင်တယ်ဆုိုတာ
ထည့်သွင်းတွက်ချက်စဉ်းစားသင့်ပါတယ်။ ဆုံးရှုံးနုိုင်ခြေထည့်မတွက်ထားရင်
တွက်ရေးတော့ စက်သူဌေးပဲ ဆိုသလို အဖြစ်မျိုး ရောက်နေမှာပါ။ ကော်မရှင်မှာ
တာဝန်ရှိသူတွေဟာ ဒီလိုလေ့လာတာကို နောက်တဆင့် Feasibility Study
ဖြစ်နုိုင်ခြေဆန်းစစ်မှုတွေလုပ်မှ သုံးသပ်မယ်လို့ စဉ်းစားထားလား
မသိပါဘူး။ ဒါဆိုရင်တော့ အားနည်းချက်တွေကိုပြင်ပြီး စီမံကိန်းကို
ဆက်လုပ်သင့်တယ်လို့ အကြံပြုတာဟာ စောနေမလားလို့ တွေးစရာတွေပေါ်လာပါတယ်။



(၅) အစီရင်ခံစာမှာ
စီမံကိန်းခွင့်ပြုအကောင်အထည်ဖော်ဆောင်ရွက်တဲ့အခါမှာ
ထင်သာမြင်သာမှုမရှိတာတွေ၊ တာဝန်ယူမှုအားနည်းနေတာတွေ၊
လုပ်ထုံးလုပ်နည်းမကျတာတွေ ထောက်ပြဝေဖန်ထားပါတယ်။ ဒါတွေက မဆန်းပါဘူး။
အားလုံးသိပြီးသားအချက်တွေပါပဲ၊ ဒီထက်မက
ဝှက်ထားတဲ့အချက်တွေရှိဦးမယ်လို့ ယုံကြည်မိပါတယ်။
ဘယ်လိုပြောပြောဒီအားနည်းချက်တွေကို တရားဝင်ထုတ်ဖော်ပြောဆိုတဲ့အတွက်
ကော်မရှင်ကို ကျေးဇူးတင်ရပါမယ်။ ဒါပေမယ့် အခြားဘဝင်မကျတဲ့အချက်က
စီမံကိန်းအကောင်အထည်ဖော်တာကို ခေတ္တဆိုင်းငံ့ထားဘုို့ အကြံပြုတင်ပြထားတာ
မပါလို့ပါပဲ။ အစီရင်ခံစာမှာ ဖော်ပြထားသလို လူမှုရေး၊
ပတ်ဝန်းကျင်ရေးပြုပြင်စရာတွေလိုသေးတယ်။

ဆက်လက်လေ့လာစရာတွေလိုသေးတယ်ဆုိုရင်၊ ဒီလိုလိုအပ်ချက်တွေပြည့်မှီပြီးမှ
သဘောတူညီချက်အသစ်နဲ့ စာချုပ်ထပ်ချုပ်ဆိုပြီး
စီမံကိန်းအကောင်အထည်ဖော်သင့်ပါတယ်။ မသေချာမှုတွေ Uncertainty
တွေများနေသေးတဲ့ကာလမှာ စီမံကိန်းကို ဇွတ်တိုးဆက်မလုပ်ဆောင်သင့်ပါဘူး။
ကော်မရှင်ပဲ မျက်စိမှောက်လေသလား၊ မျက်လုံးတစ်ဘက်နဲ့ အစီရင်ခံစာဖတ်ရတဲ့
စာရေးသူမှာပဲ မျက်စိလျှန်းလေသလား မသိဘူး။ ဒီအချက်တွေပါတာ မတွေ့ရပါဘူး။
ဒါမှမဟုတ်လက်ရှိမှာ စီမံကိန်းရပ်ဆိုင်းထားဘို့ သက်ဆိုင်ရာက
ညွှန်ကြားချက်ထုတ်ပြီးသားလား စာရေးသူမသိပါ။

အထက်က တင်ပြခဲ့တဲ့အချက် ငါးချက်ဟာ၊ သာမန်အတွေး၊ သာမန်အသိနဲ့ပဲ
နှိုင်းယှဉ်သုံးသပ်နိုင်မယ်ထင်ပါတယ်။ အဆင့်မြင့်ပညာတွေ
သင်စရာမလိုပါဘူး။ ဘွဲ့လွန်ပါရဂူဘွဲ့တွေယူစရာမလိုပါဘူး။
ပတ်ဝန်းကျင်ရေးရာ၊ အခြေခံအသိပညာ အထိအတွေ့ရှိယုံမျှနဲ့
အလွယ်တကူစဉ်းစားနုိုင်မဲ့အချက်တွေ ဖြစ်မယ်လို့ ထင်ပါတယ်။

ဝက်မှေးရွာသူ တစ်ယောက်က ပြောပါတယ်။ စီမံကိန်းကြောင့် သူ့တုို့ဘဝတွေ
နစ်နာသွားပါစေ။ နိုင်ငံတော်တကယ် အကျိုးရမယ်ဆိုရင် ဒေသခံတွေ
ပေးဆပ်ရကျိုးနပ်ပါတယ်လို့ ပြောပါတယ်။ ဒီတင်ပြချက်အတွက် အစီရင်ခံစာ
တိတိကျကျရေရေရာရာ အဖြေပါမနေပါဘူး။ စာရေးသူဟာ လက်ပံတောင်းအရေးနဲ့
ပတ်သက်လုိ့မေးလာတဲ့ မီဒီယာမှန်သမျှ၊ အကြံဥာဏ်ကောင်းတဲ့ ဒေသခံမည်သူမဆို၊
ဒီမိုကရေစီပြုပြင်ပြောင်းလဲရေး အချိန်ကာလမှာ လက်ပံတောင်းတောင် ပြဿနာကို
ဒီမိုကရေစီနည်းကျကျ ဥပဒေဘောင်အတွင်းက ရှင်းလင်းဘို့ အစဉ်အမြဲ
တိုက်တွန်းခဲ့သူပါ။ စုံစမ်းလေ့လာသူတွေရဲ့ သိက္ခာသမာဓိ၊ ပညာဥာဏ်
အတွေ့အကြုံနဲ့ ပြည်သူ့အကျိုးဆောင်ရွက်လိုတဲ့စိတ်တွေ အပေါ်မှာ
သံသယမရှိဘို့ အချိန်တိုင်းမှာ နေရာတုိုင်းမှာ ၊
ကိုယ့်အမြင်ကိုတင်ပြခဲ့သူပါ။ အပြည့်စုံ Perfect မဟုတ်ရင်တောင်မှ
အကောင်းဆုံးတော့ဖြစ်မှာ ပါလို့ မျှော်လင့်မိပါတယ်။ 

သို့သော်လည်း
အထက်မှာ တင်ပြခဲ့သလို သာမန်အတွေး၊ သာမန်အသိနဲ့ လေ့လာသုံးသပ်တင်ပြရမယ့်
အချက်တွေ အစီရင်ခံစာမှာ မတွေ့ရတော့ များစွာအားငယ်မိပါတယ်။ ကော်မရှင်မှာ
တာဝန်ရှိသူတွေအနေနဲ့ မသိလို့ မရေးတာမဟုတ်ဘဲ၊ ကြိုတင်ဆုံးဖြတ်ပြီးသား
အချက် (Pre-defined Judgement) ကို အထောက်အကူပြုရုံလောက်
ပံ့ပိုးပေးရုံအတွက် မရုတ်မလွန်ရေးနေတာလားလို့
ထင်ယောင်ထင်မှားဖြစ်လာပါတယ်။ ဆရာဝန်တွေ လူနာကို စမ်းသပ်တဲ့နေရာမှာ
ဖြစ်နုိုင်ချေရှိတာတွေ အားလုံးကို Diagnosis
ဆန်းစစ်လေ့လာသုံးသပ်ကြပါတယ်။ ဒီတွေ့ရှိချက်ပေါ်မှာ မူတည်ပြီးမှသာ
ကုသမယ့်နည်းလမ်းမျိုးစုံကို စဉ်းစားပြီးမှ လူနာနဲ့
အသင့်တော်ဆုံးနည်းလမ်းကို လူနာနဲ့ ညှိနှိုင်းပြီး
ဆုံးဖြတ်ရွေးချယ်တတ်ကြပါတယ်။ လက်ပံတောင်းတောင်ပြသနာမှာ
ပေးလိုတဲ့ဆေးအတွက် လူနာကို လိုသလောက်လေးစစ်ဆေးသလို ဖြစ်နေလားလို့
စဉ်းစားမိပါတယ်။ လက်ကုန်ထုတ်လေ့လာသုံးသပ်ထားတယ်လို့ မမြင်မိပါဘူး။


ဒီလိုကြီးမားတဲ့စုံစမ်းစစ်ဆေးမှုတွေမှာ အစီရင်ခံစာအကြမ်းကို Peer
Review လုိုခေါ်တဲ့ အခြားပြင်ပသင့်တော်တဲ့သူတွေ ဝေဖန်သုံးသပ်ချက်တွေကို
ရယူပြီးမှ အပြီးသတ်ကောက်ချက်ချ အစီရင်ခံစာပြုစုလေ့ရှိကြပါတယ်။
ဒါမှမဟုတ်လည်း Public Hearing ပြည်သူ့ကြားနာတာကို ဆောင်ရွက်ပြီးမှ
အပြီးသတ်ဆောင်ရွက်လေ့ရှိပါတယ်။ ကော်မရှင်အနေနဲ့ ဒီလိုလုပ်ဘို့
လုပ်ငန်းစဉ်ပါမပါ မသိရပါဘူး။ ဒီလိုမသေမချာရှိနေတဲ့ စီမံကိန်းမှာ
မပြီးမပြည့်စုံတဲ့လေ့လာသုံးသပ်မှုတွေနဲ့ အဖြေထုတ်မယ်ဆိုရင်
စာရေးသူတို့ ပြည်သူတွေအနေနဲ့ အမိမဲ့သား၊ ရေနဲငါးလိုပဲ တကယ့်ကို
ခိုကိုးရာမဲ့ ဖြစ်ရပါတယ်။ စာရေးသူတို့ အယုံကြည်ဆုံး၊
အမျှော်လင့်ဆုံးလူတွေကမှ တွေ့ကြုံနေရတဲ့ ပြသနာတွေကို အတတ်နိုင်ဆုံး
ကာကွယ်မဆောင်ရွက်ပေးဘူးဆိုရင် ဘယ်သူတွေက အနာဂတ်မှာ ဆောင်ရွက်ပေးကြမှာလဲ
။ အကောင်းမြင်ဝါဒရှိဘို့အမြဲ ကြိုးစားသူတွေအနေနဲ့ပြောနုိုင်တာက တော့
ကော်မရှင်ရဲ့ ကြိုးပမ်းမှုဟာ၊ လိုအပ်ချက်တွေရှိနေပေမယ့် ဖြစ်နုိုင်တာကို
အကောင်းဆုံးလုပ်ထားတာပါဆိုပြီး ဖြေသိမ့်ရမှာပါ။

ဒီလိုတင်ပြနုိုင်တာကကို အရှုံးထဲက ၊ အမြတ်ဖြစ်ပြီး၊ အနာဂါတ်မှာ
လိုအပ်ချက်တွေကို ပြုပြင်ဖြည့်စွက်ပြီး ဆောင်ရွက်မယ်ဆိုရင်
ဒီလိုရှုပ်ထွေးနက်နဲတဲ့ ပတ်ဝန်းကျင်ရေးရာကိစ္စရပ်တွေအတွက် အဖြေတစ်ခု
နည်းပေးလမ်းပြ ရနုိုင်တယ်ဆိုပြီး အားတင်းပြုံးပြရမှာဖြစ်ပါတယ်။
ဒီအစီရင်ခံစာနဲ့ပတ်သတ်ပြီး၊ ဒေသခံတွေကတော့ လုံးလုံးကျေနပ်နိုင်မှာ
မဟုတ်ဘူးဆိုတာ ကတော့ သေချာပါတယ်။ ပတ်ဝန်းကျင်ရေးရာ
ပြသနာကစတဲ့နုိုင်ငံရေးအရှုပ်အထွေးတင်းမာမှုတွေကို ဘယ်လို
ဖြေရှင်းမလဲဆိုတာတော့ ငွေရောင်ပိတ်ကားပေါ်မှာ ဆက်ကြည့်ရမှာဖြစ်ပါတယ်။


အားလုံးကျန်းမာချမ်းသာဘေးဘယာ ကင်းဝေးနုိုင်ကြပါစေ။

Posted in: LEARNING MEDIA,TRAVEL